କଟକ: ରେଭେନ୍ସା କଲିଜିଏଟ୍ ସ୍କୁଲକୁ ପୋଷ୍ୟ ସ୍କୁଲ ଭାବେ ଗ୍ରହଣ କରିଥିବା ଏହାର ପୂର୍ବତନ ଛାତ୍ର ତଥା ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ଅରିଜିତ ପଶାୟତ ନିଜ ସ୍କୁଲକୁ ତିନିଟି ସ୍ମାର୍ଟ କ୍ଲାସ ରୁମ ଭେଟି ଦେଇଛନ୍ତି । ଏହି ଅବସରରେ ସ୍କୁଲ ପରିସରରେ ଆଜି ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା । ତେବେ ସ୍କୁଲ ପରିଦର୍ଶନ ସମୟରେ ଜଷ୍ଟିସ ଅରିଜିତ ପଶାୟତ ସେ ପାଠ ପଠୁଥିବା କ୍ଲାସ ରୁମକୁ ଦେଖି ଭାବ ବିହ୍ବଳ ହୋଇଯାଇଥିଲେ ।
ରେଭେନ୍ସା କଲିଜିଏଟ୍ ସ୍କୁଲ ତାଙ୍କୁ ପରିଚୟ ଦେଇଛି ଏବଂ ତାଙ୍କର ସଫଳତା ପଛରେ ଏକ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରୁଥିବା କହିଛନ୍ତି, ଜଷ୍ଟିସ ଅରିଜିତ ପଶାୟତ । ସେହିପରି ଏହି ସ୍କୁଲ ମାଟି ସର୍ବଦା ଗଣେଶ ଗଢ଼ିଥାଏ । ମାତ୍ର କେବେ ରାବଣ ଗଢିନଥିବା କହିଛନ୍ତି ଜଷ୍ଟିସ ପଶାୟତ । ସରକାରୀ ସ୍କୁଲଗୁଡ଼ିକର ଭିତ୍ତିଭୂମିର ବିକାଶ ପାଇଁ ରାଜ୍ୟ ସରକାରଙ୍କ ପୋଷ୍ୟ ସ୍କୁଲ କାର୍ଯ୍ୟକ୍ରମରେ ରେଭେନ୍ସା କଲିଜିଏଟ୍କୁ ପୋଷ୍ୟ ସ୍କୁଲ ଭାବେ ଗ୍ରହଣ କରିଛନ୍ତି ଜଷ୍ଟିସ ଅରିଜିତ ପଶାୟତ ।
ଇଟିଭି ଭାରତ, କଟକ
