କଟକ: ଜନୈକା ଆଦିବାସୀ ନାବାଳିକାଙ୍କୁ ଦୁଷ୍କର୍ମ ଘଟଣାରେ ଆସାମୀକୁ ୧୪ ବର୍ଷର ସଶ୍ରମ କାରାଦଣ୍ଡାଦେଶ ସହ ୧୦ ହଜାର ଟଙ୍କାର ଜୋରିମାନା ନିର୍ଦ୍ଦେଶ ଦେଇଛନ୍ତି କଟକର ସ୍ଵତନ୍ତ୍ର ପୋକ୍ସୋ ଅଦାଲତ । ଏହାସହ ଜୋରିମାନା ଅନାଦେୟ ଅଧିକ ୬ ମାସ ଜେଲ ଦଣ୍ଡାଦେଶ ରାୟ ଶୁଣାଇଛନ୍ତି ସ୍ବତନ୍ତ୍ର ପୋକ୍ସୋ ଅଦାଲତ।
ସେହିପରି ପୀଡିତାଙ୍କୁ ୫ ଲକ୍ଷ ଟଙ୍କାର କ୍ଷତିପୂରଣ ନିର୍ଦ୍ଦେଶ ଦିଆଯାଇ ଥିବା ବେଳେ ଜିଲା ଆଇନସେବା ପ୍ରାଧିକରଣ ଜରିଆରେ ଏହି କ୍ଷତିପୂରଣ ଦେବାକୁ କୋର୍ଟ ନିର୍ଦ୍ଦେଶନାମାରେ କହିଛନ୍ତି ।
ଘଟଣା ଅନୁସାରେ କଟକ ଚୌଦ୍ବାର ଅଞ୍ଚଳରେ ୨୦୧୫ ମସିହା ଜୁନ ୨୭ ରେ ଏହି ଦୁଷ୍କର୍ମ ଘଟଣା ଘଟିଥିଲା । ପୀଡିତା ସେତେବେଳେ ୧୪ ବର୍ଷର ନାବାଳିକା ଥିଲେ। ନିଜ ପୁତୁରାର ଏକୋଇଶିଆ କାର୍ଯ୍ୟକ୍ରମରେ ଯୋଗଦେବାକୁ ତାଙ୍କ ଘରକୁ କିଛି ବନ୍ଧୁ ବାନ୍ଧବ ଆସିଥିଲେ । ଅତିଥୀଙ୍କ ପାଇଁ ଥଣ୍ଡା ପାନୀୟ ଆଣିବା ପାଇଁ ଯାଇଥିବା ବେଳେ ପୀଡିତା ଦୁଷ୍କର୍ମର ଶିକାର ହୋଇଥିଲେ ।
କଟକ ପୋକ୍ସୋ ଅଦାଲତ ଏହି ମାମଲାର ଶୁଣାଣି କରି ୧୬ ଟି ତଥ୍ୟ ପ୍ରମାଣ ଓ ୧୬ ଜଣ ସାକ୍ଷୀଙ୍କ ବୟାନକୁ ଆଧାର କରି ଏହି ଦଣ୍ଡାଦେଶ ଶୁଣାଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
