ଭୁବନେଶ୍ବର: ଆସନ୍ତା 7 ତାରିଖ ରାତି 1ଟା 55 ମିନିଟରେ ଚନ୍ଦ୍ରଯାନ-2 ଚନ୍ଦ୍ରପୃଷ୍ଠରେ ଅବତରଣ କରିବ । ଏହି ଅବତରଣକୁ ପ୍ରଧାନମନ୍ତ୍ରୀ ମୋଦି ବାଙ୍ଗାଲୁରୁ ସ୍ଥିତ ଇସ୍ରୋ ମୁଖ୍ୟ କାର୍ଯ୍ୟଳୟରେ ଉପସ୍ଥିତ ରହି ଦେଖିବାର କାର୍ଯ୍ୟକ୍ରମ ରହିଛି । ତେବେ ପ୍ରଧାନମନ୍ତ୍ରୀଙ୍କ ସହ ଦେଶର 60 ଜଣ ଛାତ୍ରଛାତ୍ରୀ ଉପସ୍ଥିତ ରହିବେ । ଏହି ଛାତ୍ରଛାତ୍ରୀଙ୍କୁ ପରୀକ୍ଷା ମାଧ୍ୟମରେ ମନୋନୀତ କରାଯାଇଛି।
ଏଥିରେ 2 ଜଣ ଓଡ଼ିଆ ଛାତ୍ରଛାତ୍ରୀ ମଧ୍ୟ ଅଛନ୍ତି । ଝାରସୁଗୁଡା ଏମସିଏଲ ଡ଼ିଏଭି ସ୍କୁଲର ଅଷ୍ଟମ ଶ୍ରେଣୀର ଛାତ୍ର ଚିନ୍ମୟ ଚୌଧୁରୀ ଓ ଭୁବନେଶ୍ବର ଚନ୍ଦ୍ରଶେଖରପୁର ଡିଏଭି ସ୍କୁଲର ଛାତ୍ରୀ ସରନ୍ୟା ନନ୍ଦ ।
ଅଗଷ୍ଟ 10 ରୁ 25 ତାରିଖ ପର୍ଯ୍ୟନ୍ତ ସାରା ଦେଶର ସବୁ ରାଜ୍ୟରେ ଏକାଧିକ ପର୍ଯ୍ୟାୟ ବିଶିଷ୍ଟ ବିଜ୍ଞାନ କୁଇଜ ପରୀକ୍ଷା କରାଯାଇଥିଲା । 10 ମିନିଟ ରେ 20 ଟି ପ୍ରଶ୍ନ ଦେବାକୁ ସମୟ ରହିଥିଲା । 2 ଓଡିଆ ଛାତ୍ରଛାତ୍ରୀ ଏହି ପରୀକ୍ଷାରେ କୃତକାର୍ଯ୍ୟ ହୋଇ ମନୋନୀତ ହୋଇଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭ ଭାରତ
