ଭୁବନେଶ୍ବର: କୁହୁଡି ବଳୟ ଭିତରେ ସାରା ଓଡିଶା । ଆସନ୍ତା ୨୪ ଘଣ୍ଟା ଅର୍ଥାତ୍ ଶୁକ୍ରବାର ମଧ୍ୟରେ ରାଜ୍ୟରେ ପାଗ ଶୁଖିଲା ରହିବା ନେଇ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ତେବେ ଜଗତସିଂହପୁର, ଖୋର୍ଦ୍ଧା, କଟକ, ପୁରୀ, ନୟାଗଡ଼ ଜିଲ୍ଲାରେ ଘନ କୁହୁଡି ଦେଖାଯିବ । ଉପକୂଳ ଓଡିଶାର ଅନ୍ୟ ଜିଲ୍ଲାଗୁଡିକରେ ସ୍ଵଳ୍ପରୁ ମଧ୍ୟମ ଧରଣର କୁହୁଡିବଳୟ ସୃଷ୍ଟି ହେବ ।
ଉପକୂଳରେ ଖସିବ ପାରଦ, ବଢିବ ଶୀତ
ଅନ୍ୟପଟେ ଆଭ୍ୟନ୍ତରୀଣ ଜିଲ୍ଲା, କନ୍ଧମାଳ, ରାୟଗଡା, ଅନୁଗୋଳରେ ମଧ୍ୟ ସ୍ବଳ୍ପ କୁହୁଡି ଦେଖାଯିବ । ସେହିପରି ରାଜଧାନୀ ଭୁବନେଶ୍ୱର ମଧ୍ୟ ସ୍ୱଳ୍ପ କୁହୁଡିବଳୟ ମଧ୍ୟରେ ରହିବ । ଗତ ୨୪ ଘଣ୍ଟା ମଧ୍ୟରେ ଜଗତସିଂହପୁରରେ ଘନ କୁହୁଡି ଦେଖାଯାଇଛି । ଭବାନୀପାଟଣାରେ ସର୍ବନିମ୍ନ ୧୧.୪ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଉପକୂଳରେ ତାପମାତ୍ରା ୧୬ ରୁ ୧୯ ଡିଗ୍ରୀ ମଧ୍ୟରେ ରହିବ ଏବଂ ଆଭ୍ୟନ୍ତରୀଣ ଜିଲ୍ଲାଗୁଡିକରେ ୧୨ ରୁ ୧୪ ଡିଗ୍ରୀ ତାପମାତ୍ରା ରହିବା ନେଇ ଆଞ୍ଚଳିକ ପାଣିପାଗ ବିଭାଗର ସୂଚନା ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
