ଭୁବନେଶ୍ବର: ନିର୍ବାଚନକୁ ନେଇ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତ ସିଂହାରଙ୍କ ପ୍ରତିକ୍ରିୟା । ସେ କହିଛନ୍ତି, ବିଜେଡିର ବିପୁଳ ଜନସମର୍ଥନ ବାହାସ୍ଫୋଟର ବାସ୍ତବିକ ଚିତ୍ର ସାମ୍ନାକୁ ଆସୁଛି । ବ୍ଲକ ଚେୟାରମ୍ୟାନ ଗଠନ ପୂର୍ବରୁ ବିଜେପି ସମର୍ଥିତ ସମିତି ସଭ୍ୟଙ୍କ ଉପରେ ମିଛ କେସ କରାଯାଉଛି । ଗୋଡେଇ ଗୋଡେଇ ତାଙ୍କୁ ଘରୁ ଉଠାଯାଉଛି ।
ଲେଖାଶ୍ରୀ ଏକ ସାଙ୍ଘାତିକ ଅଭିଯୋଗ ଆଣିଛନ୍ତି ଯେ, ତାଙ୍କ ଉପରେ ଅପହରଣର ମିଛ କେସ କରିବା ସହ ଘରେ ଗଞ୍ଜେଇ ରଖି କେସ କରିବାର ଧମକ ଦିଆଯାଉଛି । ଅସ୍ତରଙ୍ଗରେ ୮ ଜଣଙ୍କ ଘରେ ରେଡ଼ ଚାଲିଛି । ତାଙ୍କର ଅପହରଣ ହୋଇଛି ବୋଲି କହି ପୋଲିସ ତାଙ୍କୁ ଉଠାଇବାର ଚେଷ୍ଟା କରୁଛି । ଅନୁସୂଚିତ ଜାତି ଓ ଜନଜାତିର ସମିତିସଭ୍ୟଙ୍କ ଉପରେ ଜୁଲମ କରାଯାଉଛି । ଜୋର ଜବରଦସ୍ତ ଭୋଟ ନେବା ଗଣତନ୍ତ୍ରରେ ଗ୍ରହଣୀୟ ନୁହେଁ । ତୁରନ୍ତ ନିର୍ବାଚନ ଆୟୋଗ ହସ୍ତକ୍ଷେପ କରନ୍ତୁ । ପୋଲିସ ସରକାରଙ୍କ ହାତ ବାରିସି ସାଜି ବିଜେଡି ପାଇଁ ସମିତି ସଭ୍ୟ ଯୋଗାଡ଼ ନକରନ୍ତୁ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
