ଭୁବନେଶ୍ବର: ବିଶ୍ୱ ପୃଥିବୀ ଦିବସରେ ପୃଥିବୀ ଓ ପରିବେଶର ସୁରକ୍ଷା ପାଇଁ ଆଉ ପାଦେ ଆଗକୁ ବଢିଲା BMC । ସହରକୁ ସ୍ବଚ୍ଛ, ପ୍ଲାଷ୍ଟିକ ମୁକ୍ତ ଓ ନିର୍ମଳ ରଖିବା ପାଇଁ E waste(ଇଲେକ୍ଟ୍ରୋନିକ ବୈଜ୍ୟବସ୍ତୁ) ସଂଗ୍ରହରେ ସାମିଲ ହେଲା Indusland ବ୍ୟାଙ୍କ । ବ୍ୟାଙ୍କ ତରଫରୁ ଭୁବନେଶ୍ୱରର ଗଳିକନ୍ଦିରେ E waste ସଂଗ୍ରହର ଗାଡି ବୁଲି ବୁଲି ଲୋକଙ୍କୁ ସଚେତନ କରାଇବ ।
ଆଜି ବିଶ୍ବ ପୃଥିବୀ ଦିବସରେ ଭୁବନେଶ୍ବର ମେୟର ସୁଲୋଚନା ଦାସ ଏହି ଉଦ୍ଘାଟନ କରିଛନ୍ତି । ବିଏମସି କାର୍ଯ୍ୟାଳୟରେ ଏହାର ଉଦଘାଟନ କରାଯାଇ ଥିବାବେଳେ ପ୍ରଥମ ଦିନରେ ଗୋଟିଏ ଗାଡି ବୁଲି ବୁଲି ଲୋକଙ୍କୁ ସଚେତନ କରାଇଛି । ପୂର୍ବରୁ E waste ସଂଗ୍ରହ ଅଭିଯାନକୁ ତ୍ଵରାନ୍ବିତ କରିବା ପାଇଁ ପ୍ରତି ଶନିବାର ଗାଡି ୱାର୍ଡରେ ବୁଲୁଥିଲା ଆଉ ଆବର୍ଜନା ସଂଗ୍ରହ କରୁଥିଲା ।
ମାତ୍ର ବର୍ତ୍ତମାନ ଏହି ଗାଡି ସବୁଦିନ ବୁଲିବା ସହ ଲୋକଙ୍କୁ ଇଲେକ୍ଟ୍ରୋନିକ ବୈଜ୍ୟବସ୍ତୁ ସଂଗ୍ରହ ଉପରେ ସଚେତନ କରିବ । ଏହା ସହ ଗାଡି ସଂଖ୍ୟା ମଧ୍ୟ ବଢିବ । ଅନ୍ୟପଟେ ଏଭଳି ଏକ ପ୍ରୟାସକୁ ନେଇ ଭୁବନେଶ୍ୱର ମେୟର କହିଛନ୍ତି, ସହରର ସ୍ୱଚ୍ଛତାକୁ ଏହି ପ୍ରୟାସ ଆଉ ପାଦେ ଆଗେଇ ନେବ । ତେଣୁ ଏନେଇ ସହରବାସୀ ସହଯୋଗ କରନ୍ତୁ ଏବଂ ସହର ସ୍ୱଚ୍ଛତାରେ ସାମିଲ ହୁଅନ୍ତୁ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
