ବ୍ରହ୍ମପୁର: ସହରରୁ ଜବତ ହୋଇଛି ୧୫ ଗ୍ରାମ ୭୭ ମିଲିଗ୍ରାମ୍ ଓଜନର ବ୍ରାଉନ୍ ସୁଗାର । ଟାଉନ ଥାନା ପୋଲିସ ପକ୍ଷରୁ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବା ସହିତ ଏହି ବ୍ରାଉନ୍ ସୁଗାର ଜବତ ହୋଇଥିବା ଅତିରିକ୍ତ ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି ।
ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ 1 ଲକ୍ଷ ୫୨ ହଜାର ଟଙ୍କା ହେବ ବୋଲି ଅନୁମାନ କରାଯାଉଛି । ଅଭିଯୁକ୍ତ ମାନଙ୍କ ଠାରୁ ଗୋଟିଏ ମୋଟର ସାଇକେଲ ଏବଂ ନଗଦ ୨୮୫୦ ଟଙ୍କା ସମେତ ଦୁଇଟି ମୋବାଇଲ ଫୋନ ଜବତ କରାଯାଇଛି । ଗିରଫ ଦୁଇ ଅଭିଯୁକ୍ତ ହେଲେ ବ୍ରହ୍ମପୁର ସହରର ସନ୍ଦୀପ ଅଗ୍ରୱାଲ ଓରଫ ସନ୍ଧି ଏବଂ ଅରବିନ୍ଦନଗର ୨ୟ ଲାଇନର ପ୍ରଭୁକଲ୍ୟାଣ ପଣ୍ଡା ।
ଗତକିଛି ଦିନ ଧରି ବ୍ରହ୍ମପୁର ପୋଲିସ ପକ୍ଷରୁ ସହରରେ ମାଦକ ଦ୍ରବ୍ୟ କାରବାର ଉପରେ ଅଧିକ ନଜର ରଖାଯାଇଥିବା ବେଳେ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ପୋଲିସ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ