ବାଲେଶ୍ବର: କୋରୋନା କାଳରେ ଧୀରେଧୀରେ ମାନବିକତା ହଜିବାକୁ ଯାଉଛି । ଏଭଳି ଏକ ଘଟଣା ଏବେ ସମସ୍ତଙ୍କୁ ବିଚଳିତ କରିଛି । କୋରୋନା ପଜିଟିଭ ବୋଲି ଜାଣିବା ପରେ ଜଣେ ଯୁବକଙ୍କୁ ମେଡିକାଲରେ ପରିବାର ଲୋକେ ଛାଡି ପଳାଇଥିଲେ। ପରିବାର ଲୋକଙ୍କୁ ଅନେଇ ଶେଷରେ ଯୁବକ ଜଣଙ୍କ ଆଖି ବୁଜିବା ଘଟଣା ଏବେ ମଣିଷ ପଣିଆକୁ ଧିକ୍କାର କରୁଛି। ଏମିତି ଘଟଣା ଘଟିଛି ବାଲେଶ୍ଵର ଜିଲ୍ଲା ସୋର ଡାକ୍ତରଖାନାରେ।
ସୂଚନା ଆନୁଯାୟୀ ଖଇରା ଅଞ୍ଚଳର ଜଣେ ଯୁବକଙ୍କ ଗୁରୁତର ଭାବେ ଛାତି ଯନ୍ତ୍ରଣା ହେବାରୁ ପରିବାର ଲୋକେ ପ୍ରଥମେ ଖଇରା ଓ ପରେ ୧୦୮ ଆମ୍ବୁଲାନ୍ସ ଯୋଗେ ସୋର ଡାକ୍ତରଖାନା ଭର୍ତ୍ତି କରିଥିଲେ । ଡାକ୍ତର ଯୁବକଙ୍କ କୋରୋନା ପରୀକ୍ଷା କରି ପଜିଟିଭ ଥିବା ପରିବାର ଲୋକଙ୍କୁ ଜଣାଇଥିଲେ। ଏହି ଖବର ଶୁଣିବା ପରେ ପରିବାର ଲୋକେ ଯୁବକଙ୍କୁ ଡାକ୍ତରଖାନାରେ ଛାଡି ଚାଲି ଯାଇଥିଲେ। ଯୁବକ ଜଣକ ପରିବାର ଲୋକଙ୍କ ଫେରିବା ବାଟକୁ ଚାହିଁ ଚାହିଁ ଶେଷରେ ଆଖି ବୁଜିଥିଲେ। ଯୁବକଙ୍କ ଆଖି ବୁଜିବା ଘଟଣା ମଣିଷ ପଣିଆକୁ ଧିକ୍କାର କରୁଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିଭି ଭାରତ
