ନୂଆଦିଲ୍ଲୀ: ଅଶୋଧିତ ତୈଳ ଦାମ ହ୍ରାସ ଓ ଅନ୍ତଃରାଷ୍ଟ୍ରୀୟ ବଜାରରେ ସକରାତ୍ମକ ସଙ୍କେତ ଯୋଗୁଁ ଘରୋଇ ବଜାରରେ ଅଭିବୃଦ୍ଧି ଜାରି । ସେନସେକ୍ସ 400 ପଏଣ୍ଟ ବଢିଥିବାବେଳେ ନିଫ୍ଟି 120 ପଏଣ୍ଟ ଉଛୁଳିଛି ।
ବମ୍ବେ ଷ୍ଟକ ଏକ୍ସଚେଞ୍ଜର (ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ କାରବାର ସମୟରେ 400 ପଏଣ୍ଟ ବଢି 41,445ରେ କାରବାର କରୁଛି । ସେପଟେ ନ୍ୟାସନାଲ ଷ୍ଟକ ଏକ୍ସଚେଞ୍ଜର (ଏନଏସଇ) 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 120 ପଏଣ୍ଟ ବୃଦ୍ଧି ପାଇ 12,150 ରେ ପହଞ୍ଚିଛି ।
ପ୍ରକାଶ ଯେ, ସୋମବାର ସେନସେକ୍ସ 162.23 ପଏଣ୍ଟ ହ୍ରାସ ସହ 40,979.62 ଓ ନିଫ୍ଟି 66.85 ପଏଣ୍ଟ କମି 12,031.50ରେ ବନ୍ଦ ହୋଇଥିଲା ।
