ଚେନ୍ନାଇ: କଥାରେ ଅଛି ମାଆ ହେଉଛି ମମତାମୟୀ । ମାଆରେ ପଣତରେ ଛୁଆଙ୍କୁ ସ୍ବର୍ଗ ଭଳି ଲାଗିଥାଏ । ମାତ୍ର ତାମିଲନାଡୁର ଏହି ବ୍ୟତିକ୍ରମ ଦେଖିବାକୁ ମିଳିଛି ।
ତେବେ ତାମିଲନାଡୁର ଡିଣ୍ଡିଗୁଲ୍ରେ ନିଜର ୪ ମାସର ପୁଅକୁ ହତ୍ୟା କରିଛି ଜନ୍ମ କଲା ମାଆ । ଗତକାଲି ଏହି ଘଟଣା ଘଟିଥିବାବେଳେ ମହିଳାଙ୍କ ସ୍ବାମୀ ଘରୁ କାମ କରିବାକୁ ବାହରକୁ ଗଲା ପରେ ନିଜ ଜନ୍ମ କଲା ସନ୍ତାନକୁ ପାଲାରୁ ପୋରୁଣ୍ଟାଲାରୁ ଠାରେ ଥିବା ନଦୀରେ ଫିଙ୍ଗି ହତ୍ୟା କରିଛି ମାଆ । ତାମିଲନାଡୁର ପାଲାନି ଅନ୍ତର୍ଗତ ରାଜପୁରମ୍ ପଞ୍ଚାୟତରୁ ଆସି ମହେଶ୍ବରନ୍ ଓ ତାଙ୍କ ସ୍ତ୍ରୀ ଲତା ଡିଣ୍ଡିଗୁଲ୍ ରହୁଥିବା ବେଳେ ଅନ୍ଧବିଶ୍ବାସର ବଶବର୍ତ୍ତୀ ହୋଇ ଲତା ଏହି ଜଘନ୍ୟ କାଣ୍ଡ କରିଛନ୍ତି ।
ସେହିଭଳି ମହିଳା ଜଣକ ଘରକୁ ଫେରି ଆସିବା ସହ କିଛି ହୋଇ ନଥିବାର ଅଭିନୟ କରିଥିଲେ । ଏଥିସହ କାନ୍ଦିବା ସହ କେହି ଜଣେ ପିଲାକୁ ଚୋରି କରି ନେଇ ଯାଇଥିବା ଅଭିଯୋଗ କରିଥିଲେ । ତେବେ ଘଟଣା ଘଟିବାର କିଛି ସମୟ ପରେ ସ୍ଥାନୀୟ ଲୋକେ ପାଲାରୁ ପୋରୁଣ୍ଡାଲୁ ନଦୀ କୂଳରେ ଥିବା ଆମାଲ୍ ପ୍ଲାଣ୍ଟ ପାଖରେ ଥିବା ନଦୀ କୂଳରେ ଏକ ଶିଶୁର ମୃତଦେହ ଭାସୁଥିବା ଦେଖିବାକୁ ପାଇଥିଲେ ।
ଅପରପକ୍ଷରେ ଖବର ପାଇ ପରିବାର ଲୋକେ ଘଟଣାସ୍ଥଳରେ ପହଞ୍ଚିବା ସହ ଛୁଆକୁ ଉଦ୍ଧାର କରିବା ସହ ନିକଟସ୍ଥ ପଲାନି ହସ୍ପିଟାଲକୁ ନେଇଥିଲେ । ମାତ୍ର ସେଠାରେ ଡାକ୍ତର ଛୁଆଟିକୁ ମୃତ ଘୋଷଣା କରିଥିଲେ । ଏହା ପରେ ପଲାନି ହସ୍ପିଟାଲ କର୍ତ୍ତୃପକ୍ଷ ପାଲାନି ତାଲୁକା ପୋଲିସକୁ ଘଟଣା ସମ୍ପର୍କରେ ଜଣାଇଥିଲେ ।
ତେବେ ପୋଲିସ ଘଟଣାସ୍ଥଳକୁ ଯାଇ ଶିଶୁର ମା ଓ ବାପାଙ୍କୁ ପଚରାଉଚରା କରିଥିଲା । ଏଥିସହ ଶିଶୁର ମାଆକୁ ଏହା ବିଷୟରେ ପଚାରିବାରୁ ସେ ସବୁ ପ୍ରଶ୍ନର ବିପରୀତ ଜବାବ ଦେଇଥିଲେ । ଏହା ପରେ ପୋଲିସର ସନ୍ଦେହ ହେବାରୁ ଲତାଙ୍କୁ ଏସଂକ୍ରାନ୍ତରେ ଏକ ସ୍ବତନ୍ତ୍ର ତଦନ୍ତ କରି ଅଧିକ ପଚାରଉଚୁରା କରିଥିଲେ ।
ଅନ୍ୟପଟେ ଶିଶୁର ମାଆ ହତ୍ୟା କରିଥିବା ମାନିବା ସହ ରାଶିଫଳରେ ସମୟ ଠିକ୍ ନ ଥିବାରୁ ସେ ତାଙ୍କ ପୁଅକୁ ନଦୀରେ ଫିଙ୍ଗି ଦେଇ ହତ୍ୟା କରିଛନ୍ତି ବୋଲି କହିଛନ୍ତି । ଏହି ସଂପର୍କରେ ପୋଲିସ ମହିଳାଙ୍କ ବିରୋଧରେ ମାମଲା ରୁଜୁ କରି ଅଧିକ ତଦନ୍ତ ପାଇଁ ରିମାଣ୍ଡରେ ନେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
