ଲକ୍ଷ୍ନୌ: ଧର୍ମନିରପେକ୍ଷ ରାଷ୍ଟ୍ର ଭାରତ । ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ଏଠାରେ ସମସ୍ତେ ସମାନ । କିନ୍ତୁ କିଛି ଦିନ ହେଲା ବିଭିନ୍ନ ରାଜ୍ୟରେ ଘଟୁଥିବା ସାମ୍ପ୍ରଦାୟିକ ହିଂସା ଭାରତର ଏହି ଗାରିମାରେ କାଳିମା ଲଗାଇଛି । ମନ୍ଦିର ଓ ମସଜିଦକୁ ନେଇ ହିନ୍ଦୁ ଓ ମୁସଲମାନ ସମ୍ପ୍ରଦାୟ ମଧ୍ୟରେ ଜାରି ରହିଛି ସଂଘର୍ଷ । ବିଭିନ୍ନ ସ୍ଥାନରେ ପୋଡାଜଳା ଲାଗି ରହିଥିବା ବେଳେ ଉତ୍ତରପ୍ରଦେଶ ଶାମଲିରୁ ଭାଇଚାରା ଏବଂ ସାମ୍ପ୍ରଦାୟିକ ସଦଭାବନାର ଏକ ଅନନ୍ୟ ନିଦର୍ଶନ ସାମ୍ନାକୁ ଆସିଛି ।
ଗାଁରେ କୌଣସି ମୁସଲିମ ନ ରହୁଥିବାରୁ ୧୯୪୦ ମସିହା ପରଠୁ ଏହି ମସଜିଦରେ ଅଜାନ, ନମାଜ ପାଠ ହୋଇନାହିଁ । ବର୍ତ୍ତମାନ ଗାଁର ହିନ୍ଦୁ ପରିବାର ଏହି ଜରାଜୀର୍ଣ୍ଣ ମସଜିଦରେ ଜୀବନ ଭରିବାକୁ ପଦକ୍ଷେପ ନେଇଛନ୍ତି । ଗାଁର ସାମାଜିକ କର୍ମୀ ଚୌଧୁରୀ ନୀରଜଙ୍କ ତତ୍ତ୍ବବଧାନରେ ମସଜିଦକୁ ଏକ ଧାର୍ମିକ ପର୍ଯ୍ୟଟନ ସ୍ଥଳ ରୂପେ ରୂପାନ୍ତରିତ କରିବା ଦିଗରେ କାର୍ଯ୍ୟ ଆରମ୍ଭ ହୋଇଛି । ମସଜିଦ ପରିସରରେ ଥିବା ଜବରଦଖଲ ହଟାଇବାକୁ ଗାଁ ଲୋକେ ସହମତି ହୋଇଛନ୍ତି ।
ମସଜିଦ ସହ ଏହି ଗୌରବମୟ ଇତିହାସ ଯୋଡି ହୋଇରହିଛି । ତେଣୁ ଏହାର ସଂରକ୍ଷଣର ଆବଶ୍ୟକତା ରହିଥିବା ଗ୍ରାମ ପଞ୍ଚାୟତ ମଧ୍ୟ କହିଛି । ବର୍ତ୍ତମାନ ଜିଲ୍ଲା ତଥା ଜିଲ୍ଲା ବାହାରୁ ଅନେକ ମୁସଲମାନ ସମ୍ପ୍ରଦାୟ ଏହି ମସଜିଦ ଦେଖିବାକୁ ଆସୁଛନ୍ତି ।
