ନ୍ୟୁୟର୍କ: ପରିବେଶ ପ୍ରସଙ୍ଗରେ କଥା ହେବାକୁ ହାତରେ ସମୟ ନାହିଁ । ସବୁଦେଶ ଏହାକୁ ରକ୍ଷା କରିବାକୁ କାମ କରିବାକୁ ପଡିବ ବୋଲି ଜାତିସଂଘ ଜଳବାୟୁ ସମ୍ମିଳନୀରେ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ।
ଭାରତ ଏକ ଟନ ଉପଦେଶ ଅପେକ୍ଷା ଭଲ ବ୍ୟବହାରରେ ବିଶ୍ବାସ କରେ । ଆବଶ୍ୟକତା ଆମର ମାର୍ଗଦର୍ଶକ ସିଦ୍ଧାନ୍ତ ଅଟେ, ଲୋଭ ନୁହେଁ । ଭାରତ କେବଳ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଏଠାକୁ କଥା ହେବାକୁ ଆସିନାହିଁ । ବ୍ୟବହାରିକ ପ୍ରୟୋଗକୁ ଉପସ୍ଥାପିତ କରିବା ମଧ୍ୟ ତାର ଲକ୍ଷ୍ୟ ଅଟେ ।
ଭାରତ ନିଜର ଅଣପାରମ୍ପରିକ ଶକ୍ତି ଉତ୍ସର କ୍ଷମତା 2022 ସୁଦ୍ଧା 175 ଗିଗା ୱାଟରେ ପହଞ୍ଚାଇବା ଲକ୍ଷ୍ୟ ରଖିଛି । ଆମେ ପରିବହନ କ୍ଷେତ୍ରରେ ଇ-ମୋବିଲିଟିର ପ୍ରୟୋଗ କରିଛୁ । ପେଟ୍ରୋଲ ଓ ଡିଜେଲ ପରିବର୍ତ୍ତେ ବାଓ ଫୁଏଲର ବ୍ୟବହାରକୁ ଗୁରୁତ୍ବ ପ୍ରଦାନ କରୁଛୁ । ଏହା ସହିତ ଆମେ 115 ମିଲିୟନ ପରିବାରକୁ ଗ୍ୟାସ ଯୋଗାଣ କରାଯାଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଂପ୍ରତି ଯୁକ୍ତରାଷ୍ଟ୍ର ଆମେରିକା ଗସ୍ତରେ ଅଛନ୍ତି ।
