ନୂଆଦିଲ୍ଲୀ: ଆଗକୁ ହେବାକୁ ଥିବା ବିଧାନସଭା ନିର୍ବାଚନ ଜିତିବାକୁ ଉଦ୍ୟମ ଆରମ୍ଭ କରିଛି ବିଜେପି । ଏ ନେଇ ଘନଘନ ବୈଠକ ସହ ରାଲି ରଣନୀତି ପ୍ରସ୍ତୁତ କରୁଛି ଦଳ । ନିର୍ବାଚନ ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଦଳୀୟ କର୍ମୀଙ୍କୁ ମନ୍ତ୍ର ଦେଉଛି ବିଜେପି । ଏ ନେଇ ଆଜି ୟୁପିର ଅଯୋଧ୍ୟା ଗସ୍ତରେ ଅଛନ୍ତି ଗୃହମନ୍ତ୍ରୀ ଅମିତ ଶାହ (Union Home Minister Amit Shah will visit Ayodhya )। ସେଠାରେ ଜିଆଇସି ଗ୍ରାଉଣ୍ଡରେ ଏକ ଜନସମାବେଶକୁ ସମ୍ବୋଧିତ କରିବେ ଶାହ ।
ସକାଳ ୧୦ଟା ୧୫ ସୁଦ୍ଧା ଶାହ ଅଯୋଧ୍ୟାରେ ଥିବା ହନୁମାନଗରୀ ମନ୍ଦିର ପରିଦର୍ଶନ କରିବେ । ଏହାପରେ ୧୦ଟା ୩୦ରେ ଅଯୋଧ୍ୟାର ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ପରିଦର୍ଶନ କରିବେ । ପରେ ପରେ ଅପରାହ୍ନ ୨ଟାରେ ଗୋରଖପୁରରେ ସାନ୍ତ କବିର ନଗରରେ ଜିଆଇସି ଗ୍ରାଉଣ୍ଡରେ ଏକ ଜନସମାବେଶକୁ ସମ୍ବୋଧିତ କରିବେ । ଏହାସହ ବରେଲିରେ ଏକ ରୋଡ ଶୋ କରିବେ ଶାହ । ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ କେନ୍ଦ୍ର ମନ୍ତ୍ରୀଙ୍କ ଏହି ଗସ୍ତ ବହୁ ଗୁରୁତ୍ବପୂର୍ଣ୍ଣ ପ୍ରମାଣିତ ହେବ ।
ପ୍ରକାଶ ଥାଉ କି, ଡିସେମ୍ବର ୧୯ରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ନିଜ ନିର୍ବାଚନୀମଣ୍ଡଳୀ ଗାନ୍ଧୀନଗରକୁ ୪୯.୩୬ କୋଟିର ପ୍ରକଳ୍ପ ଭେଟି ଦେଇଥିଲେ । 2017 ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି 403 ସିଟ୍ ବିଶିଷ୍ଟ ଉତ୍ତରପ୍ରଦେଶ ବିଧାନସଭା ମଧ୍ୟରୁ 312 ଟି ଆସନ ପାଇଥିବାବେଳେ ସମାଜବାଦୀ ପାର୍ଟି (ଏସପି) 47 ଟି ସିଟ୍, ବାହୁଜନ ସମାଜବାଦୀ ପାର୍ଟି (ବିଏସପି) 19ଟି ଏବଂ କଂଗ୍ରେସ ୭ଟି ସିଟ ଜିତିଥିଲେ ।
@ANI