Young man Died: ବ୍ରହ୍ମପୁର: କୂଅ ସଫେଇ ବେଳେ ଫସିରହିଥିବା ଦୁଇ ଶ୍ରମିକଙ୍କ ଜୀବନ ବଞ୍ଚାଇବାକୁ ଯାଇ ଶେଷରେ ପ୍ରାଣ ହରାଇଛନ୍ତି ଜଣେ ଉଦ୍ଧାରକାରୀ ଯୁବକ । ଗଞ୍ଜାମ ଜିଲ୍ଲାର ଦିଗପହଣ୍ଡି ଥାନା ଅନ୍ତର୍ଗତ ଗଣିଆନାଳ ଗ୍ରାମରେ କୂଅ ସଫା କରୁଥିବା ବେଳେ ଏଭଳି ଏକ ଅଘଟଣ ଘଟିଛି । ଯେଉଁଥିରେ ଜଣଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଶ୍ରମିକଙ୍କୁ ଅଣନିଶ୍ୱାସୀ ଭାବରେ ଉଦ୍ଧାର କରାଯାଇ ଚିକିତ୍ସା କରାଯାଉଛି । ଘଟଣା ପରେ ସ୍ଥାନୀୟ ଅଗ୍ନିଶମ ବାହିନୀ ପହଞ୍ଚି କୂଅ ମଧ୍ୟରୁ ସମସ୍ତଙ୍କୁ ଉଦ୍ଧାର କରିଥିବା ଜଣାପଡ଼ିଛି । ମୃତକ ଜଣଙ୍କ ଦିବାକର ସାହୁ ବୋଲି କୁହାଯାଇଥିବା ବେଳେ ତାଙ୍କ ଘର ନାରାୟଣପୁର ବୋଲି ଜଣାପଡିଛି । ଘଟଣାରେ ଅନ୍ୟ ଦୁଇ ଜଣ ଚିକିତ୍ସାଧୀନ ଅବସ୍ଥାରେ ସ୍ଥାନୀୟ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ଇଟିଭି ଭାରତ, ବ୍ରହ୍ମପୁର
