ଜଗତସିଂହପୁର: ଜିଲ୍ଲାରେ ମେଡ଼ିକାଲ କଲେଜ ପ୍ରତିଷ୍ଠା କରିବା ପାଇଁ ଦାବି । ରାଜ୍ୟ ସରକାର ବରମ୍ବାର ଜଗତସିଂହପୁର ଜିଲ୍ଲାକୁ ଅବହେଳା କରୁଥିବା ଅଭିଯୋଗ କରିଛି ସ୍ୱାସ୍ଥ୍ୟ ସୁରକ୍ଷା ଅଭିଯାନ ।ଏହାର ପ୍ରତିବାଦରେ ରାସ୍ତାରେ ଆଣ୍ଠେଇ ଆଣ୍ଠେଇ ସରକାରଙ୍କୁ ଗୁହାରୀ କରିଛନ୍ତି ଅନ୍ଦୋନକାରୀ । ଏଭଳି ଅଭିନବ ଅନ୍ଦୋଳନ ଜରିଆରେ ଜିଲ୍ଲାକୁ ସ୍ବତନ୍ତ୍ର ଦୃଷ୍ଟି ଦେବା ପାଇଁ ସରକାରଙ୍କ ପାଖରେ ଦାବି କରାଯାଇଛି ।
ଆଜି(ଶନିବାର) ଦିନ ଜଗତସିଂହପୁର ସ୍ୱାସ୍ଥ୍ୟ ସୁରକ୍ଷା ଅଭିଯାନ ପକ୍ଷରୁ ସହରର ଗଣତନ୍ତ୍ର ଛକ ଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ପଡିଆ ପର୍ଯ୍ୟନ୍ତ ଆଣ୍ଠେଇ ଆଣ୍ଠେଇ ଯିବାର ଅଭିନବ ପ୍ରତିବାଦ କରାଯାଇଛି । ସ୍ୱାସ୍ଥ୍ୟ ସୁରକ୍ଷା ଅଭିଯାନର ଆବାହକ ଆଇନଜୀବୀ ବାସୁଦେବ କହିଛନ୍ତି ଯେ, ଜିଲ୍ଲାର ୪ଟି ବିଧାନସଭାକୁ ନିର୍ବାଚିତ ହୋଇଥିବା ବିଧାୟକ ଓ ସଂସଦୀୟ କ୍ଷେତ୍ରରୁ ନିର୍ବାଚିତ ହୋଇଥିବା ସାଂସଦ ଜିଲାବାସୀଙ୍କୁ ପ୍ରତାରଣା କରିଛନ୍ତି ।ଜଗତସିଂହପୁର ଜିଲ୍ଲାକୁ ପଙ୍ଗୁ କରି ଦିଆଗଲାଣି ।ଜିଲ୍ଲାରୁ ନିର୍ବାଚିତ ହୋଇଥିବା ଜନ ପ୍ରତିନିଧି ମାନଙ୍କ ଦୁର୍ବଳ ନେତୃତ୍ୱ ଯୋଗୁ ରାଜ୍ୟ ସରକାର ବାରମ୍ବାର ଅବହେଳା ପ୍ରଦର୍ଶନ କରୁଛନ୍ତି । ସେହି ଜନ ପ୍ରତିନିଧିଙ୍କ ଉଦ୍ଦେଶ୍ୟରେ ଏହି ମୁଣ୍ଡିଆ ମରା ପ୍ରତିବାଦ କରାଯାଉଛି ।
ସେ ଆହୁରି ମଧ୍ୟ କହିଛନ୍ତି ଯେ, ରାଜ୍ୟ ସରକାର ଜଗତସିଂହପୁର ଜିଲ୍ଲାରେ ସରକାରୀ ମେଡ଼ିକାଲ କଲେଜ, ଡିଗ୍ରୀ କଲେଜ ଇଞ୍ଜିନିୟରି କଲେଜ ପ୍ରତିଷ୍ଠା ପାଇଁ ଅବହେଳା ପ୍ରଦର୍ଶନ କରିଛନ୍ତି । ଯାହା 24 ବର୍ଷ ଶାସନ କାଳରେ ହୋଇ ପାରିଲା ନାହିଁ । ସେହିପରି ବିଡମ୍ବନାର ବିଷୟ ଯେ ସ୍ୱାଧୀନତାର 77 ବର୍ଷ ପରେ ମଧ୍ୟ କେନ୍ଦ୍ର ସରକାର ଜଗତସିଂହପୁର ଜିଲ୍ଲା ମୁଖ୍ୟାଳୟକୁ ରେଳ ସଂଯୋଗ କରାଇପାରିଲେ ନାହିଁ । ଏହି ଅଞ୍ଚଳରୁ ନିର୍ବାଚିତ ସାଂସଦ ପାଞ୍ଚବର୍ଷ ମଧ୍ୟରେ ଥରେ ମାତ୍ର ଏହି ପ୍ରସଙ୍ଗ ଲୋକସଭାରେ ଉଥାପନ କରିବାରେ ବିଫଳ ହୋଇଛନ୍ତି ।ସେଥିପାଇଁ ତାଙ୍କ ଉଦ୍ଧେଶ୍ୟରେ ମଧ୍ୟ ମୁଣ୍ଡିଆ ମାରି ତାଙ୍କୁ ଧନ୍ୟବାଦ ଦିଆଯାଉଛି । ସ୍ୱାସ୍ଥ୍ୟ ସେବାରେ ମଧ୍ୟ ଜିଲ୍ଲାକୁ ଅବହେଳା କରାଯାଉଛି ।ଜିଲ୍ଲା ଡାକ୍ତର ଖାନାକୁ 500 ଶହ ଶଯ୍ୟା ବିଶିଷ୍ଟ ସିଟି ହସ୍ପିଟାଲ ପାଇଁ ଦାବି କରାଯାଇଥିଲ ମଧ୍ୟ ତାହା ପୁରଣ ହେଲା ନାହିଁ । ସେହିପରି ଜିଲ୍ଲାବାସୀଙ୍କ ସହିତ ପ୍ରତାରଣା କରି ଜିଲ୍ଲାରୁ ବିଦ୍ୟୁତ ବିଭାଗର S.E ଅଫିସ ଓ ପୋଷ୍ଟଲ SPଙ୍କ କାର୍ଯ୍ୟାଳୟ କେନ୍ଦ୍ରାପଡାକୁ ଉଠାଇ ନିଆଗଲା ।
ଏହା ମଧ୍ୟ ପଢନ୍ତୁ .....ବୋଲଗଡ଼କୁ ମରୁଡି ଘୋଷଣା ନକଲେ ଚାଷୀଙ୍କ ଭୋଟ ବର୍ଜନ ଚେତାବନୀ
ସେହିପରି 1955 ମସିହାରୁ ଥିବା ପଲ୍ଲୀ ସ୍ୱାସ୍ଥ୍ୟ କେନ୍ଦ୍ରକୁ କଟକ ଉଠାଇନେବାକୁ ସରକାର ଉଦ୍ୟମ କରୁଛନ୍ତି । 29ଟି ଜିଲ୍ଲାରେ ରିଭିଜିନାଲ କୋର୍ଟ ପ୍ରତିଷ୍ଠା କରା ଯାଇଥିଲେ ମଧ୍ୟ ଏହି ଜିଲ୍ଲାର ରିଭିଜିନାଲ କୋର୍ଟ କଟକରେ ଚାଲୁ ରହିଛି । କଟକ ସହରର ନର୍ଦ୍ଧମା ପାଣିକୁ ତାଳଦଣ୍ଡା ଓ ମାଛଗାଁ କେନାଲରେ ଛାଡି ଜଗତସିଂହପୁର ଜିଲ୍ଲାବାସୀଙ୍କୁ ଏହାକୁ ପିଇବା ପାଇଁ ଦିଆ ଯାଉଛି । ବିକାଶ ବଦଳରେ ଏହି ଜିଲ୍ଲାକୁ ବିକଳାଙ୍ଗ କରୁଥିବା ଜନ ପ୍ରତିନିଧିଙ୍କ ଉଦ୍ଦେଶ୍ୟରେ ଏହି ଅଭିନବ ପ୍ରତିବାଦ କରାଯାଇଛି । ଏଥିରେ କିଛି ଆନ୍ଦୋଳନକାରୀ ଗୁରୁତର ହୋଇ ପଡିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଇଟିଭି ଭାରତ,ଜଗତସିଂହପୁର