ହାଇଦ୍ରାବାଦ: ବଲିଉଡ ଅଭିନେତ୍ରୀ ମଲାଇକା ଆରୋରା ଏବଂ ଅରବାଜ ଖାନଙ୍କ ପୁଅ ଅରହାନ ଖାନ 'ଡମ୍ୱ ବିରିୟାନି' ନାମକ ପୋଡକାଷ୍ଟ ସହ ଶିରୋନାମାରେ ରହିଛନ୍ତି । ଅରବାଜ ଖାନ ଏବଂ ସୋହିଲ ଖାନ ଅରହାନ ଖାନଙ୍କ ଶୋ'ରେ ନଜର ଆସି ସାରିଛନ୍ତି । ବର୍ତ୍ତମାନ ମଲାଇକା ତାଙ୍କ ପୁଅର ପୋଡକାଷ୍ଟରେ ଅତିଥି ଭାବରେ ଯୋଗଦେବେ ଯେଉଁଠାରେ ସେ ରୋମାଞ୍ଚକର କଥାବାର୍ତ୍ତା ଆଲୋଚନା କରିବେ । ନିକଟରେ ଏହି ଏପିସୋଡର ଟିଜର ରିଲିଜ ହୋଇଛି । ଯେଉଁଥିରେ ତାଙ୍କ ପୁଅ ଅରହାନ ମଲାଇକା ଆରୋରାଙ୍କୁ ତାଙ୍କ ବିବାହ ଯୋଜନା ବିଷୟରେ ପଚାରୁଥିବା ନଜର ଆସିଛନ୍ତି ।
ମଲାଇକା ଆରୋରା କେବେ ବିବାହ କରିବେ?
ପୋଡକାଷ୍ଟର ଅଫିସିଆଲ୍ ଇନଷ୍ଟାଗ୍ରାମ ପୃଷ୍ଠାରେ ପୋଷ୍ଟ ହୋଇଥିବା ଏକ ଟିଜରରେ ଅରହାନ ତାଙ୍କ ମାଆ ମଲାଇକାଙ୍କୁ ପଚାରିଛନ୍ତି, ମାଆ ଆପଣ କେବେ ବିବାହ କରିବେ ? ଏହା ଉପରେ ମଲାଇକା କୁହନ୍ତି, ଭାବନ୍ତୁ କାରଣ ମୁଁ ବହୁତ ମସଲାଯୁକ୍ତ ହୋଇପାରେ । ଏହାପରେ ମଲାଇକା ଆରୋରା ଖୋଲାଖୋଲି ଭାବେ ଅରହାନ ଖାନଙ୍କୁ ଭର୍ଜିନିଟି ବିଷୟରେ ପଚାରିଥିଲେ । ଅଭିନେତ୍ରୀଙ୍କ ପ୍ରଶ୍ନ ଶୁଣିବା ପରେ ଅରହାନ୍ କହିବା ବନ୍ଦ କରିଦେଲେ । ସେ ଆଶ୍ଚର୍ଯ୍ୟ ହୋଇ "ୱା" କୁହନ୍ତି । ସୂଚନା ଥାଉକି, ଅରହାନଙ୍କ ଶୋ'ର ଶେଷ ଏପିସୋଡରେ ଅଭିନେତା ଅରବାଜ ଖାନ ଏବଂ ସୋହିଲ ଖାନ ସଲମାନ ଖାନଙ୍କ ସହ ସେମାନଙ୍କ ସମ୍ପର୍କ ବିଷୟରେ କଥା ହୋଇଥିଲେ ।
କହିରଖୁଛୁ କି, ଅରହାନ ଖାନଙ୍କ ନୂଆ ଶୋ' ଚର୍ଚ୍ଚାର ବିଷୟ ପାଲଟିଛି । ତାଙ୍କ ମା’ଙ୍କ ଘନିଷ୍ଠ ବନ୍ଧୁ କରୀନା କପୁର ଖାନଙ୍କ ସମେତ ଅନେକ ତାରକା ତାଙ୍କ ସୋସିଆଲ ମିଡିଆରେ ଏହି ସିରିଜକୁ ପ୍ରୋତ୍ସାହିତ କରୁଛନ୍ତି । ଅନ୍ୟ ଅନେକ ଷ୍ଟାର୍ କିଡ୍ସ ଚଳଚ୍ଚିତ୍ରରେ ଅଭିନୟ କ୍ୟାରିଅର ଆରମ୍ଭ କରିଥିବା ବେଳେ ଅରହାନ ମଧ୍ୟ ଖୁବଶୀଘ୍ର ବଲିଉଡରେ ଏଣ୍ଟ୍ରି କରିବେ ବୋଲି ଜଣାପଡିଛି । ସେ ଆଗାମୀ ଚଳଚ୍ଚିତ୍ର ପାଇଁ ଆଲୋଚନା କରିବେ ବୋଲି ଶୁଣିବାକୁ ମିଳୁଛି, କିନ୍ତୁ ଏନେଇ କୌଣସି ଅଫିସିଆଲ ସୂଚନା ମିଳିପାରିନାହିଁ ।
ଏହା ମଧ୍ୟ ପଢନ୍ତୁ: ଅରବାଜଙ୍କ ପରେ ବିବାହ କରିବେ ମଲାଇକା ! କହିଲେ ଯିଏ ବି ଆସୁ ମୁଁ ବିବାହ କରିବାକୁ ପ୍ରସ୍ତୁତ
ସୂଚନା ଥାଉକି, ମଲାଇକା ଆରୋରା ଏବଂ ଅରବାଜ ଖାନ ୧୯୯୮ରେ ବିବାହ କରିଥିଲେ । ୧୯ ବର୍ଷ ପରେ ୨୦୧୬ରେ ଅଲଗା ହୋଇଥିଲେ ଏବଂ ପରେ ସେମାନେ ୨୦୧୭ରେ ଛାଡ଼ପତ୍ର ନେଇଥିଲେ । ଉଭୟଙ୍କ ଏକ ପୁଅ ଅରହାନ ଖାନ ରହିଛନ୍ତି । ସେପଟେ ବର୍ତ୍ତମାନ ଅରବାଜ ଖାନ ତାଙ୍କ ପ୍ରେମିକା ଶୌରା ଖାନଙ୍କୁ ବିବାହ କରିଛନ୍ତି । ଏପଟେ ଅରବାଜଙ୍କ ସହ ଅଲଗା ହେବା ପରେ ମଲାଇକା ଅର୍ଜୁନ କପୁରଙ୍କୁ ଡେଟ୍ କରୁଛନ୍ତି । ଉଭୟ ନିଜ ସମ୍ପର୍କକୁ ଅଫିସିଆଲି କରିଥିବା ବେଳେ ବିବାହ ନେଇ ଉଭୟ କୌଣସି ପ୍ରତିକ୍ରିୟା ଦେଇନାହାନ୍ତି ।
