വെണ്ണക്കൽ കൊട്ടാരം സാക്ഷി; താജ്‌മഹൽ സൗന്ദര്യത്തിൽ മതിമറന്ന് സച്ചിൻ ടെണ്ടുൽക്കറും അഞ്ജലിയും

author img

By ETV Bharat Kerala Team

Published : Feb 15, 2024, 9:15 PM IST

Updated : Feb 16, 2024, 12:54 AM IST

Sachin Tendulkar visit Taj Mahal  Taj Mahal  താജ്‌മഹൽ  സച്ചിൻ ടെണ്ടുൽക്കർ  അഞ്ജലി ടെണ്ടുൽക്കർ

സച്ചിൻ ടെണ്ടുൽക്കറിന്‍റെയും ഭാര്യയുടേയും സന്ദർശനത്തിന്‍റെ പശ്ചാത്തലത്തിൽ വൻ സുരക്ഷാ സന്നാഹമാണ് താജ്‌മഹലിൽ സുരക്ഷാ ഉദ്യോഗസ്ഥർ ഒരുക്കിയത്.

ആഗ്ര (ഉത്തർപ്രദേശ്‌): ക്രിക്കറ്റ് ദൈവം മാസ്‌റ്റർ ബ്ലാസ്‌റ്റർ സച്ചിൻ ടെണ്ടുൽക്കറും ഭാര്യ അഞ്ജലി ടെണ്ടുൽക്കറും താജ്‌മഹൽ സന്ദർശിച്ചു. വ്യാഴാഴ്‌ച വൈകീട്ടായിരുന്നു ഇരുവരും ആഗ്രയിലെത്തിയത്. വിവിഐപി ഈസ്‌റ്റ്‌ ഗേറ്റിൽ നിന്നാണ് താജ്‌മഹൽ സമുച്ചയത്തിലേക്ക് പ്രവേശിച്ചത്. ഇവരുടെ സുരക്ഷ കണക്കിലെടുത്ത് സിഐഎസ്എഫിനെയും പൊലീസ് സംഘത്തെയും നേരത്തെ തന്നെ സ്ഥലത്ത് വിന്യസിച്ചിരുന്നു. ഇതിഹാസ താരത്തെ കാണാനായുളള സുവർണ്ണാവസരം ആരാധകരും പാഴാക്കിയിരുന്നില്ല. ഫോർട്ട് കോർട്ടിൽ സച്ചിൻ ടെണ്ടുൽക്കറേയും ഭാര്യ അഞ്ജലി ടെണ്ടുൽക്കറേയും കണ്ടപ്പോൾ അവരുടെ കൂടെ നിന്നും ആരാധകര്‍ സെൽഫികളും ഫോട്ടോകളും എടുത്തു (Cricket Legend Sachin Tendulkar And His Family Visit Taj Mahal).

സച്ചിൻ ടെണ്ടുൽക്കറും ഭാര്യയും താജ്‌മഹലിൽ ഒരു മണിക്കൂറോളം ചെലവഴിച്ചു. സന്ദർശന സമയത്ത് കൈകൊടുത്ത് ആരാധകരെ അഭിവാദ്യം ചെയ്യാൻ സച്ചിൽ മറന്നില്ല. ടൂറിസ്‌റ്റ്‌ ഗൈഡിൽ നിന്ന് റോയൽ ഗേറ്റിൻ്റെ ചരിത്രത്തെക്കുറിച്ചുള്ള വിവരങ്ങൾ അദ്ദേഹം ചോദിച്ചറിഞ്ഞു. ആരാധകരുടെ തിരക്കിനിടയിൽപ്പെട്ട ഇരുവരേയും സുരക്ഷാ ഉദ്യോഗസ്ഥർ വളഞ്ഞു. റോയൽ ഗേറ്റിൽ ഇരുവരും ഫോട്ടോഗ്രാഫിയും വീഡിയോഗ്രാഫിയും എടുത്തശേഷം ഇരുവരും സെൻട്രൽ ടാങ്കിലെത്തി.

സെൻട്രൽ ടാങ്കിലെ ഡയാന സീറ്റിൻ്റെ ചരിത്രം അറിയാൻ താരത്തിന് അതിയായ ആകാംഷയുണ്ടായിരുന്നു. ഇരുവരും താജ്‌മഹലിൻ്റെ പ്രധാന താഴികക്കുടത്തിലെത്തുകയും താജ്‌മഹലിൻ്റെ മൊസൈക്കുകൾ, താജ്‌മഹലിൽ ഉപയോഗിച്ചിരിക്കുന്ന മാർബിൾ, താജ്‌മഹലിൻ്റെ ചരിത്രം, ഷാഹൻഷാ ഷാജഹാൻ്റെയും മുംതാസിൻ്റെയും പ്രണയകഥയെക്കുറിച്ചും അദ്ദേഹം ചോദിച്ച് മനസിലാക്കി.

താജ്‌മഹലിൽ അമൂല്യമായ നിരവധി മാർബിൾ കല്ലുകൾ ഉണ്ടെന്നും സൂര്യൻ്റെയോ ചന്ദ്രൻ്റെയോ കിരണങ്ങൾ അവയിൽ പതിക്കുമ്പോൾ അവ തിളങ്ങുന്നെന്നും വൈകുന്നേരവും രാവിലെയും സൂര്യരശ്‌മികൾ താജ്‌മഹലിൽ ഒരു ചരിഞ്ഞ കോണിൽ പതിക്കുന്നെന്നും ടൂറിസ്‌റ്റ്‌ ഗൈഡ് അദ്ദേഹത്തോട് പറഞ്ഞു.

Last Updated :Feb 16, 2024, 12:54 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.