ഇത്തിരിക്കുഞ്ഞന്‍റെ ഒത്തിരി കരുതല്‍; നീട്ടി വളര്‍ത്തിയ മുടി കാന്‍സര്‍ രോഗികള്‍ക്ക് മുറിച്ച് നല്‍കി കൊച്ചു കാശി

author img

By ETV Bharat Kerala Team

Published : Feb 19, 2024, 5:20 PM IST

കാന്‍സര്‍ രോഗികള്‍ kashinadhan donate hair cancer patients കാശിനാഥന്‍

നീട്ടി വളര്‍ത്തിയ മുടി ഒടുവില്‍ കാന്‍സര്‍ രോഗികള്‍ക്ക് മുറിച്ച് നല്‍കി മാതൃകയായി കൊച്ചു മിടുക്കന്‍.

ഇത്തിരിക്കുഞ്ഞന്‍റെ ഒത്തിരി കരുതല്‍; കാന്‍സര്‍ രോഗികള്‍ക്ക് നീട്ടി വളര്‍ത്തിയ കേശം മുറിച്ച് നല്‍കി കൊച്ചു കാശി

മലപ്പുറം: കൊവിഡിന് ശേഷമാണ് കൊച്ചു കാശിനാഥന്‍ മുടി വളര്‍ത്തി തുടങ്ങിയത്. പലരുടെയും കളിയാക്കലുകള്‍ക്കിടയിലും കാശിക്കുട്ടന്‍ തന്‍റെ മുടി മുറിക്കാതെ കാത്തു വെക്കുകയായിരുന്നു. അമ്മയുടെ കരുതല്‍ കൂടിയാണ് ഈ മുടിയഴകിന് പിന്നില്‍ (kashinadhan donate his hair to cancer patients).

കൊവിഡിന് ശേഷം സ്‌കൂള്‍ തുറന്നപ്പോള്‍ രണ്ടാം ക്ലാസില്‍ ആയിരുന്നു കാശി. മുടി നീട്ടി വളര്‍ത്തുന്നതിന്‍റെ കാര്യം തിരക്കിയ സ്കൂള്‍ അധികൃതരോട് പിതാവ് പ്രവീണ്‍ കുമാറാണ് കേശദാനത്തിന്‍റെ വിവരം അറിയിക്കുന്നത്. പിന്നീട് സ്‌കൂളിന്‍റെ പൂര്‍ണ്ണ പിന്തുണയും കാശിനാഥന് ലഭിച്ചു.

ഇപ്പോള്‍ തിരുത്തി എയുപി സ്‌കൂളില്‍ നാലാം ക്ലാസില്‍ പഠിക്കുകയാണ് കാശി. കേശദാനത്തിനായി നീട്ടി വളര്‍ത്തിയ കേശം ഒടുവില്‍ കാന്‍സര്‍ രോഗികള്‍ക്ക് മുറിച്ച് നല്‍കി മാതൃകയായിരിക്കുകയാണ് ഈ കൊച്ചു മിടുക്കന്‍. 15 ഇഞ്ചോളാം നീളമുള്ള മുടിയാണ് കാശി കാന്‍സര്‍ രോഗികള്‍ക്കായി മുറിച്ച് നല്‍കിയത്.

ഒലിപ്രം തിരുത്തി എയുപി സ്‌കൂളില്‍ നടന്ന പരിപാടിയില്‍ ചൈല്‍ഡ് ഹുഡ് കാന്‍സര്‍ ഡിസ്ട്രിക്ട് കോര്‍ഡിനേറ്റര്‍ എം.വി. അശോകന്‍ മുടി മുറിച്ച് കൊണ്ട് പരിപാടി ഉദ്ഘാടനം ചെയ്‌തു. ചൈല്‍ഡ്ഹുഡ് കാന്‍സര്‍ ഡിസ്ട്രിക്ട് ചെയര്‍ പേഴ്‌സണ്‍ ഉണ്ണികൃഷ്ണന്‍ മുടി ഏറ്റു വാങ്ങി. കാശിനാഥനില്‍ നിന്ന് ഏറ്റുവാങ്ങിയ കേശം തൃശൂര്‍ അമല കാന്‍സര്‍ റിസര്‍ച്ച് ആന്‍റ് മെഡിക്കല്‍ കോളേജിന് കൈമാറും.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.