പരീക്ഷ ചൂടില്‍ കണ്ണ്‌ മങ്ങാതെ കാക്കാം; നിര്‍ദേശവുമായി നേത്ര രോഗ വിദഗ്‌ധർ

author img

By ETV Bharat Kerala Team

Published : Feb 24, 2024, 3:26 PM IST

Experts with safety advice for eyes  eyes safety students in exam time  പരീക്ഷാ സമ്മർദ്ദം  കണ്ണുകളുടെ സുരക്ഷ  students eye protection

വ്യായാമം, ഭക്ഷണം, വിശ്രമം എന്നിവ കൃത്യമായി പിന്തുടരുന്നതിലൂടെ കണ്ണുകളെ സംരക്ഷിക്കാൻ കഴിയുമെന്നാണ് ഡോക്‌ടർമാരുടെ നിർദേശം

ഹൈദരാബാദ് : ഒരു വശത്ത് മത്സര പരീക്ഷകള്‍, മറുവശത്ത് പത്താം ക്ലാസ്, ഇൻ്റർ വാർഷിക പരീക്ഷകളും ഒരുമിച്ച് വന്നതോടെ പഠന തിരക്കിലാണ് വിദ്യാർഥികൾ. മണിക്കൂറുകളോളം പുസ്‌തകങ്ങളിൽ ചെലവഴിക്കുന്നതിന് പുറമെ ടാബ്‌ലെറ്റുകൾ, ലാപ്‌ടോപ്പുകൾ, സ്‌മാർട്ട്‌ഫോണുകൾ എന്നിവയുടെ സഹായത്തോടെ പലരും മത്സര പരീക്ഷകൾക്ക് തയ്യാറെടുക്കുമ്പോൾ കണ്ണുകൾ നേരിടാൻ പോകുന്നത് ഗുരുതരമായ ആരോഗ്യ പ്രശ്‌നങ്ങളാണ്.

സാധാരണ ദിവസങ്ങളെ അപേക്ഷിച്ച് പരീക്ഷ കാലയളവിൽ കുട്ടികളുടെ കണ്ണുകളുടെ സമ്മർദം വർധിപ്പിക്കുമെന്നാണ് എൽവി പ്രസാദ് ഒഫ്‌താൽമോളജി ഇൻസ്റ്റിറ്റ്യൂട്ടിലെ വിദഗ്‌ധർ പറയുന്നത്. ഇത് സംബന്ധിച്ച് ആശുപത്രിയിലെ സീനിയർ കൺസൾട്ടൻ്റ് ഒഫ്‌താൽമോളജിസ്റ്റ് ഡോക്‌ടർ ദിവ്യ നടരാജൻ നിരവധി നിർദേശങ്ങൾ നൽകിയിട്ടുണ്ട്.

വിശ്രമമില്ലാതെ പഠനത്തിൽ ശ്രദ്ധ കേന്ദ്രീകരിക്കുമ്പോൾ കണ്ണുകളിൽ വരൾച്ച ഉണ്ടാകുന്നു. വരണ്ട കണ്ണുകൾ, കാഴ്‌ചക്കുറവ്, മൈഗ്രേൻ, തലവേദന, എന്നിവയുടെ ലക്ഷണങ്ങൾ ഉണ്ടെങ്കിൽ കുട്ടികൾക്ക് പഠനത്തിൽ ശരിയായ ശ്രദ്ധ കേന്ദ്രീകരിക്കാൻ കഴിയില്ല. ഇത്തരം പ്രശ്‌നങ്ങൾ പരീക്ഷ കാലത്ത് കുട്ടികൾക്ക് ഉണ്ടാകാതിരിക്കാൻ ആദ്യമേ സമഗ്രമായ നേത്രപരിശോധന നടത്തി കണ്ണിന്‍റെ സുരക്ഷ ഉറപ്പാക്കണം. കണ്ണട ധരിച്ചിട്ടുണ്ടെങ്കിൽ ഇത്തരം പ്രശ്‌നങ്ങളിൽ നിന്ന് രക്ഷനേടാൻ സഹായിക്കും. പരിശോധനയിലൂടെ കാഴ്‌ച വൈകല്യങ്ങൾ ഉണ്ടെങ്കിൽ നേരത്തെ തിരിച്ചറിയാനും സാധ്യതയുണ്ട്.

ഡിജിറ്റൽ പഠനത്തിൽ 20-20-20 നിയമം പാലിക്കണമന്നാണ് വിദഗ്‌ധർ പറയുന്നത്. ഓരോ മണിക്കൂറിലും ഓരോ 20 മിനിറ്റിലും 20 സെക്കൻഡ് നേരം 20 അടി അകലെയുള്ള മറ്റ് വസ്‌തുക്കളിൽ ശ്രദ്ധ കേന്ദ്രീകരിക്കുകയും ഇതോടൊപ്പം കണ്ണിൻ്റെ പേശികളിൽ അയവും വരുത്തണം. തൽഫലമായി, കണ്ണുകളുടെ സമ്മർദം കുറയുന്നു.

കണ്‍പോളകൾ ഇടയ്ക്കിടെ തുറന്നടയ്‌ക്കണം അതിലൂടെ കണ്ണിന് ചൊറിച്ചിലും ക്ഷീണവും ഉണ്ടാകാതിരിക്കാൻ സഹായകമാകും. പഠിക്കുന്ന സമയത്ത് ശരിയായ ശാരീരിക ക്രമവും ആവശ്യമാണ്. നിവർന്നിരുന്ന് പഠിക്കുന്നത് കഴുത്തിലും പുറകിലും വരുന്ന സമ്മർദം ഒഴിവാക്കും.

എയര്‍ കണ്ടീഷണറുകൾ, എയർ കൂളറുകൾ, ഫാനുകൾ എന്നിവയിൽ നിന്നുള്ള വായു നേരിട്ട് കണ്ണിൽ വീഴരുത്, ഇവ നേരിട്ട് കണ്ണിൽ വീണാൽ കണ്ണുകൾ വരണ്ടുപോകും. പഠിക്കുമ്പോൾ കണ്ണിൻ്റെ മർദവും അസ്വസ്ഥതയും കുറയ്ക്കാൻ വെളിച്ചവും വായുസഞ്ചാരവുമുള്ള മുറി തെരഞ്ഞെടുക്കണമെന്നും ഡോക്‌ടർ പറയുന്നു.

വ്യായാമത്തിനായി 30 മിനിറ്റെങ്കിലും ദിവസവും മാറ്റിവയ്‌ക്കണം, ഉറക്കവും പ്രധാനമാണ്, ആവശ്യത്തിന് ഉറങ്ങുക. പച്ചക്കറികൾ, പഴങ്ങൾ, പച്ചിലകൾ, ആവശ്യത്തിന് പ്രോട്ടീൻ എന്നിവ ഉൾപ്പെടുത്തിയ ഭക്ഷണക്രമം പിന്തുടരണം. ഇതിലൂടെ കണ്ണിൻ്റെ ആരോഗ്യം മെച്ചപ്പെടും. വെള്ളം നന്നായി കുടിക്കണം, വെള്ളം കുടിക്കാതിരിക്കുന്നത് മൈഗ്രെയ്‌നിലേക്ക് നയിക്കും.

സ്ക്രീനിങ് സമയം കുറയ്ക്കുന്നതാണ് കണ്ണിന്‍റെ ആരോഗ്യത്തിന് നല്ലത്. പഠന സമയത്ത് സ്‌മാർട്ട്ഫോണുകളേക്കാൾ വലിയ സ്ക്രീനുകളുള്ള ടാബ്ലറ്റുകളും ലാപ്ടോപ്പുകളും തെരഞ്ഞെടുക്കുന്നതാണ് നല്ലത്. സുഖപ്രദമായ കാഴ്‌ചലഭിക്കാനായി സ്‌ക്രീനിലെ വെളിച്ചം ക്രമീകരിക്കണം. അമിതമായ വെളിച്ചം കണ്ണുകളിൽ സമ്മർദം ചെലുത്തുകയും വരണ്ട കണ്ണുകൾ പോലുള്ള ഗുരുതര പ്രശ്‌നങ്ങൾ ഉണ്ടാക്കുകയും ചെയ്യുന്നു.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.