തിരുവനന്തപുരം : കെഎസ്ആര്‍ടിസിയുടെ പ്രതിദിന വരുമാനം (Daily collection of KSRTC) കൊവിഡിന് ശേഷം ആദ്യമായി 5 കോടി രൂപ കടന്നു. കഴിഞ്ഞ ദിവസം (തിങ്കള്‍) മാത്രം5.28 കോടി രൂപയാണ് (Rs 5 crore) കെഎസ്ആര്‍ടിസിക്ക് വരുമാനമായി ലഭിച്ചത്.
ശബരിമലയിലേക്ക് ഉള്‍പ്പടെ 3445 ബസുകളാണ് ഇപ്പോള്‍ സര്‍വീസ് നടത്തുന്നത്. പമ്പയിലേക്ക് നടത്തിയ 66 സ്‌പെഷ്യല്‍ സര്‍വീസുകളില്‍ നിന്നുമാത്രം 6,51,495 രൂപയാണ് വരുമാനം ലഭിച്ചത്.
2020 മാര്‍ച്ചിന് ശേഷം ആദ്യമായാണ് 5 കോടി രൂപയുടെ വരുമാനം കോര്‍പ്പറേഷന് ലഭിക്കുന്നത്. 2020 മാര്‍ച്ച് 11ന് ആണ് അവസാനമായി കെഎസ്ആര്‍ടിസിക്ക് ദിവസ വരുമാനം 5 കോടിയ്ക്കടുത്ത് ലഭിച്ചത്. അന്ന് 4572 ബസുകളാണ് സര്‍വീസ് നടത്തിയത്.
