ശശി തരൂരിന് കേരളവുമായി എന്ത് ബന്ധമെന്ന് ഇ പി ജയരാജന്‍, പരസ്യമായി മാപ്പ് പറയാതെ ഇന്‍ഡിഗോയിലേക്കില്ല, യാത്ര ഇനി എയര്‍ ഇന്ത്യയില്‍

author img

By ETV Bharat Kerala Desk

Published : Nov 10, 2023, 9:04 PM IST

എയര്‍ ഇന്ത്യ എക്‌സ്‌പ്രസ്  E P Jayarajan  E P Jayarajan On Shashi Tharoor  E P Jayarajan On Indigo  indigo  air india express  ഇൻഡിഗോ  ഇ പി ജയരാജൻ  ശശി തരൂരിനെ വിമർശിച്ച് ഇ പി ജയരാജൻ  ഇൻഡിഗോയിൽ യാത്ര ചെയ്യില്ലെന്ന് ഇ പി ജയരാജൻ

E P Jayarajan On Shashi Tharoor ഇൻഡിഗോ ഗുരുതരമായ തെറ്റ് ചെയ്‌തെന്നും പരസ്യമായി മാപ്പ് പറയും വരെ ഇൻഡിഗോയിൽ യാത്ര ചെയ്യില്ലെന്നും ഇ പി ജയരാജൻ

ഇ പി ജയരാജൻ മാധ്യമങ്ങളോട്

തിരുവനന്തപുരം : ശശി തരൂരിന് കേരളവുമായി എന്ത് ബന്ധമെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍ (E P Jayarajan). കേരളത്തില്‍ തൊഴിലില്ലായ്‌മ വര്‍ധിച്ച് വരുന്ന സാഹചര്യത്തില്‍ കേരള മോഡല്‍ ചോദ്യം ചെയ്യപ്പെടുകയാണെന്ന ശശി തരൂരിന്‍റെ വിമര്‍ശനത്തോടായിരുന്നു ഇ പി ജയരാജന്‍റെ പ്രതികരണം. തിരുവനന്തപുരത്തെ എം പി യായ അദ്ദേഹം തിരുവനന്തപുരത്തിന് വേണ്ടി എന്ത് ചെയ്‌തുവെന്നും കേരളത്തിന്‍റെ പ്രത്യേക താത്‌പര്യം സംരക്ഷിക്കാന്‍ ശശി തരൂര്‍ (Shashi Tharoor) എവിടെയായിരുന്നുവെന്നും അദ്ദേഹം ചോദിച്ചു (E P Jayarajan On Shashi Tharoor ).

വിഴിഞ്ഞം ഉദ്‌ഘാടന ചടങ്ങില്‍ എത്തിയപ്പോള്‍ പോലും അദാനിയുമായി വിമാനത്തില്‍ സഞ്ചരിച്ചപ്പോള്‍ സൗഹൃദ സംഭാഷണം നടത്തിയെന്നാണ് അദ്ദേഹം പറഞ്ഞത്. ശശി തരൂര്‍ കോണ്‍ഗ്രസില്‍ ചേരുന്നതിന് മുന്‍പ് തന്നെ വിഴിഞ്ഞം പദ്ധതിയുടെ പ്രവര്‍ത്തനങ്ങള്‍ ആരംഭിച്ചതാണെന്നും അദ്ദേഹം പറഞ്ഞു. എ കെ ജി സെന്‍ററിലെ എല്‍ ഡി എഫ് യോഗത്തിന് ശേഷം നാളെ (നവംബര്‍ 11) കണ്ണൂരിലേക്ക് മടങ്ങുന്ന ഇ പി ജയരാജന്‍ ഇനി മുതല്‍ വിമാനയാത്രക്ക് എയര്‍ ഇന്ത്യ എക്‌സ്‌പ്രസിനെ (Air India Express) ആശ്രയിക്കുമെന്നും വ്യക്തമാക്കി.

ഇന്‍ഡിഗോയിൽ യാത്ര ചെയ്യില്ലെന്ന് ഇ പി : ഇന്‍ഡിഗോ (Indigo) ഗുരുതരമായ തെറ്റ് ചെയ്‌തു. ഇന്‍ഡിഗോ അധികൃതർ പിന്നീട് അവര്‍ ചെയ്‌തത് ശരിയായില്ലെന്ന് തന്നെ വന്ന് കണ്ട് അറിയിച്ചിരുന്നു. എന്നാല്‍ പരസ്യമായി മാപ്പ് പറയുകയോ, കത്തായി എഴുതി നൽകുകയോ ചെയ്യാതെ ഇനി ഇന്‍ഡിഗോയില്‍ യാത്രയില്ലെന്നും ഇ പി വ്യക്തമാക്കി (E P Jayarajan On Indigo). കണ്ണൂരില്‍ നിന്നും തിരുവനന്തപുരത്തേക്കും തിരിച്ചും ഇപ്പോള്‍ ദിവസേന എയര്‍ ഇന്ത്യ എക്‌സ്‌പ്രസ് വിമാന സര്‍വീസ് ആരംഭിച്ചിട്ടുണ്ട്.

നാളെ രാവിലെ 7.30 നുള്ള എയര്‍ ഇന്ത്യ എക്‌സ്‌പ്രസ് വിമാനത്തില്‍ കണ്ണൂരിലേക്ക് പോകുമെന്നും ഇ പി ജയരാജന്‍ പറഞ്ഞു. അതേ സമയം കണ്ണൂരില്‍ നടന്ന സി പി എം പാര്‍ട്ടി കോണ്‍ഗ്രസില്‍ സംഘടിപ്പിച്ച സെമിനാറിലേക്ക് കെ വി തോമസിനൊപ്പം ശശി തരൂരിനെയും ക്ഷണിച്ചിരുന്നതായി ജയരാജന്‍ വ്യക്തമാക്കി. കോണ്‍ഗ്രസ് ഭീഷണിയെ തുടര്‍ന്ന് ശശി തരൂര്‍ പിന്‍വാങ്ങിയെങ്കിലും തോമസ് മാഷ് അതിന് തയ്യാറായില്ലെന്നും ജയരാജന്‍ പറഞ്ഞു.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.