കെഎസ്ആര്‍ടിസിയില്‍ 'സ്‌മാര്‍ട്ട് സാറ്റര്‍ഡേ'യ്ക്ക് തുടക്കം ; പദ്ധതി മന്ത്രി ഗണേഷ് കുമാറിന്‍റെ നിര്‍ദേശപ്രകാരം

author img

By ETV Bharat Kerala Desk

Published : Jan 21, 2024, 7:57 AM IST

Smart Saturday KSRTC,സ്‌മാര്‍ട്ട് സാറ്റര്‍ഡേ പദ്ധതി,KSRTC Salary Crisis,കെഎസ്ആര്‍ടിസി പ്രതിസന്ധി

KSRTC's Smart Saturday : ചുമതലയേറ്റ ശേഷമുള്ള മന്ത്രി കെബി ഗണേഷ് കുമാറിന്‍റെ നിര്‍ദേശങ്ങളിലുള്ള കെഎസ്ആര്‍ടിസി സ്‌മാര്‍ട്ട് സാറ്റര്‍ഡേ പദ്ധതിക്ക് തുടക്കം

തിരുവനന്തപുരം : കെഎസ്ആർടിസിയിൽ മന്ത്രി കെ ബി ഗണേഷ് കുമാറിന്‍റെ നിർദേശപ്രകാരമുള്ള 'സ്മാര്‍ട്ട് സാറ്റര്‍ഡേ' പദ്ധതിക്ക് തുടക്കമായി. എല്ലാ ശനിയാഴ്ച പ്രവർത്തി ദിവസങ്ങളിലും ഓഫീസ്, ഫയലുകൾ, ഉപകരണങ്ങൾ, കെട്ടിട പരിസരം എന്നിവ വൃത്തിയാക്കി അടുക്കും ചിട്ടയോടും കൂടി ക്രമീകരിക്കുക, അനാവശ്യമായി ലൈറ്റ് ഫാൻ തുടങ്ങിയവ ഉപയോഗിക്കുന്നില്ല എന്ന് ഉറപ്പുവരുത്തുക തുടങ്ങിയവയാണ് ഈ പദ്ധതി കൊണ്ട് ഉദ്ദേശിക്കുന്നത്. ആദ്യ ശനിയാഴ്‌ച ജീവനക്കാരുടെ ഭാഗത്തുനിന്നും മികച്ച പ്രതികരണവും പ്രവർത്തനവുമാണ് ഉണ്ടായതെന്ന് കെഎസ്ആർടിസി വാർത്താക്കുറിപ്പിൽ അറിയിച്ചു (KSRTC's Smart Saturday).

സ്മാർട്ട് സാറ്റർഡേ - ജീവനക്കാർ പാലിക്കേണ്ടവ : ഫയലുകൾ / രജിസ്റ്ററുകൾ എന്നിവ വർഷാടിസ്ഥാനത്തിൽ റാക്ക് / അലമാരകളിൽ കൃത്യമായി അടുക്കി സൂക്ഷിക്കുക. കാലഹരണപ്പെട്ട ഫയലുകൾ / രജിസ്റ്ററുകൾ എന്നിവ ഡിസ്‌പോസല്‍ ചെയ്യുന്നതിനായി ഫയൽ നമ്പർ സഹിതം വ്യക്തമായി രേഖപ്പെടുത്തി പ്രത്യേക രജിസ്റ്ററിൽ സൂക്ഷിക്കുക. ഉപയോഗ ശൂന്യമായ ഓഫീസ് ഉപകരണങ്ങൾ നീക്കം ചെയ്യുക(KSRTC Salary Crisis).

ഓഫീസിനുളളിലും, പരിസരങ്ങളിലും ഉളള നോട്ടീസുകൾ, പഴയ അലങ്കാര വസ്തുക്കൾ പഴക്കം ചെന്ന ചുവർ ചിത്രങ്ങൾ ഇവയൊക്കെ നീക്കം ചെയ്യുക. പേപ്പറുകൾ / സ്റ്റേഷനറി സാധനങ്ങൾ എന്നിവ ആവശ്യത്തിന് മാത്രം ഉപയോഗിക്കുന്നു എന്ന് ഉറപ്പുവരുത്തുക. അനാവശ്യമായി ലൈറ്റ്, ഫാൻ തുടങ്ങിയ ഇലക്ട്രിക് ഉപകരണങ്ങൾ പ്രവർത്തിക്കുന്നില്ല എന്നും ഉപയോഗം കഴിഞ്ഞ് ഇവ സ്വിച്ച് ഓഫ് ചെയ്യുന്നു എന്നും ഉറപ്പുവരുത്തുക.

അതേസമയം കെഎസ്ആർടിസി വിജിലൻസ് വിഭാഗം, യൂണിറ്റുകളും ഓഫീസുകളും സന്ദർശിച്ച് സ്‌മാര്‍ട്ട് സാറ്റർഡേയുമായി ബന്ധപ്പെട്ടുള്ള പ്രവർത്തനങ്ങൾ പരിശോധിച്ച് വിലയിരുത്തുന്നതിനുള്ള ക്രമീകരണങ്ങള്‍ സജ്ജമാക്കിയതായും അധികൃതര്‍ അറിയിച്ചു.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.