മലപ്പുറത്ത് ക്യാമ്പസ് കേന്ദ്രീകരിച്ച് തെരഞ്ഞെടുപ്പ് പ്രചരണം നടത്തി ഇടതുപക്ഷ സ്ഥാനാർത്ഥി വി.പിസാനു. ജില്ലയിലെ നിരവധി വിദ്യാർഥി സമരങ്ങളുടെഅമരക്കാരനായ സാനുവിനെ വിദ്യാർഥികളും അധ്യാപകരും ആവേശത്തോടെയാണ് വരവേറ്റത്. വി പി സാനു ഡിഗ്രി പഠിച്ചിരുന്ന എംഇഎസ് കോളേജ് വളാഞ്ചേരിയിലായിരുന്നു പ്രചരണത്തിന്റെ തുടക്കം.
കോളേജ് മലപ്പുറം മണ്ഡലത്തിലല്ലെങ്കിലുംക്യാമ്പസിലെ വിദ്യാർത്ഥികൾ ഒരുക്കിയ സ്വീകരണത്തിൽ പങ്കെടുക്കാനും അധ്യാപകരെ കണ്ടു ആശീർവാദങ്ങൾ വാങ്ങാനും വേണ്ടിയാണ് സാനു ക്യാമ്പസിൽ പോയത്.
ശേഷം പെരിന്തൽമണ്ണയിലെ എസ്എൻഡിപി കോളേജിലും, പിടി എം കോളേജിലും വി പി സാനു പര്യടനം നടത്തി. പെരിന്തൽമണ്ണ മുനിസിപ്പാലിറ്റിയിലും ഏലംകുളത്തെ ചില മുതിർന്ന പാർട്ടി നേതാക്കളുടെ വീടുകളും സന്ദർശിച്ച ശേഷം, ഇഎംഎസ് നഴ്സിംഗ് കോളേജിലും ഇഎംഎസ് ആശുപത്രിയിലും വി പി സാനുവെത്തി. പിന്നീട് പെരിന്തൽമണ്ണ, മങ്കട, മഞ്ചേരി മണ്ഡലം കൺവെൻഷനുകളില് പങ്കെടുത്തു.
അതേസമയം യുഡിഎഫ് സ്ഥാനാർത്ഥി പി കെ കുഞ്ഞാലിക്കുട്ടി മണ്ഡലത്തിലെ വിവിധ മുതിർന്ന നേതാക്കളുമായി കൂടിക്കാഴ്ച നടത്തി. 17 മുതൽ കുഞ്ഞാലിക്കുട്ടി പ്രചരണത്തിന്റെ ആദ്യ ഘട്ടത്തിലേക്ക് കടക്കും .