കോഴിക്കോട്: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവിനെ തട്ടിക്കൊണ്ടുപോയി മർദിച്ചു. കുറ്റിക്കാട്ടൂർ പൈങ്ങോട്ടുപുറം സ്വദേശി ഇർഷാദ് ആരിഫിനെയാണ്(22) മർദിച്ചത്. പെൺകുട്ടിയുടെ ബന്ധുക്കളടക്കം അഞ്ച് പേർ ചേർന്ന് യുവാവിനെ മർദിച്ചുവെന്നാണ് പരാതി.
സംഭവത്തിൽ നിഖിൽ നൈനാസ് (22), മുഹമദ് അനസ്(26), ഷംസീർ പി (23), മുഹമ്മദ് ഷാമിൽ (18), ജാസിർ ഹുസൈൻ (25) എന്നിവർക്കെതിരെ പൊലീസ് കേസെടുത്തു. തട്ടിക്കൊണ്ടു പോയ ആരിഫിനെ ഒരു കുന്നിൻ മുകളിൽ തടവിലാക്കിയിരുന്നു. കുന്ന് വളഞ്ഞാണ് പൊലീസ് സംഘം യുവാവിനെ മോചിപ്പിച്ചത്.
മർദനത്തിൽ ഗുരുതരമായി പരിക്കേറ്റ ആരിഫ് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്. പതിനഞ്ചുകാരിയായ പെൺകുട്ടിയുടെ മൊഴിയുടെ അടിസ്ഥാനത്തിൽ യുവാവിനെതിരെ പോക്സോ വകുപ്പുകൾ ചുമത്തി പൊലീസ് കേസെടുത്തു.
Also read: മൂന്നാറിൽ ഏഴ് വയസുകാരിയെ പീഡിപ്പിച്ചു; പോക്സോ കേസിൽ 56കാരനും 19കാരനും അറസ്റ്റിൽ
