കണ്ണൂർ: കണ്ണൂർ യൂണിവേഴ്‌സിറ്റിയിൽ ചരിത്ര കോൺഗ്രസിനിടെ ഉണ്ടായ പ്രതിഷേധത്തില്‍ ഉത്തരവാദിത്തപ്പെട്ട ആരും അനങ്ങിയില്ലെന്ന് ഗവർണർ ആരിഫ് മുഹമ്മദ് ഖാൻ. എംപിയടക്കം സ്റ്റേജിൽ ഉണ്ടായിരുന്നു. പ്രതിഷേധം തടയാന്‍ പൊലീസ് അവരുടെ മാക്‌സിമം ശ്രമിച്ചുവെന്നും ഗവർണർ കണ്ണൂരിൽ പറഞ്ഞു.
നിരന്തരം റിപ്പോർട്ട് അയക്കാൻ രാജ്ഭവൻ ആവശ്യപ്പെട്ടിട്ടും കണ്ണൂർ വിസി അത് ചെയ്‌തില്ല. കണ്ണൂർ വൈസ് ചാൻസലർ കാരണം കാണിക്കല്‍ നോട്ടിസിന് നൽകിയ മറുപടിയിൽ ഇപ്പോഴൊന്നും പറയാനില്ലെന്നും ഗവർണർ വ്യക്തമാക്കി. കണ്ണൂർ യൂണിവേഴ്‌സിറ്റിയില്‍ ചരിത്ര കോണ്‍ഗ്രസ് നടക്കവെ, പൗരത്വ ഭേദഗതി ബില്ലിനെ അനുകൂലിച്ച് സംസാരിച്ചതാണ് ഗവര്‍ണര്‍ക്കെതിരായി പ്രതിഷേധമുയരാന്‍ ഇടയാക്കിയത്.
