ഇടുക്കി: ജലനിരപ്പുയര്ന്നതോടെ മാട്ടുപ്പെട്ടി അണക്കെട്ട് തുറന്നു. ഇന്ന് (08.08.2022) വൈകുന്നേരം നാല് മണിയോടെയായിരുന്നു അണക്കെട്ട് തുറന്ന് വെള്ളം പുറത്തേക്കൊഴുക്കി തുടങ്ങിയത്. നിലവില് അണക്കെട്ടിന്റെ ഒരു സ്പില്വെ ഷട്ടര് ഉയര്ത്തിയാണ് വെള്ളം പുറത്തേക്കൊഴുക്കുന്നത്.
കഴിഞ്ഞ ദിവസം കുണ്ടള അണക്കെട്ട് തുറന്നതോടെയാണ് മാട്ടുപ്പെട്ടി ജലാശയത്തിലേക്കുള്ള ഒഴുക്ക് വര്ധിച്ചത്. മാട്ടുപ്പെട്ടി അണക്കെട്ടില് നിന്നും ഒഴുകിയെത്തുന്ന വെള്ളം മുതിരപ്പുഴയില് ചേരുകയും തുടര്ന്ന് കല്ലാര്കുട്ടി, ലോവര് പെരിയാര് വഴി ഒഴുകി പോകുകയുമാണ് ചെയ്യുന്നത്. മാട്ടുപ്പെട്ടി അണക്കെട്ട് തുറന്ന സാഹചര്യത്തില് വെള്ളം ഒഴുകി പോകുന്നതിന്റെ കരകളില് താമസിക്കുന്നവര് ജാഗ്രത പാലിക്കണമെന്ന് നിര്ദ്ദേശം നല്കിയിട്ടുണ്ട്.