ഇടുക്കി: ഇടുക്കി - നേര്യമംഗലം റോഡിൽ കരിമണലിന് സമീപമുണ്ടായ വാഹനാപകടത്തിൽ ഒരാൾ മരിച്ചു(Road accident near Karimanal on Idukki-Neriamangalam road; Bike rider dies after unidentified vehicle hits two-wheeler).ഇടുക്കി തോപ്രാംകുടി സ്വദേശി ഡെന്നി ഐപ്പാണ് മരിച്ചത്. ഇന്ന്(നവംബർ 15)പുലർച്ചെ 5.30 ഓടെ ആയിരുന്നു അപകടം. ജോലിയുടെ ഭാഗമായി എറണാകുളത്ത് പോയി തിരികെ വരും വഴിയാണ് ഡെന്നി ഐപ്പ് അപകടത്തില്‍പ്പെട്ടത്.
ഡെന്നിയുടെ ബൈക്കില്‍ അജ്ഞാത വാഹനം ഇടിക്കുകയായിരുന്നു. അപകടം നടന്നത് അറിഞ്ഞിട്ടും അജ്ഞാത വാഹനം നിറുത്താതെ പോയെന്നാണ് വിവരമെന്ന് സ്ഥലത്തെത്തിയ പൊലീസ് പറഞ്ഞു. പിന്നീട് ഈ വഴി കടന്നുപോയ കാറിലെ യാത്രക്കാരാണ് യുവാവ് അപകടത്തില്‍പ്പെട്ട റോഡരികില്‍ കിടക്കുന്നത് കണ്ടത്. കാര്‍ യാത്രക്കാര്‍ നല്‍കിയ വിവരം അനുസരിച്ചാണ് കരിമണല്‍ പൊലീസ് സ്ഥലത്ത് എത്തിയത്.
ഡെന്നി ഐപ്പ് അപകട സ്ഥലത്ത് വച്ച് തന്നെ മരിച്ചുവെന്ന് ആശുപത്രി വൃത്തങ്ങള്‍ പറഞ്ഞു.അപകടത്തിന് കാരണമായ വാഹനം സിസിടിവി ദൃശ്യങ്ങളുടെ സഹായത്തോടെ കണ്ടെത്താനുള്ള ശ്രമം തുടങ്ങിയെന്ന് പൊലീസ് പറഞ്ഞു. അതേസമയം ഇടുക്കി -നേര്യമംഗലം കരിമണല്‍ റോഡ് ഇരുചക്ര യാത്രക്കാര്‍ക്ക് മരണ പാതയായി മാറുകയാണെന്ന് നാട്ടുകാര്‍ ആരോപിച്ചു.
ആനയിറങ്കൽ ജലാശയത്തിൽ വള്ളം മറിഞ്ഞു കാണാതായ ഒരാളുടെ മൃതദേഹം കണ്ടെത്തി
ആനയിറങ്കൽ ജലാശയത്തിൽ വള്ളം മറിഞ്ഞു കാണാതായ ഒരാളുടെ മൃതദേഹം കണ്ടെത്തി.നിരപ്പേൽ ഗോപിയുടെ (62) മൃദദേഹമാണ് ജലാശയത്തിൽ കണ്ടെത്തിയത്. ചിന്നക്കനാൽ 301 കോളനി സ്വദേശികളായ നിരപ്പേൽ ഗോപി (62), പാറക്കൽ സജീവൻ (38) എന്നിവരെയാണ് ഞായറാഴ്ച ഉച്ചയോടെ വള്ളം മറിഞ്ഞു കാണാതായത്.തിരച്ചിൽ നടത്തിയ ഭാഗത്ത് തന്നെയാണ് ഗോപിയുടെ മൃതദേഹം പൊങ്ങിയത്.മൃതദേഹം കരക്ക് എത്തിക്കുന്നതിനുള്ള നടപടികൾ ആരംഭിച്ചു. ആനയിറങ്കൽ ബോട്ട് ലാൻഡിങ്ങിൽ എത്തിച്ച ശേഷം മോർച്ചറിയിലേക്ക് മാറ്റും.കൊച്ചിയിൽ നിന്നും നേവിയുടെ സംഘം ഇന്ന് ആനയിറങ്കലിൽ എത്തും ഗോപിയോടൊപ്പം കാണാതായ പാറക്കൽ സജീവനെ കണ്ടെത്താനുള്ള തിരച്ചിൽ ഇന്നും തുടരുമെന്ന് പൊലീസ് പറഞ്ഞു.
also read :ആനയിറങ്കല്‍ ഡാമില്‍ രണ്ട് പേരെ കാണാതായി; തെരച്ചില്‍ തുടരുന്നു
