മുംബൈ: പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ ടെലിവിഷൻ നടൻ പേൾ വി. പുരി (31) അറസ്റ്റിൽ. പോക്സോ പ്രകാരം വാലിവ് പൊലീസ് താരത്തിന്‍റെ അറസ്റ്റ് രേഖപ്പെടുത്തി. അറസ്റ്റിന് ശേഷം നടനെ റിമാൻഡിൽ വിട്ടു.
ടിവി സീരിയലുകളിൽ അഭിനയിക്കാൻ അവസരം നൽകാമെന്ന് പെൺകുട്ടിക്ക് വാഗ്ദാനം നൽകി ബലാത്സംഗം ചെയ്യുകയായിരുന്നു. ഇതൊരു പഴയ കേസാണെന്നും പെൺകുട്ടി പരാതി നൽകിയതിനെ തുടർന്ന് അറസ്റ്റ് ചെയ്യുകയായിരുന്നുവെന്നും പൊലീസ് വിശദമാക്കി. വെള്ളിയാഴ്‌ച അംബോലി പൊലീസിന്‍റെ സഹായത്തോടെ വാലിവ് പൊലീസാണ് പേൾ പുരിയുടെ അറസ്റ്റ് രേഖപ്പെടുത്തിയത്.
Also Read: രാജി പോരാട്ടങ്ങളിൽ മരണമടഞ്ഞവർക്കുള്ള സമർപ്പണം, പ്രശംസാ കുറിപ്പുകളിൽ ഹൃദയം നിറഞ്ഞു: സാമന്ത
ഹിന്ദി ടെലിവിഷൻ പരിപാടികളിലൂടെ നിരവധി ആരാധകരുള്ള നടനാണ് പേൾ വി. പുരി. നാഗിൻ 3യിലെ നായകവേഷത്തിലൂടെയാണ് താരം ശ്രദ്ധേയനായത്. കഴിഞ്ഞ ഒൻപത് വർഷമായി ടെലിവിഷൻ രംഗത്ത് സജീവമായ പേൾ വി. പുരി ബ്രഹ്മരക്ഷസ് 2, ദിൽ കി നസർ സേ ഖുബ്സുരത്ത് തുടങ്ങിയ സീരിയലുകളിലും അഭിനയിച്ചിട്ടുണ്ട്.
