ന്യൂഡല്‍ഹി: മഹാരാഷ്ട്ര സർക്കാർ സ്വേച്ഛാധിപത്യമാണെന്ന് ബിജെപി ആരോപിച്ചതോടെ ഹനുമാൻ ചാലിസ പാരായണത്തെച്ചൊല്ലി ബിജെപിയും ശിവസേനയും തമ്മിലുള്ള വാക്പോര് കൂടുതൽ ശക്തമായി. മഹാരാഷ്ട്ര സർക്കാർ സൗദി അറേബ്യയെപ്പോലെയോ സിറിയയെപ്പോലെയോ സ്വേച്ഛാധിപത്യപരമായി മാറുകയാണോയെന്നും തങ്ങളുടെ രാജ്യത്ത് ഹനുമാൻ ചാലിസ ചൊല്ലിയതിന് ശിവസേന ജനങ്ങളുടെ മേൽ ജാസിയ അടിച്ചേൽപ്പിക്കുമോ എന്നും ബിജെപി ചോദിച്ചു.
ആരെ, എവിടെ ആരാധിക്കണമെന്ന് മഹാരാഷ്ട്ര മുഖ്യമന്ത്രി തീരുമാനിക്കുമോ എന്ന് ബിജെപി ദേശീയ ജനറൽ സെക്രട്ടറി തരുൺ ചുഗ് ശിവസേനയോട് ചോദിച്ചു. തനിക്ക് ഓഫീസിൽ ഇരുന്ന് ഹനുമാൻ ജിയെ ധ്യാനിക്കാൻ തോന്നുന്നുവെങ്കിൽ, മുഖ്യമന്ത്രി തന്റെ മേൽ ജാസിയ അടിച്ചേൽപ്പിക്കുമോ എന്നും ഉദ്ധവ് അത്തരം നിയമങ്ങൾ ഉണ്ടാക്കാന്‍ ഇത് സിറിയയോ സൗദി അറേബ്യയോ ആണോ എന്നും താക്കറെ ഇന്ന് പ്രീണന രാഷ്ട്രീയമാണ് മുന്നോട്ടുവെക്കുന്നതെന്നും തരുൺ ചുഗ് കൂട്ടിച്ചേർത്തു.
എംപി നവനീത് റാണയെക്കുറിച്ച് പ്രതികരിച്ച ചുഗ്, റാണയെ ശൗചാലയം ഉപയോഗിക്കാൻ അനുവദിക്കുന്നില്ലെന്ന് പറഞ്ഞു. “ഒരു വനിത എംപിയെ വെള്ളം കുടിക്കാൻ പോലും അനുവദിച്ചില്ല, ഇത് പദവിയുടെ പ്രശ്‌നമാണ്. എന്നാല്‍ കസബിന് ബിരിയാണി നൽകി" ചുഗ് പറഞ്ഞു. ഹനുമാൻ ചാലിസ വായിച്ചതല്ലാതെ ഒരു കുറ്റവും അവൾ ചെയ്‌തിട്ടില്ല. ക്രമസമാധാന പ്രശ്‌നമാണെങ്കിൽ ഒരു സ്ത്രീക്കെതിരെ ജാതിപരാമർശം നടത്തിയാൽ കേസെടുക്കില്ലേ എന്നും ബിജെപി ദേശീയ ജനറൽ സെക്രട്ടറി തരുൺ ചുഗ് ചോദിച്ചു.
Also Read ബിജെപിയെ പ്രശംസിച്ച് ഹാർദിക് പട്ടേൽ; ആശങ്ക പ്രകടിപ്പിച്ച് ഗുജറാത്ത് കോൺഗ്രസ്
