മദ്രാസ് ഐഐടിയില്‍ മലയാളിയുടെ മൃതദേഹം കത്തിക്കരിഞ്ഞ നിലയില്‍

author img

By

Published : Jul 2, 2021, 7:52 AM IST

മദ്രാസ് ഐഐടി  മദ്രാസ് ഐഐടിയില്‍ മലയാളിയുടെ മൃതദേഹം കത്തിക്കരിഞ്ഞ നിലയില്‍  ചെന്നൈ  IIT Madras  Kerala based student suspected death on IIT Madras premises

ക്യാമ്പസിനുള്ളിലെ ഹോക്കി ഗ്രൗണ്ടിന് സമീപത്ത് നിന്നാണ് ഉണ്ണികൃഷ്‌ണന്‍റെ മൃതദേഹം കണ്ടെത്തിയത്.

ചെന്നൈ: മദ്രാസ് ഐഐടി ക്യാമ്പസിനുള്ളില്‍ മൃതദേഹം കത്തിക്കരിഞ്ഞ നിലയിൽ കണ്ടെത്തി. മലയാളിയായ പ്രോജക്ട് അസോസിയേറ്റ് ഉണ്ണിക്കൃഷ്ണൻ നായരുടേതാണ് മൃതദേഹമെന്ന് പൊലീസ് കണ്ടെത്തി. വ്യാഴാഴ്ച വൈകിട്ട് 6 മണിയോടെയാണ് ക്യാമ്പസിനുള്ളിലെ ഹോക്കി ഗ്രൗണ്ടിന് സമീപത്തുനിന്ന് വിദ്യാർഥികൾ മൃതദേഹം കണ്ടെത്തിയത്. പാതി കത്തിയ നിലയിലായിരുന്നു മൃതദേഹം.

കൊവിഡ് വ്യാപനത്തെ തുടര്‍ന്ന് ക്യാമ്പസ് അടച്ചിട്ടിരിക്കുകയായിരുന്നു. ഓണ്‍ലൈൻ ക്ലാസ് മാത്രമാണ് നടത്തിയിരുന്നത്. ഈ സാഹചര്യത്തില്‍ ഉണ്ണികൃഷ്‌ണൻ എന്തിന് ക്യാമ്പസില്‍ എത്തിയെന്നതടക്കമുള്ള കാര്യങ്ങള്‍ കോട്ടൂര്‍പുരം പൊലീസ് അന്വേഷിക്കും.

2021 ഏപ്രിലിലാണ് ഉണ്ണികൃഷ്‌ണൻ ഐഐടിയില്‍ ചേര്‍ന്നത്. മൃതദേഹം പോസ്റ്റ്‌മോർട്ടത്തിനായി രായപേട്ട ഗവൺമെന്‍റ് ആശുപത്രിയിലേയ്ക്ക് മാറ്റി. അസ്വാഭാവിക മരണത്തിനാണ് പൊലീസ് കേസെടുത്തിരിക്കുന്നത്.

Also Read: വ്യാജ വാക്സിനേഷൻ ക്യാമ്പ്; ഏഴാമത്തെയാളും പിടിയില്‍

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.