ന്യൂഡൽഹി: 'ആദിപുരുഷി'ലെ Adipurush ആക്ഷേപകരമായ രംഗങ്ങൾ നീക്കം ചെയ്യണമെന്ന് ആവശ്യപ്പെട്ട് ചിത്രത്തിനെതിരെ ഹിന്ദു സേന Hindu Sena, ഡൽഹി ഹൈക്കോടതിയിൽ Delhi High Court പൊതുതാത്പര്യ ഹർജി സമര്‍പ്പിച്ചു.
ശ്രീരാമൻ, സീത, രാവണൻ എന്നിവരുടെ കഥാപാത്രങ്ങളെ വാല്‍മീകിയുടെ രാമായണത്തിലും തുളസീദാസിന്‍റെ രാമചരിതമാനസിലും വിവരിക്കുന്നതിന് വിരുദ്ധമായാണ് സിനിമയില്‍ ചിത്രീകരിച്ചിരിക്കുന്നതെന്ന് ഹർജിയിൽ പറയുന്നു. ഹിന്ദു പുരാണ ഇതിഹാസമായ രാമായണത്തെ Ramayana അടിസ്ഥാനമാക്കി ഓം റൗട്ട് സംവിധാനം ചെയ്‌ത ആദിപുരുഷ് രാജ്യത്തുടനീളമുള്ള തിയേറ്ററുകളില്‍ വെള്ളിയാഴ്‌ചയാണ് (ജൂണ്‍ 16) റിലീസിനെത്തിയത്.
1952ലെ സിനിമാട്ടോഗ്രാഫ് ആക്‌ട് സെക്ഷൻ 5 എ Section 5A of the Cinematograph Act പ്രകാരമാണ് 'ആദിപുരുഷി'നെതിരെ ഹിന്ദു സേന ദേശീയ അദ്ധ്യക്ഷന്‍ വിഷ്‌ണു ഗുപ്‌ത ഹര്‍ജി Hindu Sena National President Vishnu Gupta സമര്‍പ്പിച്ചത്. സിനിമ പൊതു പ്രദർശനത്തിന് യോഗ്യമല്ലെന്നും, സിനിമയുടെ പ്രദര്‍ശനം തടയണമെന്നും വിഷ്‌ണു ഗുപ്‌ത ചൂണ്ടിക്കാട്ടി. വിവാദ രംഗങ്ങൾ ഒഴിവാക്കാതെ ആദിപുരുഷിന് ഐഎസ്‌സി സെൻസർ ബോർഡിന്‍റെ സർട്ടിഫിക്കറ്റ് ISC Censor Board നൽകരുതെന്നും ചിത്രം തിയേറ്ററുകളിൽ പ്രദർശിപ്പിക്കരുതെന്നും ഹർജിയിൽ പറയുന്നു.
ഹിന്ദു ദൈവങ്ങളെ മോശമായി ചിത്രീകരിച്ച ചിത്രം മതവികാരത്തെ വ്രണപ്പെടുത്തിയെന്നും ഹര്‍ജിയില്‍ ആരോപിക്കുന്നു. സിനിമയില്‍ ശ്രീരാമൻ, സീത, ഹനുമാൻ എന്നിവരുടെ വേഷവിധാനങ്ങളും ചിത്രങ്ങളും തികച്ചും വ്യത്യസ്‌തമായ രീതിയിൽ പ്രദർശിപ്പിച്ച് മതവികാരം വ്രണപ്പെടുത്തിയെന്നാണ് പരാതി. കേന്ദ്ര സർക്കാർ, ഫിലിം സെൻസർ ബോർഡ്, തമിഴ്‌നാട് സർക്കാർ, സംവിധായകന്‍ ഓം റൗട്ട്, നിര്‍മാതാക്കളായ ടി സീരീസ് എന്നിവരെയാണ് ഹിന്ദു സേന അധ്യക്ഷന്‍ നല്‍കിയ ഹര്‍ജിയില്‍ പ്രതി ചേർത്തിരിക്കുന്നത്.
രാമായണത്തിന്‍റെ പുനരാഖ്യാനമായ സിനിമയില്‍ ശ്രീരാമനായി പ്രഭാസും, സീതയായി കൃതി സനോണും, ലക്ഷ്‌മണനായി സണ്ണി സിംഗും, രാവണനായി സെയ്‌ഫ്‌ അലി ഖാനുമാണ് വേഷമിട്ടത്. അതേസമയം ആദ്യ ദിന കലക്ഷനില്‍ ചിത്രം റെക്കോഡുകള്‍ കൊയ്‌തു. 500 കോടി മുതല്‍ മുടക്കിലൊരുക്കിയ ചിത്രം ആഗോള തലത്തില്‍ ആദ്യ ദിനത്തില്‍ 140 കോടി രൂപയാണ് നേടിയത്. നിര്‍മാതാക്കളായ ടീ സീരീസ് വാര്‍ത്താക്കുറിപ്പിലൂടെയാണ് സിനിമയുടെ കലക്ഷന്‍ റിപ്പോര്‍ട്ട് പുറത്തുവിട്ടത്.
പാൻ-ഇന്ത്യന്‍ റിലീസായെത്തിയ ഒരു ഹിന്ദി ചിത്രത്തിന്‍റെ ഏറ്റവും ഉയര്‍ന്ന ആദ്യ ദിന കലക്ഷന്‍ എന്ന റെക്കോഡും 'ആദിപുരുഷ്' സ്വന്തമാക്കി. 'ബോക്‌സോഫിസിൽ വൻ സ്വാധീനമാണ് 'ആദിപുരുഷ്' ചെലുത്തിയിരിക്കുന്നത്... ആഗോള ബോക്‌സോഫിസില്‍ 140 കോടി രൂപ സ്വന്തമാക്കി മികച്ച ഓപ്പണിങ് നേടി 'ആദിപുരുഷ്' പ്രേക്ഷക ഹൃദയങ്ങൾ കീഴടക്കി' -ഇപ്രകാരമാണ് നിര്‍മാതാക്കള്‍ പുറത്തുവിട്ട പ്രസ്‌താവനയില്‍ പറയുന്നത്.
ഷാരൂഖിന്‍റെ 'പഠാന്‍', രണ്‍ബീറിന്‍റെ 'ബ്രഹ്മാസ്ത്ര', ഹൃത്വിക് റോഷന്‍റെ 'വാര്‍' എന്നീ ചിത്രങ്ങളുടെ ആദ്യ ദിന കലക്ഷനുമായാണ് നിര്‍മാതാക്കള്‍ 'ആദിപുരുഷി'നെ താരതമ്യം ചെയ്‌തിരിക്കുന്നത്. മറ്റ് ഭാഷകളില്‍ റിലീസ് ചെയ്യുന്ന ഒരു ഹിന്ദി ചിത്രത്തിന് ലഭിക്കുന്ന ഏറ്റവും ഉയര്‍ന്ന പാന്‍ ഇന്ത്യന്‍ ഓപ്പണര്‍ എന്ന കൊതിപ്പിക്കുന്ന സ്ഥാനം കൂടി 'ആദിപുരുഷ്' സ്വന്തമാക്കി. ബോളിവുഡിലെ ഏറ്റവും ഉയർന്ന ഓപ്പണറായിരുന്ന 'പഠാന്‍റെ' 106 കോടി രൂപ എന്ന ആദ്യ ദിന റെക്കോഡ് കലക്ഷനെ മറികടന്നാണ് 'ആദിപുരുഷ്' 140 കോടി രൂപ നേടി ഈ സ്ഥാനം സ്വന്തമാക്കിയിരിക്കുന്നത്.
