ಕಕ್ರಾಪುರ ಪರಮಾಣು ವಿದ್ಯುತ್​​ ಸ್ಥಾವರದ ಎರಡು ಘಟಕ ನಾಳೆ ದೇಶಕ್ಕೆ ಸಮರ್ಪಿಸಲಿರುವ ಪ್ರಧಾನಿ ಮೋದಿ

author img

By ETV Bharat Karnataka Team

Published : Feb 21, 2024, 3:38 PM IST

PM unveil 2 Kakrapar nuclear power plant on jan 22

ಕಕ್ರಾಪುರದ ತಲಾ 700 ಮೆಗಾವ್ಯಾಟ್​ ಸಾಮರ್ಥ್ಯದ ಮೂರು ಮತ್ತು ನಾಲ್ಕನೇ ಘಟಕವನ್ನು ಪ್ರಧಾನಿ ದೇಶಕ್ಕೆ ಸಮರ್ಪಿಸಲಿದ್ದಾರೆ.

ನವದೆಹಲಿ: ಗುಜರಾತ್​ನಲ್ಲಿ ನಿರ್ಮಾಣವಾಗಿರುವ ಕಕ್ರಾಪುರದಲ್ಲಿನ ಪರಮಾಣು ವಿದ್ಯುತ್​ ಸ್ಥಾವರದ ಮೂರು ಮತ್ತು ನಾಲ್ಕು ಘಟಕವನ್ನು ನಾಳೆ (ಫೆ. 22) ರಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ದೇಶಕ್ಕೆ ಸಮರ್ಪಿಸಲಿದ್ದಾರೆ. ಈ ಎರಡು ಸ್ಥಾವರಗಳು ತಲಾ 700 ಮೆಗಾವ್ಯಾಟ್ ವಿದ್ಯುತ್​ ಉತ್ಪಾದಿಸುವ​ ಸಾಮರ್ಥ್ಯವನ್ನು ಹೊಂದಿವೆ.

ಈ ಕಾರ್ಯಕ್ರಮಕ್ಕೆ ಮುಂಚೆ ಮಾತನಾಡಿದ ಅಧಿಕಾರಿಯೊಬ್ಬರು, ಎನ್​ಪಿಸಿಐಎಲ್​​ ಶೀಘ್ರದಲ್ಲೇ ತನ್ನ ಎರಡನೇ 700 ಮೆಗಾವ್ಯಾಟ್​ ಒತ್ತಡದ ಹೆವಿ ವಾಟರ್​ ರಿಯಾಕ್ಟರ್​ ಅನ್ನು ಗ್ರಿಡ್​​ಗೆ ಸಂಪರ್ಕಿಸಲಿದೆ. ಇದೀಗ ಕಕ್ರಾಪುರ​​ ಪರಮಾಣು ವಿದ್ಯುತ್​​ ಕೇಂದ್ರ -3 (ಕೆಎಪಿಎಸ್​​-3) ಅನ್ನು ಗ್ರಿಡ್​ನೊಂದಿಗೆ ಸಿಂಕ್ರೊನೈಸ್​ ಮಾಡಲಾಗಿದೆ. ಇದಾದ ಬಳಿಕ ಶೀಘ್ರದಲ್ಲೇ ಕೆಪಿಎಸ್​ 4 ಅನ್ನು ಕೂಡ ಗ್ರಿಡ್​​ಗೆ ಸಂಪರ್ಕಿಸಲಾಗುವುದು ಎಂದು ಹೆಸರನ್ನು ಹೇಳಲು ಇಚ್ಛಿಸದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ ಎಂದು ಐಎಎನ್​ಎಸ್​ ವರದಿ ಮಾಡಿದೆ.

700 ಮೆಗಾವ್ಯಾಟ್​ನ ಪಿಎಚ್​ಡಬ್ಲ್ಯೂಆರ್​​ ಗುಜರಾತ್​, ಮಹಾರಾಷ್ಟ್ರ, ಮಧ್ಯ ಪ್ರದೇಶ, ಛತ್ತೀಸಗಢ, ಗೋವಾ ಮತ್ತು ಕೇಂದ್ರಾಡಳಿತ ಪ್ರದೇಶವಾದ ದಾದ್ರ ಮತ್ತು ನಗರ್​ ಹವೇಲಿ ಮತ್ತು ಡಮನ್​ ಮತ್ತು ಡಿಯೋಗೆ ವಿದ್ಯುತ್​​ ಪೂರೈಕೆ ಮಾಡಲಿದೆ.

ಕಳೆದ ವರ್ಷ ಜುಲೈನಿಂದಲೇ ಇದು ವಾಣಿಜ್ಯ ಕಾರ್ಯಾಚರಣೆ ಆರಂಭಿಸಿದೆ. ದೇಶದ ಮೊದಲ 700 ಮೆಗಾವ್ಯಾಟ್​ ಪಿಎಚ್​ಡಬ್ಲ್ಯೂಆರ್​ (ಕೆಎಪಿಎಸ್​-3) ಜನವರಿ 2024ರವರೆಗೆ 3,182 ಮಿಲಿಯನ್​ ಯುನಿಟ್​ ಉತ್ಪಾದನೆ ಮಾಡಿದೆ. ಇದರ ಕಾರ್ಯ ಸಾಮರ್ಥ್ಯ ಶೇ 88ರಷ್ಟಿದೆ ಎಂದು ಎನ್​ಪಿಸಿಐಎಲ್​ ತಿಳಿಸಿದೆ.

22,500 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿರುವ ಎನ್​ಪಿಸಿಐಎಲ್​ನ ಸ್ಥಳೀಯ ವಿನ್ಯಾಸಿತ ಕಕ್ರಾಪುರ​​ ಪರಮಾಣು ವಿದ್ಯುತ್​​ ಸ್ಥಾವರದ ಎರಡು ಘಟಕಗಳನ್ನು ಪ್ರಧಾನಿ ಗುರುವಾರ ದೇಶಕ್ಕೆ ಸಮರ್ಪಿಸಲಿದ್ದಾರೆ. ರಾಜಸ್ಥಾನದಲ್ಲಿ ಅಣು ಸ್ಥಾವರ ಕೇಂದ್ರ (ಆರ್​ಎಪಿಎಸ್​​)ನಲ್ಲಿ ಮತ್ತೆ ಎರಡು 700 ಮೆಗಾವ್ಯಾಟ್​ನ ಪಿಎಚ್​ಡಬ್ಲ್ಯೂಆರ್​​​ ಬರಲಿದ್ದು, ಹೆಚ್ಚವರಿಯಾಗಿ 220 ಮೆಗಾವ್ಯಾಟ್​​ ಘಟಕಗಳು ಇರಲಿವೆ. ಪ್ರಸ್ತುತ 10 ರಿಯಾಕ್ಟರ್​​ ಜೊತೆಯಲ್ಲಿ ಕಾರ್ಯನಿರ್ವಹಿಸಲಿದೆ. ಒಟ್ಟಾರೆ ಸಾಮರ್ಥ್ಯದ 7000 ಮೆಗಾ ವ್ಯಾಟ್​ ಯೋಜನಾ ಪೂರ್ವ ಹಂತದಲ್ಲಿದ್ದು, ಇದು 2031-32ರ ಹೊತ್ತಿಗೆ ಪೂರ್ಣಗೊಳ್ಳುವ ನಿರೀಕ್ಷೆ ಇದೆ.

ಕಳೆದ ಜುಲೈನಲ್ಲಿ ಕಕ್ರಾಪುರ ಪರಮಾಣು ವಿದ್ಯುತ್​​​ ಸ್ಥಾವರವನ್ನು ಸ್ಥಳೀಯವಾಗಿ ಯಶಸ್ವಿಯಾಗಿ ನಿರ್ಮಾಣ ಮಾಡಿದ ಹಿನ್ನೆಲೆ ಪ್ರಧಾನಿ ನರೇಂದ್ರ ಮೋದಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಶುಭ ಕೋರಿ ಪೋಸ್ಟ್​ ಹಂಚಿಕೊಂಡಿದ್ದರು. (ಐಎಎನ್​ಎಸ್​​)

ಇದನ್ನೂ ಓದಿ: ಬುಡಕಟ್ಟು ಸಮುದಾಯದ ಮೇಡಾರಂ ಸಮ್ಮಕ್ಕ- ಸರಳಮ್ಮ ಜಾತ್ರೆ: ಭಕ್ತರಿಂದ ಎತ್ತಿನ ಬಂಡಿ ಯಾತ್ರೆ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.