ಕಾರಣವಿಲ್ಲದಿದ್ದರೂ ಸ್ಮಾರ್ಟ್​ಫೋನ್ ಕೈಗೆತ್ತಿಕೊಳ್ಳುವ ಅಭ್ಯಾಸ ನಿಮಗಿದೆಯಾ; ಇದಕ್ಕೆ ತಜ್ಞರು ಹೇಳುವುದೇನು ಗೊತ್ತೇ?

author img

By IANS

Published : Feb 13, 2024, 12:39 PM IST

50% of time Indian users pick up their phones out of habit: Report

ಶೇ 50ರಷ್ಟು ಸ್ಮಾರ್ಟ್​ಫೋನ್ ಬಳಕೆದಾರರು ಆಗಾಗ ಅಭ್ಯಾಸ ಬಲದಿಂದ ಸುಮ್ಮನೆ ತಮ್ಮ ಫೋನ್ ಕೈಗೆತ್ತಿಕೊಳ್ಳುತ್ತಿರುತ್ತಾರೆ ಎಂದು ವರದಿ ಹೇಳಿದೆ.

ನವದೆಹಲಿ : ಭಾರತೀಯ ಸ್ಮಾರ್ಟ್​ಫೋನ್ ಬಳಕೆದಾರರ ಪೈಕಿ ಶೇ 50ರಷ್ಟು ಅಂದರೆ ಇಬ್ಬರಲ್ಲಿ ಒಬ್ಬರು ತಮ್ಮ ಫೋನ್​ ಅನ್ನು ಸುಮ್ಮನೆ ಅಭ್ಯಾಸ ಬಲದಿಂದ ಆಗಾಗ ಎತ್ತಿ ಅನ್ಲಾಕ್ ಮಾಡಿ ನೋಡುತ್ತಿರುತ್ತಾರೆ ಎಂದು ವರದಿಯೊಂದು ತಿಳಿಸಿದೆ. ಫೋನ್ ಕೈಗೆ ತೆಗೆದುಕೊಂಡಿದ್ದು ಯಾಕೆ, ಅದನ್ನು ಅನ್ಲಾಕ್ ಮಾಡಿದ್ದು ಯಾಕೆ ಎಂಬುದು ಅವರಿಗೆ ಗೊತ್ತೇ ಇರುವುದಿಲ್ಲ. ಇಂಥ ಬಳಕೆದಾರರು ದಿನವೊಂದಕ್ಕೆ ಸುಮಾರು 70 ರಿಂದ 80 ಬಾರಿ ಹೀಗೆ ವಿನಾಕಾರಣ ತಮ್ಮ ಸ್ಮಾರ್ಟ್​ಫೋನ್ ಅನ್ನು ಕೈಗೆತ್ತಿಕೊಳ್ಳುತ್ತಾರೆ ಎಂದು ಜಾಗತಿಕ ಮ್ಯಾನೇಜ್​ಮೆಂಟ್​ ಕನ್ಸಲ್ಟಿಂಗ್ ಸಂಸ್ಥೆ ಬೋಸ್ಟನ್ ಕನ್ಸಲ್ಟಿಂಗ್ ಗ್ರೂಪ್ (ಬಿಸಿಜಿ)ನ ವರದಿ ತಿಳಿಸಿದೆ.

ಸುಮಾರು 50 ಪ್ರತಿಶತದಷ್ಟು ಸಮಯದಲ್ಲಿ ಗ್ರಾಹಕರು ಫೋನ್ ಅನ್ನು ಏಕೆ ಕೈಗೆತ್ತಿಕೊಳ್ಳುತ್ತಾರೆ ಎಂಬುದರ ಬಗ್ಗೆ ಸ್ಪಷ್ಟತೆ ಇಲ್ಲದಿರುವುದನ್ನು ನಾವು ನಮ್ಮ ಸಂಶೋಧನೆಯಲ್ಲಿ ಕಂಡುಕೊಂಡಿದ್ದೇವೆ. ಸುಮ್ಮನೆ ಅಭ್ಯಾಸ ಬಲದಿಂದ ಅವರು ಹಾಗೆ ಮಾಡುತ್ತಾರೆ ಎಂದು ಸೆಂಟರ್ ಫಾರ್ ಕಸ್ಟಮರ್ ಇನ್​ಸೈಟ್ಸ್​ ಇಂಡಿಯಾದ ಲೀಡ್ ಕನಿಕಾ ಸಂಘಿ ಹೇಳಿದರು.

ಭಾರತದಾದ್ಯಂತದ 1,000 ಕ್ಕೂ ಹೆಚ್ಚು ಬಳಕೆದಾರರ ವಾಸ್ತವಿಕ ಕ್ಲಿಕ್​ಗಳು/ ಸ್ವ್ಯಾಪ್​ ಡೇಟಾಗಳು ಮತ್ತು ಗ್ರಾಹಕರ ಸಂದರ್ಶನಗಳನ್ನು ಆಧರಿಸಿ ಈ ವರದಿ ತಯಾರಿಸಲಾಗಿದೆ. ಇನ್ನು ಶೇ 45 ರಿಂದ 50 ರಷ್ಟು ಬಳಕೆದಾರರು ಈಗ ತಾವೇನು ಮಾಡಬೇಕಿದೆ ಎಂಬ ಸ್ಪಷ್ಟತೆಯಿಂದ ಪೋನ್ ಕೈಗೆತ್ತಿಕೊಳ್ಳುತ್ತಾರೆ ಹಾಗೂ ಇನ್ನುಳಿದ ಶೇ 5 ರಿಂದ 10 ರಷ್ಟು ಬಳಕೆದಾರರು ಭಾಗಶಃ ಸ್ಪಷ್ಟತೆ ಮಾತ್ರ ಹೊಂದಿರುತ್ತಾರೆ ಎಂದು ವರದಿಯು ಕಂಡು ಹಿಡಿದಿದೆ.

ಭಾರತೀಯ ಸ್ಮಾರ್ಟ್​ಫೋನ್ ಬಳಕೆದಾರರು ವಿಡಿಯೋ ನೋಡುವುದನ್ನು ಅತಿ ಹೆಚ್ಚು ಇಷ್ಟಪಡುತ್ತಾರೆ. ಶಾರ್ಟ್​ ವಿಡಯೋ ಹಾಗೂ ಲಾಂಗ್ ವಿಡಿಯೋ ಎರಡೂ ಭಾರತೀಯರಿಗೆ ಇಷ್ಟವಾಗುತ್ತವೆ. ಭಾರತೀಯ ಬಳಕೆದಾರರು ಸ್ಮಾರ್ಟ್​ಫೋನ್​ಗಾಗಿ ವ್ಯಯಿಸುವ ಶೇ 50 ರಿಂದ 55 ರಷ್ಟು ಸಮಯವನ್ನು ವಿಡಿಯೋ ನೋಡುವುದರಲ್ಲೇ ಕಳೆಯುತ್ತಾರೆ.

ಅದು ನೊಮೊಪೋಬಿಯಾ ಆಗಿರಬಹುದು: ಸ್ಮಾರ್ಟ್​ಫೋನ್ ವ್ಯಸನವನ್ನು ಸಾಮಾನ್ಯವಾಗಿ ನೊಮೊಫೋಬಿಯಾ (ಮೊಬೈಲ್ ಫೋನ್ ಇಲ್ಲದೇ ಇರುವ ಭಯ) ಎಂದು ಕರೆಯಲಾಗುತ್ತದೆ. ಇಂಟರ್​ನೆಟ್​ನ ಅತಿಯಾದ ಬಳಕೆ ಅಥವಾ ಅತಿಯಾದ ಇಂಟರ್​ನೆಟ್​ ವ್ಯಸನದಿಂದ ಇದು ಕಾಣಿಸಿಕೊಳ್ಳುತ್ತದೆ. ನೊಮೊಫೋಬಿಯಾಗೆ ಫೋನ್ ಅಥವಾ ಟ್ಯಾಬ್ಲೆಟ್​ಗಳು ನೇರವಾಗಿ ಕಾರಣವಾಗುವುದಿಲ್ಲ. ಬದಲಿಗೆ ಇಂಟರ್​ನೆಟ್​ ಮೂಲಕ ನಾವು ಆಡುವ ಗೇಮ್​​ಗಳು, ಬಳಸುವ ಆ್ಯಪ್​​ಗಳು ಮತ್ತು ಇನ್ನಿತರ ವಿಷಯಗಳು ಇದಕ್ಕೆ ಕಾರಣವಾಗುತ್ತವೆ.

ಇದನ್ನೂ ಓದಿ : ಮಂಗಳನ ಮೇಲೆ 1 ಲಕ್ಷ ಮಾನವರ ವಸಾಹತು: ಎಲೋನ್ ಮಸ್ಕ್​ ಮಹತ್ವಾಕಾಂಕ್ಷಿ ದೃಷ್ಟಿಕೋನ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.