ಬೆಂಗಳೂರು: ನಿನ್ನೆಯ ಆರ್ಸಿಬಿ ಮತ್ತು ಸಿಎಸ್ಕೆ ನಡುವಿನ ಪಂದ್ಯ ಕೊನೆಯ ಓವರ್ ವರೆಗೂ ಕುತೂಹಲ ಕೆರಳಿಸಿತ್ತು. ಕೊನೆಯದಾಗಿ ಆರ್ಸಿಬಿ ಗೆಲುವಿನ ನಗೆ ಬೀರಿ ಪ್ಲೇ ಆಫ್ ಹಂತಕ್ಕೆ ದಾಪುಗಾಲು ಇಟ್ಟಿತು. ಕಿತ್ತಾಡುತ್ತಿದ ಇತ್ತಂಡಗಳ ಅಭಿಮಾನಿಗಳು ಶಾಂತ ರೀತಿಯಿಂದ ವರ್ತಿಸಿ ಒಟ್ಟಿಗೆ ಸಂಭ್ರವನ್ನು ಪಡುತ್ತಿದ್ದಾರೆ. ಧೋನಿ ಮತ್ತು ವಿರಾಟ್ ಕೊಹ್ಲಿ ಇಬ್ಬರನ್ನು ಶ್ಲಾಘಿಸುತ್ತಾ ಖುಷಿಯನ್ನು ಹಂಚಿಕೊಳ್ಳುತ್ತಿದ್ದಾರೆ.
ಈ ಕುರಿತು ಈಟಿವಿ ಭಾರತದ ಜೊತೆ ಮಾತನಾಡಿದ ಎಂ.ಡಿ ಬ್ಲಾಕ್ನ ಡೆಲಿವರಿ ಬಾಯ್ ಗಣೇಶ್, ಕೊನೆಯ ಓವರ್ ವರೆಗೂ ನಿನ್ನೆಯ ಪಂದ್ಯ ಕುತೂಹಲವನ್ನು ಮೂಡಿಸಿತ್ತು. ಆರ್ಸಿಬಿ ತನ್ನ ಆರಂಭಿಕ ಹಿನ್ನಡೆಯನ್ನು ಬದಿಗೊತ್ತಿ ಸತತ ಗೆಲುವನ್ನು ದಾಖಲಿಸಿ ಪ್ಲೇ ಆಫ್ ಹಂತಕ್ಕೆ ತಲುಪಿರುವುದು ಸಂತಸ ತಂದಿದೆ. ಎಲ್ಲ ತಂಡಗಳು ಉತ್ತಮ ರೀತಿಯಲ್ಲಿ ತಮ್ಮ ಪ್ರದರ್ಶನವನ್ನು ನೀಡಿವೆ. ಮುಂದಿನ ಪಂದ್ಯಗಳಲ್ಲಿ ಆರ್ಸಿಬಿ ಉತ್ತಮ ಪ್ರದರ್ಶನವನ್ನು ನೀಡಿ ಕಪ್ ತನ್ನದಾಗಿಸಿಕೊಳ್ಳಲಿ ಎಂದು ಶುಭ ಹಾರೈಸಿದರು.
ಎಂ.ಡಿ.ಬ್ಲಾಕ್ನ ಕಾಲೇಜು ವಿದ್ಯಾರ್ಥಿಯಾದ ಮಹೇಶ್ ಮಾತನಾಡಿ, ಸಿಎಸ್ಕೆ ಟೀಮ್ ಗೆಲ್ಲುತ್ತದೆ ಎಂದುಗೊಂಡಿದ್ದೆ. ಕ್ಯಾಪ್ಟನ್ ಕೂಲ್ ಧೋನಿ ಮ್ಯಾಜಿಕ್ ಮಾಡುತ್ತಾರೆ ಅಂದುಕೊಂಡಿದ್ದೆ. ಧೋನಿ ಸಿಕ್ಸ್ ಹೊಡೆದಾಗ ಗೆಲವು ನಮ್ಮದೇ ಅಂದುಕೊಂಡಿದ್ದೆ. ಆದರೆ ಆರ್ಸಿಬಿ ಮತ್ತು ಸಿಎಸ್ಕೆ ಕೊನೆಯ ಹಂತದವರೆಗೆ ಹೋರಾಟ ನೆಡೆಸಿ ಕ್ರಿಕೆಟ್ ಪ್ರೇಮಿಗಳನ್ನು ರಂಜಿಸಿದ್ದು ಮರೆಯಲಾಗದ ಗಳಿಗೆಯಾಗಿದೆ. ಸಿಎಸ್ಕೆ ಮತ್ತು ಆರ್ಸಿಬಿ ಫ್ಯಾನ್ಸ್ ಇಬ್ಬರೂ ಒಂದೇ ಎನ್ನುವ ಭಾವದಲ್ಲಿ ಪಂದ್ಯಗಳನ್ನು ತೆಗೆದುಕೊಳ್ಳಬೇಕು. ಹೊಡೆದಾಟ ಬಡಿದಾಟ ಮಾಡಿಕೊಳ್ಳಬಾರದು. ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಕಾಮೆಂಟ್ ಹಾಕುವಾಗ ಸೂಕ್ಷ್ಮ ಸಂವೇದನೆಯನ್ನು ಬೆಳೆಸಿಕೊಳ್ಳಬೇಕು. ಪಾಕಿಸ್ತಾನ್ - ಇಂಡಿಯಾ ಪಂದ್ಯಗಳ ವೇಳೆ ಉಭಯ ದೇಶದ ಫ್ಯಾನ್ಸ್ ಕಿತ್ತಾಡುತ್ತಾರೆ. ಅದೇ ಮಾದರಿಯಲ್ಲಿ ಸಿಎಸ್ಕೆ ಮತ್ತು ಆರ್ಸಿಬಿ ತಂಡಗಳ ಸದಸ್ಯರು ಅಭಿಮಾನಿಗಳು ಆಗಬಾರದು ಎಂದು ಹೇಳಿದರು.
ಧೋನಿ ಇನ್ನೊಂದು ಐಪಿಎಲ್ ಸೀಸನ್ ಆಡಬೇಕು ಎನ್ನುವುದು ನಮ್ಮ ಆಶಯವಾಗಿದೆ. ಅವರು ತಮ್ಮ ಕರ್ತವ್ಯವನ್ನು ಇಲ್ಲಿಯವರೆಗೆ ಚೆನ್ನಾಗಿ ನಿಭಾಯಿಸಿದ್ದಾರೆ. ವಿರಾಟ್ ಕೊಹ್ಲಿ ನಿನ್ನೆಯ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿ ಆರ್ಸಿಬಿ ಗೆಲುವಿಗೆ ಕಾರಣರಾದರು ಎಂದು ಯಶವಂತಪುರದಲ್ಲಿರುವ ಡಿಪ್ಲೋಮ ವಿದ್ಯಾರ್ಥಿ ನೀರೇಶ್ ಅಭಿಪ್ರಾಯಪಟ್ಟರು.
ಇದನ್ನೂ ಓದಿ: ಯಶ್ ದಯಾಳ್ ಎಂಬ ಆರ್ಸಿಬಿ ಪಾಲಿನ ಹೀರೋ: ಟೀಂ ಗೆಲ್ಲಿಸಿ ಟೀಕಾಕಾರರಿಗೆ ಬೌಲರ್ ತಿರುಗೇಟು - Yash Dayal
