ಮೊಹಾಲಿ : 17ನೇ ಆವೃತ್ತಿ ಐಪಿಎಲ್ನ ಮೊದಲ ಡಬಲ್ ಡೆಕರ್ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಗೆ ಡೆಲ್ಲಿ ಕ್ಯಾಪಿಟಲ್ಸ್ 175 ರನ್ಗಳ ಟಾರ್ಗೆಟ್ ನೀಡಿದೆ. ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 174 ರನ್ಗಳನ್ನು ಗಳಿಸಲಷ್ಟೇ ಡೆಲ್ಲಿ ಶಕ್ತವಾಯಿತು. ಕೊನೆಯ ಓವರ್ನಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿದ ಅಭಿಷೇಕ್ ಪೊರೆಲ್ ನಾಲ್ಕು ಬೌಂಡರಿ ಮತ್ತು ಎರಡು ಸಿಕ್ಸರ್ ನೆರವಿನಿಂದ 10 ಬಾಲ್ಗಳಲ್ಲಿ 32 ರನ್ ಗಳಿಸಿದರು.
ಪಂಜಾಬ್ ಪರ ಅದ್ಭುತವಾಗಿ ಬೌಲಿಂಗ್ ಮಾಡಿದ ಹರ್ಷಲ್ ಪಟೇಲ್, ಅರ್ಷದೀಪ್ ಸಿಂಗ್ ತಲಾ 2 ವಿಕೆಟ್ ಪಡೆದರೆ, ಕಗಿಸೋ ರಬಾಡ, ರಾಹುಲ್ ಚಹರ್ ಮತ್ತು ಹರ್‌ಪ್ರೀತ್ ಬ್ರಾರ್ ತಲಾ ಒಂದು ವಿಕೆಟ್ ಕಬಳಿಸಿದರು. ಚಂಡೀಗಢ್ನ ಮುಲ್ಲನ್ಪುರದ ಮಹಾರಾಜ ಯಾದವೀಂದ್ರ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ ನಲ್ಲಿ ಈ ಪಂದ್ಯ ನಡೆಯುತ್ತಿದೆ.
ಟಾಸ್ ಸೋತು ಬ್ಯಾಟಿಂಗ್ ಗಿಳಿದ ಡೆಲ್ಲಿ ಕ್ಯಾಪಿಟಲ್ಸ್ ಪರ ಡೇವಿಡ್ ವಾರ್ನರ್ ಮತ್ತು ಮಿಚೆಲ್ ಮಾರ್ಷ್ ಇನ್ನಿಂಗ್ಸ್ ಆರಂಭಿಸಿದರು. ಮೊದಲ ಹಂತದಲ್ಲೇ ಉತ್ತಮ ರನ್ ಕಲೆ ಹಾಕಿದ ಈ ಜೋಡಿ ಬೌಂಡರಿ, ಸಿಕ್ಸರ್ ಹೊಡೆದು ಮಿಂಚಿತು. ಆದರೇ ವೇಗವಾಗಿ ರನ್ ಗಳಿಸುತ್ತಿದ್ದ ಮಿಚೆಲ್ ಮಾರ್ಷ್ (20) ಅರ್ಷದೀಪ್ ಸಿಂಗ್ ಬೌಲಿಂಗ್ನಲ್ಲಿ ಏರಿಯಲ್ ಶಾಟ್ ಆಡಲು ಹೋಗಿ ರಾಹುಲ್ ಚಹರ್ಗೆ ಕ್ಯಾಚ್ ನೀಡಿ ವಿಕೆಟ್ ಕಳೆದುಕೊಂಡರು. ಇತ್ತ ವಾರ್ನರ್, ಶಾಯ್ ಹೋಪ್ ಜೊತೆಗೂಡಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ತೋರಿದರು.
ಈ ವೇಳೆ, ದಾಳಿಗಿಳಿದ ಹರ್ಷಲ್ ಪಟೇಲ್ ಬೌನ್ಸರ್ ಬಾಲ್ ಹಾಕಿ ವಾರ್ನರ್ (29) ನನ್ನು ಔಟ್ ಮಾಡಿದರು. 16 ತಿಂಗಳ ನಂತರ ಕ್ರಿಕೆಟ್ಗೆ ಮರಳಿದ ಸ್ಟಾರ್ ಬ್ಯಾಟರ್ ಮತ್ತು ವಿಕೆಟ್ ಕೀಪರ್ ರಿಷಬ್ ಪಂತ್ ಕ್ರೀಸ್ ಆಗಮಿಸಿದರು. ಈ ಹಂತದಲ್ಲಿ ನಿಧನಗತಿಯಲ್ಲಿ ಬ್ಯಾಟ್ ಬೀಸಿದ ಶಾಯ್ ಹೋಪ್ ಮತ್ತು ಪಂತ್ ಬೃಹತ್ ರನ್ ಗಳಿಸುವ ಸೂಚನೆ ನೀಡಿದರು. ಆರ್ಕಷಕ ಎರಡು ಸಿಕ್ಸರ್, ಎರಡು ಬೌಂಡರಿ ಬಾರಿಸಿದ ಹೋಪ್ (33) ಕಗಿಸೋ ರಬಾಡ ಓವರ್ನಲ್ಲಿ ವಿಕೆಟ್ ನೀಡಿ ಪೆವಿಲಿಯನ್ನತ್ತ ಹೆಜ್ಜೆ ಹಾಕಿದರು.
ಬಳಿಕ ಬಂದ ರಿಕಿ ಭುಯಿ (8) ಕೂಡ ಹರ್‌ಪ್ರೀತ್ ಬ್ರಾರ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸುವ ಮೂಲಕ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲುವ ಧೈರ್ಯ ತೋರಲಿಲ್ಲ. ಇನ್ನೊಂದೆಡೆ ಪಂತ್ (18) ಕೂಡ ಎರಡು ಬೌಂಡರಿಗಳಿಸಿ ಹರ್ಷಲ್ಗೆ ವಿಕೆಟ್ ನೀಡಿದರು. ಉಳಿದಂತೆ ಯಾವುದೇ ಆಟಗಾರ ಪಂಜಾಬ್ ಬೌಲಿಂಗ್ನಲ್ಲಿ ದಿಟ್ಟವಾಗಿ ಎದುರಿಸುವಲ್ಲಿ ವಿಫಲರಾದರು. ಟ್ರಿಸ್ಟಾನ್ ಸ್ಟಬ್ಸ್ (8) ವಿಕೆಟ್ ಅನ್ನು ರಾಹುಲ್ ಚಹರ್ ಪಡೆದರು. ಕೊನೆಯಲ್ಲಿ ಏಕಾಂಗಿ ಹೋರಾಟ ನಡೆಸುತ್ತಿದ್ದ ಆಕ್ಷರ್ ಪಟೇಲ್ (21) ಔಟ್ಗೆ ಬಲಿಯಾಗಬೇಕಾಯಿತು. ಸುಮಿತ್ ಕುಮಾರ್ (2) ವಿಕೆಟ್ ಅನ್ನು ಅರ್ಷದೀಪ್ ಸಿಂಗ್ ಉರಳಿಸಿದರು. ಅಂತಿಮವಾಗಿ ಡೆಲ್ಲಿಗಾಗಿ ಅಭಿಷೇಕ್ ಪೊರೆಲ್ (32) ನಾಟ್ಔಟ್ ಆಗಿ ಉಳಿದರೆ, ಕುಲದೀಪ್ ಯಾದವ್ (1) ರನ್ ಔಟ್ ಆಗಿ ವಿಕೆಟ್ ಕಳೆದುಕೊಂಡರು.
ತಂಡಗಳು : ಡೆಲ್ಲಿ ಕ್ಯಾಪಿಟಲ್ಸ್ : ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಶಾಯ್ ಹೋಪ್, ರಿಷಬ್ ಪಂತ್(ನಾಯಕ ಮತ್ತು ವಿಕೀ), ರಿಕಿ ಭುಯಿ, ಟ್ರಿಸ್ಟಾನ್ ಸ್ಟಬ್ಸ್, ಅಕ್ಸರ್ ಪಟೇಲ್, ಸುಮಿತ್ ಕುಮಾರ್, ಕುಲದೀಪ್ ಯಾದವ್, ಖಲೀಲ್ ಅಹ್ಮದ್, ಇಶಾಂತ್ ಶರ್ಮಾ
ಪಂಜಾಬ್ ಕಿಂಗ್ಸ್ : ಶಿಖರ್ ಧವನ್ (ನಾಯಕ), ಜಾನಿ ಬೈರ್‌ಸ್ಟೋ, ಸ್ಯಾಮ್ ಕರ್ರಾನ್, ಲಿಯಾಮ್ ಲಿವಿಂಗ್‌ಸ್ಟೋನ್, ಜಿತೇಶ್ ಶರ್ಮಾ (ವಿಕೀ) ಹರ್‌ಪ್ರೀತ್ ಬ್ರಾರ್, ಹರ್ಷಲ್ ಪಟೇಲ್, ಕಗಿಸೊ ರಬಾಡ, ರಾಹುಲ್ ಚಾಹರ್, ಅರ್ಷ್‌ದೀಪ್ ಸಿಂಗ್, ಶಶಾಂಕ್ ಸಿಂಗ್
ಇದನ್ನೂ ಓದಿ : ಐಪಿಎಲ್ 2024: ಆರಂಭಿಕ ಪಂದ್ಯದಲ್ಲೇ ಎಡವಿದ ಆರ್ಸಿಬಿ; ಸಿಎಸ್ಕೆಗೆ 6 ವಿಕೆಟ್ಗಳ ಜಯ - CSK beat RCB
