ಜೈಪುರ (ರಾಜಸ್ಥಾನ): ಇಂಡಿಯನ್ ಪ್ರೀಮಿಯರ್ ಲೀಗ್ 17ನೇ ಆವೃತ್ತಿಯ ನಾಲ್ಕನೇ ಪಂದ್ಯ ಇಂದು ಲಕ್ನೋ ಸೂಪರ್ ಜೈಂಟ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ನಡೆಯಿತು. ಸವಾಯಿ ಮಾನ್ಸಿಂಗ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಲಕ್ನೋ ವಿರುದ್ಧ ರಾಜಸ್ಥಾನ ಭರ್ಜರಿ ಜಯ ಸಾಧಿಸಿದೆ.
ಐಪಿಎಲ್ನ 17ನೇ ಸೀಸನ್ನ ಭಾಗವಾಗಿ ಇಂದು ರಾಜಸ್ಥಾನ ರಾಯಲ್ಸ್ ಮತ್ತು ಲಕ್ನೋ ಸೂಪರ್ಜೈಂಟ್ಸ್ ತಂಡಗಳು ಪೈಪೋಟಿ ನಡೆಸಿದ್ದವು. ಜೈಪುರದಲ್ಲಿ ನಡೆದ ಈ ಪಂದ್ಯದಲ್ಲಿ ರಾಜಸ್ಥಾನ ತಂಡ ಲಕ್ನೋ ವಿರುದ್ಧ 20 ರನ್ಗಳ ಜಯ ಸಾಧಿಸಿತು. ನಿಕೋಲಸ್ ಪೂರನ್ (64*) ಮತ್ತು ಕೆಎಲ್ ರಾಹುಲ್ (58) ಹೊರತುಪಡಿಸಿ ಲಕ್ನೋ ಬ್ಯಾಟ್ಸ್ಮನ್ಗಳು ಯಾರೂ ಉತ್ತಮ ಪ್ರದರ್ಶನ ನೀಡಲಿಲ್ಲ. ಅರ್ಧಶತಕ ಗಳಿಸಿದರೂ ತಂಡಕ್ಕೆ ಗೆಲುವು ತಂದುಕೊಡಲು ಸಾಧ್ಯವಾಗಲಿಲ್ಲ. ಆದರೆ, ರಾಜಸ್ಥಾನ ನೀಡಿದ 194 ರನ್ಗಳ ಗುರಿಯನ್ನು ಲಕ್ನೋ ಸಾಧಿಸಲು ಸಾಧ್ಯವಾಗಲಿಲ್ಲ ಮತ್ತು 20 ಓವರ್ಗಳಲ್ಲಿ 173 ರನ್ ಗಳಿಸಿ 20 ರನ್ಗಳಿಂದ ಪಂದ್ಯವನ್ನು ಕಳೆದುಕೊಂಡಿತು.
ಈ ಪಂದ್ಯದಲ್ಲಿ ರಾಜಸ್ಥಾನದ ಬ್ಯಾಟರ್ಗಳು ಮತ್ತು ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡಿದರು. ಮೊದಲು ಬ್ಯಾಟಿಂಗ್ ಮಾಡಿದ ಸ್ಯಾಮ್ಸನ್ 82 ರನ್ಗಳ ಅಜೇಯ ಇನ್ನಿಂಗ್ಸ್ ಆಡಿದರು. ಇದರೊಂದಿಗೆ ರಿಯಾನ್ ಪರಾಗ್ 43 ರನ್ ಗಳಿಸಿದರು. ರಾಜಸ್ಥಾನ ಪರ ಟ್ರೆಂಟ್ ಬೌಲ್ಟ್ 2 ಪ್ರಮುಖ ವಿಕೆಟ್ ಪಡೆದರು. ಇದಲ್ಲದೇ ನಾಂದ್ರೆ ಬರ್ಗರ್ ಒಂದು ವಿಕೆಟ್, ಅಶ್ವಿನ್-1, ಚಹಾಲ್-1 ಮತ್ತು ಸಂದೀಪ್ ಶರ್ಮಾ ಒಂದು ವಿಕೆಟ್ ಪಡೆದರು.
ಓದಿ: ಐಪಿಎಲ್ 2024: ಸಂಜು ಸ್ಯಾಮ್ಸನ್ ಅಬ್ಬರ; ಲಕ್ನೋಗೆ ಬೃಹತ್ ಟಾರ್ಗೆಟ್ - LSG VS RR