ವಿವಾದಾತ್ಮಕ ಸಾರಜನಕ ಅನಿಲ ವಿಧಾನ ಬಳಸಿ 2ನೇ ಮರಣದಂಡನೆಗೆ ಯತ್ನ: ಏನಿದು ನೈಟ್ರೋಜನ್​ ಹೈಪೋಕ್ಸಿಯಾ?

author img

By PTI

Published : Feb 22, 2024, 8:24 AM IST

US-DEATH PENALTY-NITROGEN

ನೈಟ್ರೋಜನ್ ಹೈಪೋಕ್ಸಿಯಾ ಚುಚ್ಚುಮದ್ದು ನೀಡುವುದರಿಂದ ಮೆದುಳು ಮತ್ತು ದೇಹದಲ್ಲಿನ ಆಮ್ಲಜನಕ ಕಡಿಮೆಯಾಗುವ ಮೂಲಕ ಕೈದಿ ಉಸಿರುಗಟ್ಟಿ ಸಾಯುತ್ತಾನೆ. ಹೀಗಾಗಿ ಈ ವಿಧಾನ ಬಳಸಿ ಅಮೆರಿಕದಲ್ಲಿ ಮೊದಲ ಮರಣ ದಂಡನೆ ನೀಡಲಾಗಿದೆ. ಆದರೆ ಇದಕ್ಕೂ ಈಗ ವಿರೋಧ ವ್ಯಕ್ತವಾಗಿದೆ.

ಮಾಂಟ್ಗೊಮೆರಿ (ಅಮೆರಿಕ): ಅಲಬಾಮಾದಲ್ಲಿ ಎರಡನೇ ಕೈದಿಯನ್ನು ಸಾರಜನಕ ಅನಿಲವನ್ನು ಬಳಸಿ ಮರಣದಂಡನೆ ನೀಡುವ ಪ್ರಯತ್ನಗಳು ನಡೆದಿವೆ ಎಂದು ವರದಿಯಾಗಿದೆ. ಅಲಬಾಮಾದಲ್ಲಿ ನೈಟ್ರೋಜನ್ ಬಳಕೆ ಮಾಡಿ ಮೊದಲ ವಿವಾದಾತ್ಮಕ ಮರಣ ದಂಡನೆ ನೀಡಲಾಗಿತ್ತು. ಆ ನಂತರ ಮತ್ತೊಂದು ಮರಣ ದಂಡನೆ ಪ್ರಕರಣದಲ್ಲೂ ನೈಟ್ರೋಜನ್​ ಬಳಕೆ ಮಾಡುವ ಪ್ರಯತ್ನ ನಡೆದಿದೆ.

ಅಲಬಾಮಾ ಅಟಾರ್ನಿ ಜನರಲ್ ಸ್ಟೀವ್ ಮಾರ್ಷಲ್ ಅವರ ಕಚೇರಿಯು ಅಲನ್ ಯುಜೀನ್ ಮಿಲ್ಲರ್‌ಗೆ ಮರಣದಂಡನೆ ದಿನಾಂಕವನ್ನು ನಿಗದಿಪಡಿಸುವಂತೆ ಅಲಬಾಮಾ ಸುಪ್ರೀಂ ಕೋರ್ಟ್‌ಗೆ ಬುಧವಾರ ಕೇಳಿಕೊಂಡಿದೆ. ಅಪರಾಧಿ ಮಿಲ್ಲರ್‌ಗೆ ನೈಟ್ರೋಜನ್​ ಹೈಪೋಕ್ಸಿಯಾ ಬಳಕೆ ಮಾಡಿಕೊಂಡು ಮರಣದಂಡನೆ ವಿಧಿಸಲಾಗುವುದು ಎಂದು ಅಲಬಾಮಾ ಆಡಳಿತ ಹೇಳಿದೆ. ಅಪರಾಧಿ ಮಿಲ್ಲರ್​​​​(59) 1999ರಲ್ಲಿ ಬರ್ಮಿಂಗ್ಹ್ಯಾಮ್‌ ನಗರದಲ್ಲಿ ತಾನು ಕೆಲಸ ಮಾಡುತ್ತಿದ್ದ ಸ್ಥಳದಲ್ಲಿ ಗುಂಡಿನ ದಾಳಿ ನಡೆಸಿ ಮೂವರನ್ನು ಹತ್ಯೆ ಮಾಡಿದ್ದ. ಈ ಪ್ರಕರಣಕ್ಕೆ ಸಂಬಂಧಿದಂತೆ ವಿಚಾರಣೆ ನಡೆಸಿದ ಕೋರ್ಟ್​ ಅವರಿಗೆ ಮರಣ ದಂಡನೆ ಶಿಕ್ಷೆ ವಿಧಿಸಿದೆ.

ಆದರೆ, ಅಲಬಾಮಾ ಆಡಳಿತದ ನಿರ್ಧಾರವನ್ನು ಡಿಫೆನ್ಸ್​​ ವಕೀಲರು ವಿರೋಧಿಸಿದ್ದಾರೆ. ಮೊದಲ ಮರಣದಂಡನೆ ವೇಳೆ, ಅಪರಾಧಿ ಕೆನ್ನೆತ್​ ಸ್ಮಿತ್​​​​​​​​​​ ನೈಟ್ರೋಜನ್​ ಹೈಪೋಕ್ಸಿಯಾ ಬಳಸಿದಾಗ ಕೆಲ ನಿಮಿಷಗಳ ಕಾಲ ಒದ್ದಾಡಿ ಪ್ರಾಣಬಿಟ್ಟರು. ಇದು ಅಮಾನವೀಯವಾಗಿತ್ತು ಎಂದು ವಾದ ಮುಂದಿಟ್ಟಿದ್ದಾರೆ. ಆದರೆ ಮಾರ್ಷಾಲ್​ ನೈಟ್ರೋಜನ್​ ಹೈಪೋಕ್ಸಿಯಾ ನೀಡಿ ಮರಣದಂಡನೆ ನೀಡುವುದನ್ನು ಸಮರ್ಥಿಸಿಕೊಂಡಿದ್ದಾರೆ. ಎಲ್ಲ ಬಗೆಯ ಪರೀಕ್ಷೆಗಳು, ಪ್ರಯೋಗಗಳ ನಂತರವೇ ಮರಣದಂಡನೆಗೆ ನೈಟ್ರೋಜನ್​ ಬಳಕೆ ಮಾಡಲಾಗುತ್ತಿದೆ ಎಂದಿದ್ದಾರೆ.

ಆದರೆ ನೈಟ್ರೋಜನ್​ ಬಳಕೆಯನ್ನು ನಿರ್ಬಂಧಿಸುವಂತೆ ಮತ್ತೊಬ್ಬ ಮರಣದಂಡನೆ ಶಿಕ್ಷೆಗೆ ಒಳಗಾದ ಕೈದಿ ಕೋರ್ಟ್​ ಮೆಟ್ಟಿಲೇರಿದ್ದಾನೆ. ಸ್ಮಿತ್​ ಮರಣದಂಡನೆಯೊಂದು ಮಾನವ ಪ್ರಯೋಗವಾಗಿದೆ. ಈ ಮರಣ ದಂಡನೆ ವೇಳೆ ಅಪರಾಧಿ ಕೆನ್ನೆತ್​ ಸ್ಮಿತ್​ ತ್ವರಿತವಾಗಿ ಉಸಿರುಕಟ್ಟಿಲ್ಲ ಹಾಗೂ ಇದು ನೋವು ರಹಿತವಾಗಿಲ್ಲ ಎಂದು ಸಾಬೀತಾಗಿದೆ ಎಂದು ಕೋರ್ಟ್​ನಲ್ಲಿ ವಾದ ಮಾಡಲಾಗಿದೆ.

ಇನ್ನು ಈ ಮೊದಲು ಮಿಲ್ಲರ್​ನನ್ನು ಸೆಪ್ಟೆಂಬರ್​ 2022 ರಂದು ಮಾರಕ ಚುಚ್ಚುಮದ್ದಿನ ಮೂಲಕ ಗಲ್ಲಿಗೇರಿಸಲು ಅಲಬಾಮಾ ಆಡಳಿತ ಪ್ರಯತ್ನ ಮಾಡಿತ್ತು. ಆದರೆ ಕೈದಿಯ ರಕ್ತನಾಳದ ಇಂಟ್ರಾವೆನಸ್​ ಲೈನ್​​ ಸಂಪರ್ಕಿಸಲು ಸಾಧ್ಯವಾಗದಿದ್ದರಿಂದ ಮರಣದಂಡನೆಯನ್ನು ರದ್ದುಗೊಳಿಸಲಾಗಿತ್ತು. ಈ ಬಗ್ಗೆ ತಮ್ಮ ಅನುಭವ ಹಂಚಿಕೊಂಡಿರುವ ಕೈದಿ ಮಿಲ್ಲರ್​, 2022 ರ ಮಾರಣಾಂತಿಕ ಚುಚ್ಚುಮದ್ದಿನ ಯತ್ನದ ಸಮಯದಲ್ಲಿ ಸೆರೆಮನೆಯ ಸಿಬ್ಬಂದಿ ಒಂದು ಗಂಟೆಗೂ ಹೆಚ್ಚು ಕಾಲ ನನಗೆ ಸೂಜಿ ಚುಚ್ಚಿದ್ದರು, ರಕ್ತನಾಳವನ್ನು ಹುಡುಕಲು ಪ್ರಯತ್ನಿಸಿದರು. ಆದರೆ, ಅಗತ್ಯ ರಕ್ತನಾಳ ಸಿಕ್ಕಿರಲಿಲ್ಲ. ಈ ಸಂದರ್ಭದಲ್ಲಿ ತಾವು ಸಾಕಷ್ಟು ನೋವು ಅನುಭವಿಸಿದ್ದಾಗಿ ಕೋರ್ಟ್​ ಗಮನಕ್ಕೆ ತಂದಿದ್ದಾರೆ.

ಈ ಹಿನ್ನೆಲೆಯಲ್ಲಿ ಮಾರಣಾಂತಿಕ ಚುಚ್ಚುಮದ್ದು ನೀಡುವುದಕ್ಕೆ ಪರ್ಯಾಯ ವಿಧಾನವನ್ನು ಅಲ್ಲಿನ ರಾಜ್ಯ ಶಾಸಕಾಂಗವು ಅನುಮೋದಿಸಿತ್ತು. ಆ ನಂತರ ಅಲಬಾಮಾ ಆಡಳಿತವು ಆಗಸ್ಟ್​ನಲ್ಲಿ ನೈಟ್ರೋಜನ್ ಹೈಪೋಕ್ಸಿಯಾ ವಿಧಾನಕ್ಕಾಗಿ ಮೊದಲ ಬಾರಿಗೆ ಮರಣದಂಡನೆ ಪ್ರೋಟೋಕಾಲ್​ಗಳನ್ನು ಅಂತಿಮಗೊಳಿಸಿತ್ತು. ಅದರಂತೆ ಕೆನ್ನೆತ್​ ಸ್ಮಿತ್​ಗೆ ಈ ವಿಧಾನದ ಮೂಲಕ ಮೊದಲ ಮರಣದಂಡನೆ ವಿಧಿಸಲಾಗಿತ್ತು.

ಇದನ್ನು ಓದಿ: ಇದೇ ಮೊದಲು! ಕೊಲೆ ಅಪರಾಧಿಗೆ ನೈಟ್ರೋಜನ್ ಹೈಪೋಕ್ಸಿಯಾ ಮೂಲಕ ಮರಣದಂಡನೆ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.