ನವದೆಹಲಿ: ಹಿಂದಿ ಚಿತ್ರ ನಟ ರಿತುರಾಜ್ ಸಿಂಗ್ ಹೃದಯ ಸ್ತಂಭನದಿಂದ ಸಾವನ್ನಪ್ಪಿದ್ದು, ಅವರು ಮೇದೋಜ್ಜೀರಕ ಗ್ರಂಥಿಯ ಕಾಯಿಲೆಯಿಂದ ಬಳಲುತ್ತಿದ್ದರು. ಇದರಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಅವರು ಆಸ್ಪತ್ರೆಯಿಂದ ಬಿಡುಗಡೆಯಾದ ಕೆಲವೇ ದಿನದಲ್ಲಿ ಹೃದಯ ಸ್ತಂಭನಕ್ಕೆ ಒಳಗಾಗಿ ಸಾವನ್ನಪ್ಪಿದ್ದಾರೆ
ಈ ಮೇದೋಜ್ಜೀರಕ ಗ್ರಂಥಿಯ ಸಮಸ್ಯೆ ಹೃದಯಕ್ಕೆ ಹಾನಿ ತರಬಹುದೇ ಎಂಬ ಕುರಿತು ಅನೇಕ ತಜ್ಞರು ತಿಳಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಶಾಲಿಮಾರ್ ಬಾಗ್ನ ಮ್ಯಾಕ್ಸ್ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ಹಿರಿಯ ತಜ್ಞರಾದ ಡಾ ಪಿಯುಷ್ ಗುಪ್ತಾ, ಮೇದೋಜ್ಜೀರಕ ಗ್ರಂಥಿಯ ಕಾಯಿಲೆ ಮೇದೋಜ್ಜೀರಕದ ಉರಿಯೂತ ಹೊಂದಿರಬಹುದು. ಇದನ್ನು ಕ್ಯಾನ್ಸರ್ ಎಂದು ಉಲ್ಲೇಖಿಸಲಾಗುತ್ತದೆ. ಸದ್ಯ ಮೇದೋಜ್ಜೀರಕ ಗ್ರಂಥಿಯ ಸಮಸ್ಯೆಗಳಿಂದ ಬಳಲುತ್ತಿರುವ ಅನೇಕ ಹೈ ಪ್ರೊಫೈಲ್ ಪ್ರಕರಣಗಳನ್ನು ನಾವು ನೋಡುತ್ತಿದ್ದು, ಇದು ಅನೇಕ ಬಾರಿ ಸಾವಿಗೆ ಕಾರಣವಾಗುತ್ತಿದೆ ಎಂದಿದ್ದಾರೆ.
ಮೇದೋಜ್ಜೀರಕ ಗ್ರಂಥಿಯ ಮೇಲೆ ಉರಿಯೂತವು ಊತ ಮತ್ತು ರೆಡ್ನೆಸ್ ಅನ್ನು ಇದು ಹೊಂದಿದೆ. ಜೀರ್ಣಕಾರಿ ರಸಗಳು ಅಥವಾ ಕಿಣ್ವಗಳು ಮೇದೋಜ್ಜೀರಕ ಗ್ರಂಥಿಯ ಮೇಲೆ ದಾಳಿ ಮಾಡಿದಾಗ ಈ ರೀತಿ ಉಂಟಾಗುತ್ತದೆ. ಈ ಮೇದೋಜ್ಜೀರಕ ಗ್ರಂಥಿಯು ಹೊಟ್ಟೆಯ ಹಿಂದೆ ಎಡಭಾಗದಲ್ಲಿ, ಸಣ್ಣ ಕರುಳಿನ ಹತ್ತಿರದಲ್ಲಿರುತ್ತದೆ. ಮೇದೋಜ್ಜೀರಕ ಗ್ರಂಥಿಯ ಕಾಯಿಲೆಯ ತೀವ್ರತೆ ಹೃದಯದ ಸ್ನಾಯುವಿನೊಂದಿಗೆ ಸಂಬಂಧ ಹೊಂದಿರಬಹುದು.
ಈ ಕಾಯಿಲೆಯು ಎಲೆಕ್ಟ್ರೋಲೈಟ್ಸ್ಗಳ ಬದಲಾವಣೆಗೂ ಕಾರಣವಾಗಬಹುದು. ಕಾರಣ ಇದು ಭಾರಿ ಒತ್ತಡವನ್ನು ಉಂಟು ಮಾಡುತ್ತದೆ. ಈ ಸಮಸ್ಯೆ ಹೊಂದಿರುವ ವ್ಯಕ್ತಿ ಹೃದಯದ ಸಮಸ್ಯೆ ಹೊಂದಿದ್ದರೆ, ಅವರಿಗೆ ಹೆಚ್ಚು ತೊಂದರೆ ಆಗಬಹುದು. ತೀವ್ರತರಹದ ಮೇದೋಜ್ಜೀರಕ ಕಾಯಿಲೆ ಹೊಂದಿರುವ ವ್ಯಕ್ತಿಯಲ್ಲಿ ಹೃದಯ ವೈಫಲ್ಯ ಮತ್ತು ಕಿಡ್ನಿ ವೈಫಲ್ಯ ಉಂಟಾಗಬಹುದು ಎಂದು ಶ್ರೀ ಗಂಗಾರಾಮ್ ಆಸ್ಪತ್ರೆಯ ಹಿರಿಯ ಹೃದಯ ತಜ್ಞ ಡಾ ಆಶ್ವಿನಿ ಮೆಹ್ತಾ ತಿಳಿಸಿದ್ದಾರೆ.
ಆಲ್ಕೋಹಾಲ್, ಧೂಮಪಾನ, ಸ್ಥೂಲಕಾಯತೆ, ಪಿತ್ತಗಲ್ಲು, ಸಿದ್ಧ ಔಷಧಗಳು ಮೇದೋಜ್ಜೀರಕ ಗ್ರಂಥಿಯ ಕಾಯಿಲೆಗೆ ಕಾರಣವಾಗಬಹುದು . ಈ ರೀತಿಯ ಅಪಾಯದ ಅಂಶಗಳು ಸಮಾಜದಲ್ಲಿ ಹೆಚ್ಚುತ್ತಿದೆ ಎಂದು ವೈದ್ಯರು ಹೇಳಿದ್ದಾರೆ. ಸ್ಥೂಲಕಾಯತೆ, ಧೂಮಪಾನ ಮತ್ತು ಆಲ್ಕೋಹಾಲ್ಗಳು ಹೃದಯದೊಂದಿಗೆ ಸಂಬಂಧ ಹೊಂದಿವೆ. ಈ ಹಿನ್ನೆಲೆಯಲ್ಲಿ ಇದು ಮೇದೋಜ್ಜೀರಕ ಗ್ರಂಥಿ ಮತ್ತು ಹೃದಯ ಕಾಯಿಲೆಗಳ ನಡುವೆ ಪರೋಕ್ಷ ಸಂಬಂಧ ಹೊಂದಿದೆ.
ಪಿತ್ತಕೋಶದ ಕಲ್ಲುಗಳನ್ನು ಆರಂಭದ ಹಂತದಲ್ಲೇ ಪತ್ತೆ ಮಾಡುವುದು. ಆಲ್ಕೋಹಾಲ್ ತ್ಯಜಿಸುವುದು ಈ ಪರಿಸ್ಥಿತಿ ನಿಭಾಯಿಸಲು ಸಹಾಯ ಮಾಡುತ್ತದೆ ಎಂದು ಡಾ ಅಶ್ವಿನಿ ತಿಳಿಸಿದ್ದಾರೆ.
ರೋಗದ ತಡೆ ಸೇರಿದಂತೆ ಆರೋಗ್ಯಯುತ ಜೀವನಶೈಲಿ ದೇಹದ ತೂಕದ ದರ ನಿರ್ವಹಣೆ, ಆಲ್ಕೋಹಾಲ್ ಮತ್ತು ಧೂಮಪಾನದಿಂದ ದೂರವಿರುವುದು. ಅನಗತ್ಯ ಔಷಧ ಮತ್ತು ವಿಷಕಾರಿ ಚುಚ್ಚುಮದ್ದುಗಳಿಂದ ದೂರು ಇರುವುದು ಅಗತ್ಯವಾಗಿದೆ ಎಂದಿದ್ದಾರೆ.
ಇದನ್ನೂ ಓದಿ: ಹೃದಯ ಸ್ತಂಭನದಿಂದ 'ಅನುಪಮಾ' ಖ್ಯಾತಿಯ ರಿತುರಾಜ್ ಸಿಂಗ್ ನಿಧನ
