ಹೈದರಾಬಾದ್: ಸಾಮಾನ್ಯವಾಗಿ ಬೇಸಿಗೆ ಸಮಯದಲ್ಲಿ ನಿರ್ಜಲೀಕರಣಕ್ಕೆ ಒಳಗಾಗಬಾರದು ಎಂದು ಯಥೇಚ್ಛವಾಗಿ ನೀರು ಸೇವನೆಗೆ ಮುಂದಾಗುತ್ತೇವೆ. ಅಥವಾ ಬಾಯಾರಿದಾಕ್ಷಣ ಅದನ್ನು ನೀಗಿಸಲು ಹೆಚ್ಚು ನೀರು ಸೇವಿಸುತ್ತೇವೆ. ಆದರೆ, ಈ ಎರಡು ಸ್ಥಿತಿಗಳು ಕೂಡ ಅಪಾಯಕಾರಿ. ಇದು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ ಎಂದು ಲಕ್ನೋನ ಸಿಎಂಎಸ್ ಆಫ್ ಸಿವಿಲ್ ಆಸ್ಪತ್ರೆಯ ಡಾ ರಾಜೇಶ್ ಕುಮಾರ್ ಶ್ರೀವಾತ್ಸವ್ ತಿಳಿಸಿದ್ದಾರೆ.
ಬೇಸಿಗೆಯಲ್ಲಿ ದೇಹದ ಗ್ಲುಕೋಸ್ ಮಟ್ಟ ಕಡಿಮೆಯಾಗುತ್ತದೆ. ಇದರಿಂದ ಆಸ್ಪತ್ರೆಗೆ ದಾಖಲಾಗುವ ರೋಗಿಗಳ ಸಂಖ್ಯೆ ಕೂಡ ಹೆಚ್ಚುತ್ತಿದೆ. ಸಾಮಾನ್ಯವಾಗಿ ಆರೋಗ್ಯಯುತ ವಯಸ್ಕ ವ್ಯಕ್ತಿ ದಿನಕ್ಕೆ 3 ರಿಂದ 4 ಲೀ. ನೀರನ್ನು ಸೇವಿಸಬೇಕು.
ನೀರು ಸೇವಿಸುವಾಗ ಈ ಬಗ್ಗೆ ಗಮನವಹಿಸಿ
- ದಿನದಲ್ಲಿ ಅಂದರೆ 24 ಗಂಟೆ ಅವಧಿಯಲ್ಲಿ ಆರೋಗ್ಯಯುತ ವ್ಯಕ್ತಿ 3 ರಿಂದ 4 ಲೀಟರ್ ನೀರು ಸೇವನೆ ಮಾಡಿದರೆ ಸಾಕು. ಇದಕ್ಕಿಂತ ಹೆಚ್ಚಿನ ನೀರಿನ ಸೇವೆ ಆರೋಗ್ಯಕ್ಕೆ ಒಳಿತಲ್ಲ.
- ದೇಹದಲ್ಲಿ ಗ್ಲುಕೋಸ್ ನಷ್ಟ ಉಂಟಾಗುವುದು ಕಡಿಮೆ ನೀರು ಸೇವನೆಯಿಂದಲೂ ಆಗಿರುತ್ತದೆ.
- ನೀರನ್ನು ಒಂದೇ ಸಾರಿ ಕುಡಿಯದೇ ಗುಟುಕು ಗುಟುಕಾಗಿ ಕುಡಿಯಬೇಕು. ಇದರಿಂದ ದೇಹದ ತಾಪಮಾನದ ಸಮತೋಲನ ಕಾಪಾಡಬಹುದು.
- ಊಟವಾದ ತಕ್ಷಣಕ್ಕೆ ಅರ್ಧ ಲೀಟರ್ ನೀರು ಕುಡಿಯುವುದರಿಂದ ಕೂಡ ದೈಹಿಕ ಸಮಸ್ಯೆಗಳು ಉಂಟಾಗುತ್ತವೆ.
- ಒಂದೇ ಬಾರಿಗೆ ಒಂದು ಲೀಟರ್ ಮತ್ತು ಅದಕ್ಕಿಂತ ಹೆಚ್ಚಿನ ನೀರು ಕುಡಿಯುವುದರಿಂದಲೂ ಆತಂಕ, ಗೊಂದಲ ಮತ್ತು ಬಿಪಿ ಸಮಸ್ಯೆ ಕಾಡುತ್ತದೆ.ನೀರು ಕುಡಿಯುವ ಸರಿಯಾದ ವಿಧಾನ
ನೀರು ಕುಡಿಯುವ ಸರಿಯಾದ ವಿಧಾನ:
- ಮಧ್ಯಂತರ ಅವಧಿಯಲ್ಲಿ ನೀರನ್ನು ಕುಡಿಯಬೇಕು. ಅಂದರೆ, ಒಂದೇ ಬಾರಿಯಲ್ಲದೇ, ಕೆಲವು ಸಮಯದ ಬಳಿಕ ಸೇವನೆ ಮಾಡಬೇಕು.
- ಏಕ ಕಾಲದಲ್ಲಿ ಒಂದು ಲೀಟರ್ ನೀರು ಸೇವಿಸಿದರೆ ಅದು ಶ್ವಾಸಕೋಶ ನಾಳದಲ್ಲಿ ಸೇರುವ ಸಂಭವ ಇರುತ್ತದೆ ಎಂಬುದನ್ನು ಮರೆಯಬಾರದು.
- ಊಟಕ್ಕೆ ಮುನ್ನ ಮತ್ತು ಊಟವಾದ ಬಳಿಕ ಒಂದು ಗ್ಲಾಸ್ ನೀರು ಸೇವಿಸಬೇಕು.
- ಊಟ ಸೇವನೆ ಮಧ್ಯದಲ್ಲಿ ನಿರಂತರವಾಗಿ ನೀರು ಕುಡಿಯಬಾರದು. ಊಟವಾದ ಕೆಲ ಸಮಯದ ಬಳಿಕ ನೀರು ಕುಡಿಯುವುದು ಉತ್ತ,
- ಬೆಳಗ್ಗೆ ಎದ್ದಾಕ್ಷಣ ಬೆಚ್ಚಗಿನ ನೀರನ್ನು ಸೇವಿಸುವುದರಿಂದ ಹೊಟ್ಟೆ ಸಂಬಂಧಿತ ಸಮಸ್ಯೆಗಳು ದೂರ ಮಾಡಬಹುದು.
- ಯೋಗ, ವ್ಯಾಯಾಮವಾದ ಅರ್ಧ ಗಂಟೆ ಬಳಿಕ ನೀರು ಕುಡಿಯುವುದು ಉತ್ತಮ.
- ಮಲಗುವ ಮುನ್ನ ಮತ್ತು ಸ್ನಾನಕ್ಕೆ ಮುನ್ನ ಕೂಡ ನೀರು ಸೇವನೆ ಮಾಡುವುದು ಅವಶ್ಯ.
- ಬೇಸಿಗೆಯಲ್ಲಿ ಹೊರಗಿನಿಂದ ಮನೆಗೆ ಬಂದಾಕ್ಷಣ ತಣ್ಣಗಿನ (ಕೋಲ್ಡ್) ನೀರು ಸೇವನೆಯನ್ನು ತಕ್ಷಣವೇ ಮಾಡಬಾರದು. ಇದು ಕೂಡ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತದೆ.
(ಸೂಚನೆ: ಇಲ್ಲಿ ನೀಡಿರುವ ಮಾಹಿತಿ ವೈದ್ಯಕೀಯ ಸಲಹೆಯಾಗಿದೆ. ಈಟಿವಿ ಭಾರತ್ ಇವುಗಳ ಹಕ್ಕನ್ನು ಪ್ರಮಾಣೀಕರಿಸುವುದಿಲ್ಲ. ಇವುಗಳನ್ನು ಅನುಸರಿಸುವ ಮೊದಲು ವೈದ್ಯರ ಸಲಹೆಯನ್ನು ಪಡೆದುಕೊಳ್ಳುವುದು ಉತ್ತಮ.)
ಇದನ್ನೂ ಓದಿ: ದೇಶದಲ್ಲಿ ಬಿರು ಬೇಸಿಗೆ; ಶಾಖದ ಅಲೆಯಿಂದ ಸುರಕ್ಷಿತವಾಗಿರಲು ಈ ಸಲಹೆಗಳನ್ನು ಪಾಲಿಸಿ
