ಕನ್ನಡ ಚಿತ್ರರಂಗದಿಂದ ವೃತ್ತಿಜೀವನ ಆರಂಭಿಸಿ ಸದ್ಯ ಬಹುಭಾಷೆಗಳಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿರುವ ನಟಿ ರಶ್ಮಿಕಾ ಮಂದಣ್ಣ ಅವರು ಅಪಾರ ಸಂಖ್ಯೆಯ ಅಭಿಮಾನಿಗಳ ಜೊತೆ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಇಂದು ಅಭಿಮಾನಿಯೋರ್ವರಿಗೆ ತಮ್ಮ ಅಚ್ಚುಮೆಚ್ಚಿನ ನಟಿಯನ್ನು ನೋಡುವ, ಪ್ರೀತಿ ವ್ಯಕ್ತಪಡಿಸುವ ಅದೃಷ್ಟ ಒದಗಿಬಂದಿದೆ. ಹೌದು, ಅಭಿಮಾನಿ ಓರ್ವರು ನಟಿಗೆ ಕೆಂಗುಲಾಬಿ ಕೊಟ್ಟು, ತಮ್ಮ ಪ್ರೀತಿ ವ್ಯಕ್ತಪಡಿಸಿ, ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ. ನಟಿಯ ಐಕಾನಿಕ್ ಸಿಂಬಲ್ಗಳಾದ ಹಾರ್ಟ್ ಮತ್ತು ಲವ್ ಸಿಂಬಲ್ ಅನ್ನು ಜೊತೆಯಾಗಿ ಪ್ರದರ್ಶಿಸಿ ಪ್ರೀತಿದಾಯಕ ಕ್ಷಣಕ್ಕೆ ಸಾಕ್ಷಿಯಾಗಿದ್ದಾರೆ.
ಮುಂಬೈನಲ್ಲಿ ನ್ಯಾಶನಲ್ ಕ್ರಶ್ ಖ್ಯಾತಿಯ ರಶ್ಮಿಕಾ ಮಂದಣ್ಣ ಬೆರಗುಗೊಳಿಸುವ ನೋಟ ಬೀರಿದರು. ತಾರೆಯ ಮೊಗ ಕಂಗೊಳಿಸುತ್ತಿತ್ತು. ಫ್ಲೇರ್ಡ್ ಡೆನಿಮ್ ಮತ್ತು ಕ್ರಾಪ್ ಜಾಕೆಟ್‌ನಲ್ಲಿ ಸೊಗಸಾಗಿ ಕಾಣಿಸಿಕೊಂಡಿದ್ದಾರೆ. ಗೋಲ್ಡನ್ ಕಿವಿಯೋಲೆ, ಅಚ್ಚುಕಟ್ಟಾದ ಮೇಕ್ಅಪ್ನಲ್ಲಿ ಮಂದಣ್ಣ ಮನಮೋಹಕವಾಗಿ ಕಾಣಿಸಿಕೊಂಡಿದ್ದಾರೆ. ನೇಹಾ ಧೂಪಿಯಾ ಅವರ ಚಾಟ್ ಶೋ 'ನೋ ಫಿಲ್ಟರ್ ನೇಹಾ'ದ ಶೂಟಿಂಗ್ಗಾಗಿ ರಶ್ಮಿಕಾ ಮಂದಣ್ಣ ಮುಂಬೈಗೆ ಆಗಮಿಸಿದ್ದರು. ನೇಹಾ ಅವರ ಕಾರ್ಯಕ್ರಮದ ಶೂಟಿಂಗ್‌ಗೂ ಮುನ್ನ ರಶ್ಮಿಕಾ ಪಾಪರಾಜಿಗಳ ಕ್ಯಾಮರಾಗೆ ಪೋಸ್ ನೀಡಿದರು. ಜೊತೆಗೆ ಅಭಿಮಾನಿಗೂ ಸಮಯ ಮೀಸಲಿಟ್ಟರು.
ಪಾಪರಾಜಿಗಳ ಫೋಟೋ ಸೆಷನ್ ಸಮಯದಲ್ಲಿ, ಅಭಿಮಾನಿಯೊಬ್ಬರು ಬಂದು ರಶ್ಮಿಕಾಗೆ ಕೆಂಗುಲಾಬಿಯನ್ನು ನೀಡಿದರು. ನಟಿ ಅದನ್ನು ಬಹಳ ಪ್ರೀತಿಯಿಂದ, ನಗುಮೊಗದಲ್ಲಿ ಸ್ವೀಕರಿಸಿದರು. ಅಭಿಮಾನಿ ತಮ್ಮ ಕೈಗಳಲ್ಲಿ ಹಾರ್ಟ್, ಲವ್ ಸಿಂಬಲ್ ಬಳಸಿ ಕ್ಯಾಮರಾಗೆ ಪೋಸ್ ನೀಡಿದ್ದು, ನಟಿ ಅಭಿಮಾನಿಗೆ ಸಾಥ್ ನೀಡಿದರು. ರಶ್ಮಿಕಾರ ಸ್ವೀಟ್ ಮೂಮೆಂಟ್ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಪ್ರೀತಿಯ ಧಾರೆಯೆರೆಯುತ್ತಿದ್ದಾರೆ.
ಇದನ್ನೂ ಓದಿ: ಭಟ್ಕಳ ಶಾಪ್ನಲ್ಲಿ ಪತ್ನಿ ರಾಧಿಕಾಗೆ ಕ್ಯಾಂಡಿ ಕೊಡಿಸಿದ ಯಶ್; ಮುದ್ದಾದ ಫೋಟೋಗಳು ವೈರಲ್
ವಿಡಿಯೋಗೆ ಪ್ರತಿಕ್ರಿಯಿಸಿದ ಸೋಷಿಯಲ್ ಮೀಡಿಯಾ ಬಳಕೆದಾರರೋರ್ವರು, ''ಸರಳತೆ" ಎಂದು ಉಲ್ಲೇಖಿಸಿದ್ದಾರೆ. ಮತ್ತೊಬ್ಬರು ಪ್ರತಿಕ್ರಿಯಿಸಿ "ಅವರು ಎಂದಿನಂತೆ ಅತ್ಯುತ್ತಮ" ಎಂದು ಬರೆದಿದ್ದಾರೆ. ನಟಿ ಪ್ರತಿಕ್ರಿಯಿಸಿದ ರೀತಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಅಭಿಮಾನಿಯೋರ್ವರು, "ಹಾಗಾಗಿಯೇ ಅವರು ನ್ಯಾಶನಲ್ ಕ್ರಶ್" ಎಂದು ಕಾಮೆಂಟ್ ಮಾಡಿದ್ದಾರೆ. ಹೀಗೆ ಸಾಕಷ್ಟು ನೆಟ್ಟಿಗರು ನಟಿಯ ನಡೆನುಡಿಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಇದನ್ನೂ ಓದಿ: ಅಮಿತಾಭ್ ಬಚ್ಚನ್ ವೃತ್ತಿಜೀವನಕ್ಕೆ 55 ವರ್ಷಗಳ ಸಂಭ್ರಮ; ಪ್ರಯಾಣ ಪ್ರತಿನಿಧಿಸುವ 'ಎಐ' ಫೋಟೋ ಶೇರ್
ಅನಿಮಲ್ ಯಶಸ್ಸಿನಲ್ಲಿರುವ ರಶ್ಮಿಕಾ ಕೈಯಲ್ಲಿ ಹಲವು ಪ್ರಾಜೆಕ್ಟ್ಗಳಿವೆ. ಇತ್ತೀಚೆಗಷ್ಟೇ ವಿಕ್ಕಿ ಕೌಶಲ್ ಜೊತೆಗಿನ ಪೀರಿಯಾಡಿಕಲ್ ಡ್ರಾಮಾ ಛಾವಾ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದಾರೆ. ಪ್ರಸ್ತುತ, 'ಪುಷ್ಪ: ದಿ ರೂಲ್‌'ನಲ್ಲಿ ಬ್ಯುಸಿಯಾಗಿದ್ದಾರೆ. ದಿ ಗರ್ಲ್‌ಫ್ರೆಂಡ್ ಮತ್ತು ರೈನ್‌ಬೋ ಸಿನಿಮಾಗಳಲ್ಲಿಯೂ ತಮ್ಮ ತೊಡಗಿಸಿಕೊಂಡಿದ್ದಾರೆ.
