ಹೈದರಾಬಾದ್: ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಮಹಿಳಾ ತಂಡ ಈ ಬಾರಿ ಪ್ರಶಸ್ತಿ ಗೆಲ್ಲುವ ಮೂಲಕ ಅಭಿಮಾನಿಗಳ ದಶಕದ ಕನಸನ್ನು ನನಸಾಗಿಸಿದೆ. ಮೊದಲ ಬಾರಿಗೆ ಆರ್ಸಿಬಿ ಕಪ್ ಗೆದ್ದ ಹಿನ್ನೆಲೆ ಬೆಂಗಳೂರಿನ ಜನರ ಸಂಭ್ರಮ ಮುಗಿಲು ಮುಟ್ಟಿದ್ದು, ರಸ್ತೆಗಳಲ್ಲಿ ಕುಣಿತು ಕುಪ್ಪಳಿಸಿದರು. ಈ ಸಂಭ್ರಮದ ವಿಡಿಯೋವೊಂದನ್ನು ಹಂಚಿಕೊಂಡಿರುವ ನಟ ಸಿದ್ದಾರ್ಥ್, ಭಾರತದಲ್ಲಿನ ಪುರುಷ ಪ್ರಧಾನ ಸಮಾಜ ವ್ಯವಸ್ಥೆಯ ಕುರಿತು ಟೀಕಿಸಿದ್ದಾರೆ ಎಂದು ವರದಿಯಾಗಿತ್ತು. ಸಾಮಾಜಿಕ ಜಾಲತಾಣದಲ್ಲಿ ಅವರು ಮಾಡಿರುವ ಪೋಸ್ಟ್ ಇದೀಗ ಭಾರೀ ಚರ್ಚೆಗೆ ಕಾರಣವಾಗಿತ್ತು. ಆದರೆ, ಈ ಪೋಸ್ಟ್ ತಮ್ಮದಲ್ಲ ಎಂದು ಇನ್ಸ್ಟಾಗ್ರಾಂನ ತಮ್ಮ ಖಾತೆ ಮೂಲಕ ನಟ ಸಿದ್ಧಾರ್ಥ ಸ್ಪಷ್ಟಪಡಿಸಿದ್ದಾರೆ. ಇನ್ನು ಈ ಪೋಸ್ಟ್ ಸಂಬಂಧ ಎಕ್ಸ್ ಆ್ಯಪ್ನ ಬಳಕೆದಾರ ಸಹ ಸ್ಪಷ್ಟನೆ ಕೊಟ್ಟಿದ್ದು, ತಾನು ನಟ ಸಿದ್ದಾರ್ಥ್ ಅಲ್ಲ ಎಂದು ಹೇಳಿದ್ದಾರೆ.
ಮಹಿಳಾ ಐಪಿಎಲ್ನಲ್ಲಿ ಆರ್ಸಿಬಿ ಗೆಲುವಿಗೆ ಪುರುಷರು ಸಂಭ್ರಮ ಪಡುತ್ತಿರುವ ವಿಡಿಯೋವನ್ನು ಎಕ್ಸ್ನಲ್ಲಿ ಸಿದ್ದಾರ್ಥ್ ಪೋಸ್ಟ್ ಮಾಡಿದ್ದಾರೆ. ಪುರುಷರ ತಂಡ ಇಷ್ಟು ವರ್ಷಗಳಿಂದ ಕಂಡಿದ್ದ ಕಪ್ ಕನಸನ್ನು ಇದೀಗ ಮಹಿಳೆಯರ ತಂಡ ನನಸು ಮಾಡಿದ ಹಿನ್ನೆಲೆ ಆರ್ಸಿಬಿ ಪುರುಷ ಅಭಿಮಾನಿಗಳು ಸಂತಸದಿಂದ ರಸ್ತೆಯಲ್ಲಿ ಕುಣಿದಿದ್ದಾರೆ. ಈ ಸಂಭ್ರಮಾಚರಣೆಯಲ್ಲಿ ಮಹಿಳೆಯರ ಗೈರಿನ ಕುರಿತು ಗಮನ ಸೆಳೆದಿರುವ ನಟ ಸಿದ್ದಾರ್ಥ್, ಸಾರ್ವಜನಿಕ ಸ್ಥಳದಲ್ಲಿ ಸಂಭ್ರಮಾಚರಣೆಯಲ್ಲಿನ ಪುರುಷ ಮತ್ತು ಮಹಿಳೆಯರ ಸ್ವಾತಂತ್ರ್ಯದ ಅಸಮಾನತೆ ಕುರಿತು ಧ್ವನಿ ಎತ್ತಿದ್ದಾರೆ ಎಂದು ವರದಿಯಾಗಿತ್ತು.
ವೃತ್ತಿ ವಿಚಾರದಲ್ಲಿ ಮಾತನಾಡುವುದಾದರೆ, ಸಿದ್ಧಾರ್ಥ್ ಕಳೆದ ವರ್ಷ ಅಂದರೆ 2023ರಲ್ಲಿ 'ಚಿತ್ಹಾ' ಸಿನಿಮಾವನ್ನು ನಿರ್ಮಾಣ ಮಾಡಿ ನಟಿಸಿದ್ದರು. ಎಸ್ಯು ಅರುಣ್ ಕುಮಾರ್ ನಿರ್ದೇಶನದಲ್ಲಿ ಮೂಡಿ ಬಂದ ಈ ಚಿತ್ರ ಮಕ್ಕಳ ಮೇಲಿನ ದೌರ್ಜನ್ಯದ ಕುರಿತು ಬೆಳಕು ಚೆಲ್ಲಿತ್ತು. ಸಿದ್ದಾರ್ಥ್ ಸದ್ಯ ಕಮಲ್ ಹಾಸನ್ ನಟನೆಯ ಶಂಕರ್ ನಿರ್ದೇಶನದ 'ಇಂಡಿಯಾ 2' ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರವೂ 2020ರಲ್ಲಿಯೇ ಸೆಟ್ ಏರಿತ್ತಾದರೂ ಕೋವಿಡ್ ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ವಿಳಂಬವಾಗಿದ್ದು, ಚಿತ್ರೀಕರಣ ಮುಗಿಯುವ ಹಂತದಲ್ಲಿದ್ದು, ಕೆಲವು ಹಾಡಿನ ಶೂಟಿಂಗ್ ಬಾಕಿ ಇದೆ.
ಇದನ್ನೂ ಓದಿ: ಚೊಚ್ಚಲ ಕಪ್ ಗೆದ್ದ ಮಹಿಳಾ ಆರ್ಸಿಬಿ ತಂಡಕ್ಕೆ ಅಭಿನಂದನೆಗಳ ಮಹಾಪೂರ: ಯಾರು, ಏನಂದ್ರು?
