ಹೈದರಾಬಾದ್: ವಾರಾಂತ್ಯಕ್ಕೆ ತಮ್ಮ ಬಳಕೆದಾರರಿಗೆ ಮತ್ತಷ್ಟು ರಸದೌತಣ ನೀಡಲು ಪ್ರಮುಖ ಒಟಿಟಿಗಳು ಸಿದ್ದವಾಗಿರುತ್ತವೆ. ವಿಶಾಲ ವ್ಯಾಪ್ತಿಯ, ವಿವಿಧ ವರ್ಗದ ಅಭಿರುಚಿಗೆ ತಕ್ಕಂತ ಸಿನಿಮಾ ವಿಷಯಗಳನ್ನು ಈ ವಾರ ಕೂಡ ಕಾಣಬಹುದು. ಈ ವಾರ ಜೀ5, ನೆಟ್ಫ್ಲಿಕ್ಸ್, ಆಪಲ್ ಟಿವಿ ಮತ್ತು ಹಲವು ಒಟಿಟಿಯಲ್ಲಿ ಹಲವು ಭಾಷೆಯ ವಿವಿಧ ಸಿನಿಮಾಗಳು ಬಿಡುಗಡೆಯಾಗಲಿದೆ. ರೋಮಾನ್ಸ್, ಆ್ಯಕ್ಷನ್, ಡ್ರಾಮಾ, ಕುತೂಹಲಕಾರಿ ಸೇರಿದಂತೆ ಹಲವು ಅಭಿರುಚಿಯ ಚಿತ್ರಗಳು ತೆರೆಗೆ ಬರಲು ಸಜ್ಜಾಗಿದೆ. ಯಾವ ಒಟಿಟಿಯಲ್ಲಿ ಯಾವ ಸಿನಿಮಾ ಬಿಡುಗಡೆ ಕಾಣಲಿದೆ ಎಂಬ ಮಾಹಿತಿ ಇಲ್ಲಿದೆ.
ಬಾಹುಬಲಿ: ಕ್ರೌನ್ ಆಫ್ ಬ್ಲಡ್ : ಡಿಸ್ನಿ+ ಹಾಟ್ಸ್ಟಾರ್ (ಮೇ 17)
ಅನಿಮೇಟೆಡ್ ಸೀರಿಸ್ ಆಗಿರುವ ಬಾಹುಬಲಿ: ಕ್ರೌನ್ ಆಫ್ ಬ್ಲಡ್, ನಿರ್ದೇಶಕ ಪ್ರಖ್ಯಾತ ಬಾಹುಬಲಿ ಚಿತ್ರಗಳಿಗೆ ಮುನ್ನುಡಿಯ ಸಿನಿಮಾ ಆಗಿದೆ. ಅಮರೇಂದ್ರ ಬಾಹುಬಲಿ ಮತ್ತು ಭಲ್ಲಾಳದೇವರ ಯುವ ವಯಸ್ಸಿನ ಸಾಹಸಗಳ ಕುರಿತು ಹೆಚ್ಚು ಗಮನ ಹರಿಸಿದೆ. ಪೌರಾಣಿಕ ಸಿನಿಮಾವೂ ಪ್ರೇಕ್ಷಕರ ಕಾತುರತೆಯನ್ನು ಮತ್ತಷ್ಟು ಹೆಚ್ಚಿಸಲಿದೆ.
ದಿ 8 ಶೋ: ನೆಟ್ಫ್ಲಿಕ್ಸ್ (ಮೇ 17): ದಕ್ಷಿಣ ಕೊರಿಯಾದ ಕಾಮಿಡಿ ಥ್ರಿಲ್ಲರ್ ಚಿತ್ರ ಇದಾಗಿದೆ. ಎಂಟು ಜನರ ನಡುವಿನ ಸ್ಪರ್ಧೆಗಳ ನಡುವಿನ ಕಥೆಯನ್ನು ಇದು ಹೊಂದಿದೆ. ಇದು ಮಾನವ ಹತಾಶೆ, ಸಹಕಾರ ಮತ್ತು ಪೈಪೋಟಿಯ ವಿಷಯಗಳ ಕುರಿತು ಬೆಳಕು ಚೆಲ್ಲುತ್ತದೆ.
ದಿ ಬಿಗ್ ಸಿಗರ್: ಆಪ್ ಟಿವಿ+ (ಮೇ 17): ಬ್ಲ್ಯಾಕ್ ಪ್ಯಾಂಥರ್ ಪಾರ್ಟಿಯ ಸಹ-ಸಂಸ್ಥಾಪಕರಾದ ಹ್ಯೂಯ್ ಪಿ. ನ್ಯೂಟನ್ರ ಬೋಲ್ಡ್ ಎಸ್ಕೇಪ್ ತಂತ್ರವನ್ನು ಇದು ಹೊಂದಿದೆ. ಐತಿಹಾಸಿಕ ಘಟನೆಯನ್ನು ಸಿನಿಮೀಯ ರೀತಿ ಪ್ರದರ್ಶಿಸಲಾಗಿದೆ.
ಬಸ್ತಾರ್: ದಿ ನಕ್ಸಲ್ ಸ್ಟೋರಿ : ಜಿ5 (ಮೇ 17): ಸುದಿಪ್ತೊ ಸೆನ್ ಮತ್ತು ವಿಪುಲ್ ಅಮೃತ್ಲಾಲ್ ಶಾ ನಿರ್ದೇಶನ ಈ ಚಿತ್ರ ಮಾವೋವಾದಿ ನಕ್ಸಲ್ ಕೇಂದ್ರವಾಗಿರುವ ಛತ್ತೀಸ್ಗಢದ ಬಸ್ತಾರ್ ಪ್ರದೇಶವನ್ನು ಕೇಂದ್ರವಾಗಿದೆ. ಅದಾ ಶರ್ಮಾ, ಇಂದಿರಾ ತಿವಾರಿ, ಶಿಲ್ಪಾ ಶುಕ್ಲಾ ಮತ್ತು ರೈಮಾ ಸೆನ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಐಪಿಎಸ್ ಅಧಿಕಾರಿ ನೀರ್ಜಾ ಮಧವನ್ ಪಾತ್ರವನ್ನು ಅದಾ ಶರ್ಮಾ ನಿರ್ವಹಿಸಲಿದ್ದಾರೆ.
ಜರಾ ಹಟ್ಕೆ ಜರಾ ಬಚ್ಕೆ: ಜೀಸಿನಿಮಾ (ಮೇ 17): ಸಾರಾ ಅಲಿ ಖಾನ್ ಮತ್ತು ವಿಕ್ಕಿ ಕೌಶಲ್ ಪ್ರಮುಖ ಪಾತ್ರದಲ್ಲಿರುವ ಚಿತ್ರ. ಮನೆಯನ್ನು ತೆಗೆದುಕೊಳ್ಳಲು ಈ ಜೋಡಿ ನಡೆಸುವ ಸಾಹಸದೊಂದಿಗಿನ ಪ್ರಣದಯ ಕಥೆ ಇದಾಗಿದೆ.
ಮಡ್ಗಾವ್ ಎಕ್ಸ್ಪ್ರೆಸ್: ಪ್ರೈಮ್ ವಿಡಿಯೋ (ಮೇ 17) : ಕುನಾಲ್ಖೇಮ್ ನಿರ್ದೇಶನದ ಈ ಚಿತ್ರದಲ್ಲಿ ಪ್ರತೀಕ್ ಗಾಂಧಿ, ಅವಿನಾಶ್ ತಿವಾರಿ, ದಿವ್ಯೆಂದು ಮತ್ತು ನೂರ್ ಫತೇಹಿ ಪ್ರಮುಖ ಪಾತ್ರದಲ್ಲಿದ್ದಾರೆ. ಚಿತ್ರರಂಗದ ಸೆಲೆಬ್ರಿಟಿಗಳು ಮತ್ತು ಪ್ರೇಕ್ಷಕರು ಈ ಚಿತ್ರದ ಬಗ್ಗೆ ಉತ್ತಮವಾಗಿ ಪ್ರತಿಕ್ರಿಯಿಸಿದ್ದರು.
ಇದನ್ನೂ ಓದಿ: ರಾಜಮೌಳಿ-ಮಹೇಶ್ ಬಾಬು ಸಿನಿಮಾ ಸುತ್ತ ಅಂತೆಕಂತೆಗಳ ಸಂತೆ: ಏನದು? ಪ್ರೊಡಕ್ಷನ್ ಹೌಸ್ ಹೇಳಿದ್ದಿಷ್ಟು