BAFTA ಫಿಲ್ಮ್ ಅವಾರ್ಡ್ಸ್ ಮುಗಿಸಿ ಮುಂಬೈಗೆ ಮರಳಿದ ದೀಪಿಕಾ; ಸ್ಟೈಲಿಶ್​​ ಲುಕ್​ನಲ್ಲಿ ಕಂಗೊಳಿಸಿದ ನಟಿ

author img

By ETV Bharat Karnataka Team

Published : Feb 20, 2024, 2:31 PM IST

deepika-padukone-aces-stylish-airport-look-as-she-returns-post-bafta-2024-appearance-watch

ಭಾರತದಿಂದ ಮೊದಲ ಬಾರಿಗೆ ಬಿಎಎಫ್​ಟಿಎ ಫಿಲ್ಮ್​ ಅವಾರ್ಡ್ಸ್​​ ನಿರೂಪಣೆಯಲ್ಲಿ ಭಾಗಿಯಾದ ಖ್ಯಾತಿ ದೀಪಿಕಾ ಪಾಲಾಗಿದೆ

ಹೈದರಾಬಾದ್​: ಬಾಲಿವುಡ್​ ನಟಿ ದೀಪಿಕಾ ಪಡುಕೋಣೆ ಲಂಡನ್​ನ ಸಣ್ಣ ಪ್ರವಾಸ ಮುಗಿಸಿ ಮಂಗಳವಾರ ಮುಂಬೈಗೆ ಬಂದಿಳಿದಿದ್ದಾರೆ. ಬಿಎಎಫ್​ಟಿಎ ಫಿಲ್ಮ್​ ಆವಾರ್ಡ್ಸ್​ 2024ನಲ್ಲಿ ನಿರೂಪಕಿಯಾಗಿ ಮೊದಲ ಬಾರಿಗೆ ಮಿಂಚುವ ಮೂಲಕ ಎಲ್ಲರ ಗಮನ ಸೆಳೆದಿದ್ದ ಅವರು ಮುಂಬೈ ವಿಮಾನ ನಿಲ್ದಾಣದಲ್ಲಿ ತಮ್ಮ ಅದ್ವುತ ಲುಕ್​ನಿಂದ ಗಮನ ಸೆಳೆದರು.

ಭಾರತದಿಂದ ಮೊದಲ ಬಾರಿಗೆ ಬಿಎಎಫ್​ಟಿಎ ಫಿಲ್ಮ್​ ಅವಾರ್ಡ್ಸ್​​ನಲ್ಲಿ ನಿರೂಪಣೆಯಲ್ಲಿ ಭಾಗಿಯಾದ ಖ್ಯಾತಿ ಸದ್ಯ ದೀಪಿಕಾ ಪಾಲಾಗಿದೆ. ಅವರು ಮುಂಬೈನಲ್ಲಿ ಬಂದಿಳಿದ ವಿಡಿಯೋವನ್ನು ಪ್ಯಾಪಾರಾಜಿಗಳು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ನಟಿ ನೀಲಿ ಬಣ್ಣದ ಕ್ರೀಡಾ ಉಡುಪಿನ ಜೊತೆಗೆ ಕಂದು ಬಣ್ಣದ ಓವರ್​ಕೋಟ್​​ ಧರಿಸಿದ್ದು, ಕಪ್ಪು ಗಾಗಲ್ಸ್​ ಮತ್ತು ವೈಟ್​ ಸ್ನಿಕರ್ಸ್​​​ ಜೊತೆಗೆ ಸ್ಟೈಲಿಶ್​ ಆಗಿ ಕಂಗೊಳಿಸಿದ್ದಾರೆ.

ಬಿಎಫ್​ಟಿಎ ಪ್ರಶಸ್ತಿ ಸಮಾರಂಭದಲ್ಲಿ ಗೋಲ್ಡನ್​ ಮತ್ತು ಸಿಲ್ವರ್​ನ ಶೈನಿ ಸಿಕ್ವೆನ್ಸ್​ ಸ್ಯಾರಿಯಲ್ಲಿ ನಟಿ ಮಿಂಚಿದ್ದರು. ಈ ಸೀರೆಯನ್ನು ಖ್ಯಾತ ಡಿಸೈನರ್​ ಆದ ಸಬ್ಯಸಾಚಿ ವಿನ್ಯಾಸ ಮಾಡಿದ್ದರು. ಕಣ್ಣಿನ ಅಲಂಕಾರಕ್ಕೆ ಹೆಚ್ಚು ಒತ್ತು ನೀಡಿದ್ದ ನಟಿ ಕನಿಷ್ಠ ಮೇಕಪ್​ ಲುಕ್​ ನೊಂದಿಗೆ ಮೆಸ್ಸಿ ಬನ್​ ಹಾಕಿ ಕೂದಲನ್ನು ಕಟ್ಟಿದ್ದರು. ತಮ್ಮ ಅಲಂಕಾರಕ್ಕೆ ತಕ್ಕಂತೆ ಕಿವಿಯೋಲೆ ಮೂಲಕ ಗಮನ ಸೆಳೆದರು. ಗಾಲಾದ ಬಳಿಕ ಈ ಪ್ರತಿಷ್ಠಿತ ಸಮಾರಂಭದಲ್ಲಿ ತಮ್ಮ ಸ್ಟನ್ನಿಂಗ್​​ ಲುಕ್​ ಮೂಲಕ ಅಭಿಮಾನಿಗಳನ್ನು ಸೆಳೆದಿದ್ದಾರೆ.

ಚಿತ್ರದ ವಿಷಯದಲ್ಲಿ ಮಾತನಾಡುವುದಾದರೆ, ನಟಿ ದೀಪಿಕಾ ಹೃತಿಕ್​ ರೋಷನ್​ ಅಭಿನಯದ ಆ್ಯಕ್ಷನ್​ ಥ್ರಿಲ್ಲರ್​ ಚಿತ್ರ 'ಫೈಟರ್'​ ಬಿಡುಗಡೆಯಾಗಿ ಉತ್ತಮ ಪ್ರದರ್ಶನ ಕಂಡಿದೆ. ಸಿದ್ದಾರ್ಥ್​ ಆನಂದ್​ ನಿರ್ದೇಶಿಸಿದ ಈ ಚಿತ್ರದಲ್ಲಿ ಅನಿಲ್​ ಕಪೂರ್​​, ಕರಣ್​​ ಸಿಂಗ್​ ಗ್ರೋವರ್​ ಮತ್ತು ಅಕ್ಷಯ್​​ ಒಬೆರಾಯ್​ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಕೂಡ ವ್ಯಕ್ತವಾಗಿತ್ತು.

'ಕಲ್ಕಿ 2898 ಎಡಿ' ಚಿತ್ರದಲ್ಲಿ ನಟಿ ದೀಪಿಕಾ ಪ್ರಭಾಸ್​​ಗೆ ಜೊತೆಯಾಗಿ ನಟಿಸುತ್ತಿದ್ದಾರೆ. ವೈಜ್ಞಾನಿಕ ಕಾಲ್ಪನಿಕ ಸಾಹಸಮಯ ಚಿತ್ರ ಇದಾಗಿದ್ದು, ನಾಗ್​ ಅಶ್ವಿನ್​ ಈ ಚಿತ್ರ ನಿರ್ದೇಶಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ನಟ ಅಮಿತಾಬ್​ ಬಚ್ಚನ್​ ಕೂಡ ನಟಿಸುತ್ತಿದ್ದು, ಇದೇ ವರ್ಷ ಮೇ 9ರಂದು ಚಿತ್ರ ಬಿಡುಗಡೆಯಾಗಲಿದೆ. ಇದರ ಹೊರತಾಗಿ ರೋಹಿತ್​ ಶೆಟ್ಟಿ ನಿರ್ದೇಶನದ 'ಸಿಂಗಂ ಎಗೈನ್'​ ಅಲ್ಲಿ ಕೂಡ ದೀಪಿಕಾ ಬಣ್ಣ ಹಚ್ಚಿದ್ದಾರೆ.

ಇದನ್ನೂ ಓದಿ: BAFTA ಫಿಲ್ಮ್ ಅವಾರ್ಡ್ಸ್ 2024: ಶ್ವೇತ ವರ್ಣದ ಸಾರಿಯಲ್ಲಿ ಭರ್ಜರಿ ಮಿಂಚಿದ ದೀಪಿಕಾ ಪಡುಕೋಣೆ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.