ETV Bharat / entertainment

ಅಂಬಾನಿ ಪುತ್ರನ ಮದುವೆ ಡೇಟ್​ ಫಿಕ್ಸ್​: ಮುಂಬೈನಲ್ಲಿ ನಡೆಯಲಿದೆ ಅದ್ಧೂರಿ ಸಮಾರಂಭ - Anant Radhika Wedding Date

author img

By ETV Bharat Karnataka Team

Published : May 30, 2024, 4:25 PM IST

ಜುಲೈ 12ರಂದು ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಜೋಡಿಯ ಅದ್ಧೂರಿ ವಿವಾಹ ಸಮಾರಂಭ ಜರುಗಲಿದೆ.

Radhika Anant
ಅನಂತ್ ಅಂಬಾನಿ - ರಾಧಿಕಾ ಮರ್ಚೆಂಟ್ (ANI)

ಭಾರತ ಮಾತ್ರವಲ್ಲದೇ ವಿಶ್ವ ಮಟ್ಟದಲ್ಲಿ ಗಮನ ಸೆಳೆಯುವ ಅಂಬಾನಿ ಕುಟುಂಬ ಸದ್ಯ ಮನೆಮಗನ ಮದುವೆ ಸಲುವಾಗಿ ಸುದ್ದಿಯಲ್ಲಿದೆ. ದೇಶದ ಶ್ರೀಮಂತ ಉದ್ಯಮಿ, ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಹಾಗೂ ನೀತಾ ಅಂಬಾನಿ ಕಿರಿಪುತ್ರ ಅನಂತ್ ಅಂಬಾನಿ ಅವರು ರಾಧಿಕಾ ಮರ್ಚೆಂಟ್ ಕೈ ಹಿಡಿಯಲಿದ್ದು, ಸದ್ಯ ಎರಡನೇ ವಿವಾಹಪೂರ್ವ ಸಮಾರಂಭ ನಡೆಯುತ್ತಿದೆ. ಮದುವೆ ಯಾವಾಗ ಎಂಬ ಕುತೂಹಲದಲ್ಲಿ ನೆಟ್ಟಿಗರಿದ್ದರು. ಜೂನ್ ಅಥವಾ​ ಜುಲೈ​ನಲ್ಲಿ ಅದ್ಧೂರಿ ವಿವಾಹ ಸಮಾರಂಭ ಜರುಗಲಿದೆ ಎಂದು ಹೇಳಲಾಗಿತ್ತು. ಇದೀಗ ಅಧಿಕೃತ ಮಾಹಿತಿ ಹೊರಬಿದ್ದಿದೆ.

ಜುಲೈ 12ರಂದು ಅಂಬಾನಿಯವರ ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಅದ್ಧೂರಿ ಆಚರಣೆ ನಡೆಯಲಿದೆ. ವಿಶೇಷ ದಿನ ಸಮೀಪಿಸುತ್ತಿದ್ದಂತೆ, ಅಂಬಾನಿ ಕುಟುಂಬ ಅತಿಥಿಗಳಿಗೆ ಆಮಂತ್ರಣ ಕಳುಹಿಸಲು ಪ್ರಾರಂಭಿಸಿದೆ ಎಂದು ವರದಿಯಾಗಿದೆ.

ರೆಡ್​​, ಗೋಲ್ಡನ್​​​ ಕಲರ್​ನಲ್ಲಿ ರೆಡಿ ಮಾಡಲಾಗಿರುವ ಆಮಂತ್ರಣ ಪತ್ರಿಕೆ ಮೂರು ದಿನಗಳ ಸಂಭ್ರಮಾಚರಣೆಯ ವಿವರಗಳನ್ನು ಬಹಿರಂಗಪಡಿಸಿದೆ. ಜುಲೈ 12 ರಂದು ಶುಭ ವಿವಾಹ ಸಮಾರಂಭದೊಂದಿಗೆ ಉತ್ಸವ ಪ್ರಾರಂಭವಾಗುತ್ತದೆ. ಅತಿಥಿಗಳಿಗೆ ಭಾರತೀಯ ಸಾಂಪ್ರದಾಯಿಕ ಉಡುಗೆಗಳನ್ನು ಧರಿಸಲು ವಿನಂತಿಸಲಾಗಿದೆ. ಮರುದಿನ, ಶನಿವಾರ (ಜುಲೈ 13) ಶುಭ ಆಶೀರ್ವಾದ ಸಮಾರಂಭ ಜರುಗಲಿದೆ. ಅತಿಥಿಗಳಿಗೆ ಇಂಡಿಯನ್​ ಫಾರ್ಮಲ್ ಡ್ರೆಸ್​ ಧರಿಸಲು ಕೋರಲಾಗಿದೆ.

ಮದುವೆಯ ಕೊನೆಯ ಕಾರ್ಯಕ್ರಮ ಜುಲೈ 14ರ ಭಾನುವಾರದಂದು ನಡೆಯಲಿದೆ. ಮಂಗಲ್ ಉತ್ಸವ ಅಥವಾ ಆರತಕ್ಷತೆ ಸಮಾರಂಭವಿದು. ಇಲ್ಲಿಯೂ ಅತಿಥಿಗಳಿಗೆ ಇಂಡಿಯನ್​ ಚಿಕ್​ ಔಟ್​ಫಿಟ್​​ ಧರಿಸುವಂತೆ ಕೇಳಿಕೊಳ್ಳಲಾಗಿದೆ. ಈ ಮೂರು ಕಾರ್ಯಕ್ರಮಗಳು ಮುಂಬೈ, ಬಾಂದ್ರಾದ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿರುವ ಜಿಯೋ ವರ್ಲ್ಡ್ ಸೆಂಟರ್‌ನಲ್ಲಿ ನಡೆಯಲಿದೆ.

ಇದನ್ನೂ ಓದಿ: ಅನಂತ್-ರಾಧಿಕಾ ವೈಭವೋಪೇತ ಕ್ರೂಸ್‌ ಪ್ರೀ ವೆಡ್ಡಿಂಗ್‌ ಪಾರ್ಟಿಗೆ ತೆರಳಿದ ಶಾರುಖ್ ಖಾನ್​ ಕುಟುಂಬ - Anant Radhika Cruise Party

ಅಂಬಾನಿ ಕುಟುಂಬ ಪ್ರಸ್ತುತ ವೈಭವೋಪೇತ ಕ್ರೂಸ್‌ ಪ್ರೀ ವೆಡ್ಡಿಂಗ್‌ ಪಾರ್ಟಿ ಹಮ್ಮಿಕೊಂಡಿದೆ. ಹಡಗಿನಲ್ಲಿ ನಡೆಯುತ್ತಿರುವ ಅದ್ಧೂರಿ ಸಮಾರಂಭ ಮೇ 29ರಂದು ಇಟಲಿಯಲ್ಲಿ ಶುರುವಾಗಿದೆ. ಜೂನ್ 1ರಂದು ಫ್ರಾನ್ಸ್‌ನಲ್ಲಿ ಪೂರ್ಣಗೊಳ್ಳಲಿದೆ. ಎ ಲಿಸ್ಟ್ ಬಾಲಿವುಡ್​ ಸೆಲೆಬ್ರಿಟಿಗಳು, ಪ್ರಪಂಚದಾದ್ಯಂತದ ಖ್ಯಾತನಾಮರು ಭಾಗಿಯಾಗುತ್ತಿದ್ದಾರೆ. ಅತಿಥಿಗಳ ಪಟ್ಟಿ ವಿಶ್ವದ ಸುಮಾರು 300 ಜನ ವಿಐಪಿಗಳನ್ನು ಹೊಂದಿದೆ.

ಇದನ್ನೂ ಓದಿ: ಐಷಾರಾಮಿ ಕ್ರೂಸ್​ನಲ್ಲಿ ಅನಂತ್ ಅಂಬಾನಿ ಅದ್ಧೂರಿ ಪ್ರೀ ವೆಡ್ಡಿಂಗ್​​: ಸಂಭ್ರಮಕ್ಕೆ ಬಾಲಿವುಡ್​ ತಾರೆಗಳ ಮೆರುಗು - Anant Radhika Pre Wedding

ಕ್ರೂಸ್‌ ಪ್ರೀ ವೆಡ್ಡಿಂಗ್‌ ಪಾರ್ಟಿಗೆ ಶಾರುಖ್​ ಅವರ ಸಂಪೂರ್ಣ ಕುಟುಂಬ ತೆರಳಿದ್ದು, ಏರ್​ಪೋರ್ಟ್ ವಿಡಿಯೋಗಳು ವೈರಲ್​ ಆಗಿದೆ. ಇದಕ್ಕೂ ಸಾರಾ ಅಲಿ ಖಾನ್, ಜಾಹ್ನವಿ ಕಪೂರ್, ಅನನ್ಯಾ ಪಾಂಡೆ, ರಶ್ಮಿಕಾ ಮಂದಣ್ಣ, ಕರೀಷ್ಮಾ ಕಪೂರ್, ಕರೀನಾ ಕಪೂರ್ ಖಾನ್​, ರಿತೇಶ್​ ಜೆನಿಲಿಯಾ ಕುಟುಂಬ ಸೇರಿದಂತೆ ಹಲವರು ಮುಂಬೈ ಏರ್​ಪೋರ್ಟ್​ನಲ್ಲಿ ಕಾಣಿಸಿಕೊಂಡರು.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.