ನವದೆಹಲಿ: 18ನೇ ಲೋಕಸಭೆ ಚುನಾವಣೆಗೆ ಮತದಾನ ನಡೆಯುತ್ತಿದೆ. ಈಗಾಗಲೇ 5 ಹಂತದ ಮತದಾನ ಮುಗಿದಿದೆ. ಇನ್ನೆರಡು ಹಂತಗಳು ಮಾತ್ರ ಬಾಕಿ ಉಳಿದಿದ್ದು, ಜೂನ್ 4 ರಂದು ನಡೆಯುವ ಮತ ಎಣಿಕೆಯ ಮೇಲೆ ದೇಶದ ನಾಗರಿಕರ ನಿರೀಕ್ಷೆ ಹೆಚ್ಚಿದೆ. ರಾಜಕೀಯ ಪಕ್ಷಗಳು ಗೆಲುವಿಗಾಗಿ ಭರ್ಜರಿ ಹೋರಾಟ ನಡೆಸುತ್ತಿವೆ.
ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಸಂಗ್ರಹಿಸಿದ ಚುನಾವಣಾ ಅಂಕಿ - ಅಂಶಗಳ ವಿಶ್ಲೇಷಣೆಯ ಪ್ರಕಾರ, ಪ್ರಸ್ತುತ ಲೋಕಸಭಾ ಚುನಾವಣೆಯಲ್ಲಿ 8,360 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಈ ಪೈಕಿ 8,337 ಅಭ್ಯರ್ಥಿಗಳ ನಾಮಪತ್ರ ದಾಖಲೆಯ ಪರಿಶೀಲಿಸಲಾಗಿದೆ. ಅದರಲ್ಲಿ 25 ರಿಂದ 30 ವರ್ಷದೊಳಗೆ 2,642 ಹುರಿಯಾಳುಗಳು ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ. 11 ಅಭ್ಯರ್ಥಿಗಳು 80 ವರ್ಷ ಮೇಲ್ಪಟ್ಟವರಿದ್ದಾರೆ ಎಂದಿದೆ.
| ಮೊದಲ ಹಂತ: ಏಪ್ರಿಲ್ 19 ರಂದು ನಡೆದ ಮೊದಲನೇ ಹಂತದ ಚುನಾವಣೆಯಲ್ಲಿ 25 ರಿಂದ 40 ವರ್ಷದೊಳಗಿನ 505 ಅಭ್ಯರ್ಥಿಗಳು ಚುನಾವಣೆಯಲ್ಲಿ ಸ್ಪರ್ಧಿಸಿದ್ದಾರೆ. 41ರಿಂದ 60 ವರ್ಷದೊಳಗಿನ 849 ಅಭ್ಯರ್ಥಿಗಳು, 61ರಿಂದ 80 ವರ್ಷದೊಳಗಿನ 260 ಮತ್ತು 80 ವರ್ಷ ಮೇಲ್ಪಟ್ಟ ನಾಲ್ವರು ಅಭ್ಯರ್ಥಿಗಳಿದ್ದರು. |
ಎರಡನೇ ಹಂತ: ಏಪ್ರಿಲ್ 26 ರಂದು ನಡೆದ ಎರಡನೇ ಹಂತದಲ್ಲಿ 25 ರಿಂದ 40 ವಯೋಮಾನದ 363 ಅಭ್ಯರ್ಥಿಗಳು ಕಣದಲ್ಲಿದ್ದರೆ, 41 ರಿಂದ 60 ವರ್ಷದೊಳಗೆ 578, 61 ರಿಂದ 80 ವರ್ಷದೊಳಗಿನ 249 ಮತ್ತು 80 ವರ್ಷ ಮೇಲ್ಪಟ್ಟ ಇಬ್ಬರು ಅಭ್ಯರ್ಥಿಗಳು ಕಣದಲ್ಲಿದ್ದರು.
| ಮೂರನೇ ಹಂತ: ಮೇ 7 ರಂದು ನಡೆದ ಮೂರನೇ ಹಂತದಲ್ಲಿ 25 ರಿಂದ 40 ವರ್ಷದ 411 ಅಭ್ಯರ್ಥಿಗಳು ಚುನಾವಣೆಗೆ ಸ್ಪರ್ಧಿಸಿದ್ದು, 712 ಮಂದಿ 41ರಿಂದ 60 ವರ್ಷದೊಳಗಿದ್ದಾರೆ. 61 ರಿಂದ 80 ವರ್ಷದೊಳಗಿನ 228 ಅಭ್ಯರ್ಥಿಗಳು ಮತ್ತು 84 ವರ್ಷದ ಒಬ್ಬರು ಇದ್ದರು. |
ನಾಲ್ಕನೇ ಹಂತ: ಮೇ 13 ರಂದು ನಡೆದ 4ನೇ ಹಂತದಲ್ಲಿ 25 ರಿಂದ 40 ವರ್ಷದೊಳಗಿನ 642 ಅಭ್ಯರ್ಥಿಗಳು ಕಣದಲ್ಲಿದ್ದರು. 41 ರಿಂದ 60 ವಯಸ್ಸಿನ 842 ಮತ್ತು 61 ರಿಂದ 80 ವರ್ಷದೊಳಗಿನ 226 ಅಭ್ಯರ್ಥಿಗಳು ಚುನಾವಣೆಯಲ್ಲಿದ್ದಾರೆ.
| ಐದನೇ ಹಂತ: ಮೇ 20 ರಂದು ನಡೆದ 5ನೇ ಈ ಹಂತದ ಚುನಾವಣೆಯಲ್ಲಿ 207 ಅಭ್ಯರ್ಥಿಗಳು 25 ಮತ್ತು 40 ವಯೋಮಾನದರಾಗಿದ್ದಾರೆ. 384 ಅಭ್ಯರ್ಥಿಗಳು 41 ರಿಂದ 60 ವಯಸ್ಸಿನವರು, 103 ಅಭ್ಯರ್ಥಿಗಳು 61 ರಿಂದ 80 ರ ನಡುವೆ ಇದ್ದಾರೆ. ಒಬ್ಬ ಅಭ್ಯರ್ಥಿಗೆ 82 ವರ್ಷ ವಯಸ್ಸಾಗಿದೆ. |
6ನೇ ಹಂತ: ಮೇ 25 ರಂದು ಆರನೇ ಹಂತದ ಚುನಾವಣೆಯಲ್ಲಿ 7 ರಾಜ್ಯಗಳ 57 ಸ್ಥಾನಗಳಿಗೆ ಮತದಾನ ನಡೆಯಲಿದೆ. ಇದರಲ್ಲಿ 25 ರಿಂದ 40 ವರ್ಷದೊಳಗಿನ 271 ಅಭ್ಯರ್ಥಿಗಳಿದ್ದಾರೆ. 41 ರಿಂದ 60 ವಯಸ್ಸಿನ 436 ಅಭ್ಯರ್ಥಿಗಳು, ಹಾಗೂ 61 ರಿಂದ 80 ವರ್ಷದೊಳಗಿನವರು 159 ಅಭ್ಯರ್ಥಿಗಳು ಇದ್ದಾರೆ.
| 7ನೇ ಹಂತ: ಜೂನ್ 1 ರಂದು 8 ರಾಜ್ಯಗಳ 57 ಲೋಕಸಭಾ ಸ್ಥಾನಗಳಿಗೆ ನಡೆಯುವ ಕೊನೆಯ ಹಂತದ ಮತದಾನದಲ್ಲಿ 25 ರಿಂದ 40 ವಯೋಮಾನದ 243 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. 41 ರಿಂದ 60 ವರ್ಷದ 481 ಅಭ್ಯರ್ಥಿಗಳು, 61 ರಿಂದ 80 ರ ನಡುವಿನ 177, ಮೂವರು ಅಭ್ಯರ್ಥಿಗಳು 80 ವರ್ಷಕ್ಕಿಂತ ಮೇಲ್ಪಟ್ಟವರಿದ್ದಾರೆ ಎಂದು ಮಾಹಿತಿ ಕಲೆ ಹಾಕಿದೆ. |
ಇದನ್ನೂ ಓದಿ: ಮೇ 25ರಂದು 6ನೇ ಹಂತದ ಮತದಾನ: ಇಂದು ಸಂಜೆ ಬಹಿರಂಗ ಪ್ರಚಾರ ಅಂತ್ಯ - LOK SABHA ELECTION 2024
