ಹೆದ್ದಾರಿಯಲ್ಲಿ ಕಾಳಿಂಗ ಸರ್ಪಗಳ ಮಿಲನ: ವಿಡಿಯೋ

ಚಿಕ್ಕಮಗಳೂರು: ಕಳಸ ಹೊರಭಾಗದ ಭಗವತಿ ದೇವಸ್ಥಾನದ ಸಮೀಪ ಕಾಳಿಂಗ ಸರ್ಪಗಳು‌ ಮಿಲನ ಕ್ರಿಯೆಯಲ್ಲಿ ತೊಡಗಿದ್ದ ಅಪರೂಪದ ‌ಘಟನೆ ಜರುಗಿತು. ಕುದುರೆಮುಖ-ಮಂಗಳೂರು ಮಧ್ಯೆ ಸಂಪರ್ಕ ಕಲ್ಪಿಸುವ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಉರಗಗಳ ಮಿಲನ ಕ್ರಿಯೆ ನಡೆದಿದ್ದು, ಕೆಲಕಾಲ ಟ್ರಾಫಿಕ್ ಸಮಸ್ಯೆ ಉಂಟಾಯಿತು. ರಸ್ತೆ ಮಧ್ಯೆ ನಿಂತು ಹಾವುಗಳ ಸರಸ-ಸಲ್ಲಾಪವನ್ನು ಜನರು ವೀಕ್ಷಿಸಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.