ಪ್ರಾಣಕ್ಕೆ ಕುತ್ತು ತಂದ ಸ್ಟಂಟ್​​.. ಸಮ್ಮರ್​ಸಾಲ್ಟ್​ ಮಾಡಿ ಜೀವ ಕಳೆದುಕೊಂಡ ಕಬಡ್ಡಿ ಪಟು

ತಿರುವಣ್ಣಾಮಲೈ(ತಮಿಳುನಾಡು): ತಿರುವಣ್ಣಾಮಲೈ ಮಾರಿಯಮ್ಮನ್ ದೇವಸ್ಥಾನದ ಉತ್ಸವ ಪ್ರಯುಕ್ತ ಕಳತುಮೇಟು ಬೀದಿಯಲ್ಲಿ ಕಬಡ್ಡಿ ಪಂದ್ಯಾವಳಿ ನಡೆಸುವುದು ವಾಡಿಕೆ. ಕಬಡ್ಡಿ ಪಂದ್ಯಾಟದ ಅಭ್ಯಾಸದ ವೇಳೆ ಆಟಗಾರ ವಿನೋದ್​ ಕುಮಾರ್​ (34) ಎಂಬವರು ಸಮ್ಮರ್​ಸಾಲ್ಟ್​ ಸ್ಟಂಟ್​ ಮಾಡಿದ್ದು, ಅವರ ತಲೆಗೆ ಭಾರಿ ಗಾಯವಾಗಿದೆ. ಸ್ಥಳದಲ್ಲಿ ಪ್ರಜ್ಞೆ ತಪ್ಪಿದ್ದ ಅವರನ್ನು ಕೂಡಲೇ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು, ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಚೆನ್ನೈ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಗಿತ್ತು. ಆದರೆ ಸೋಮವಾರ ರಾತ್ರಿ ಕಬಡ್ಡಿ ಆಟಗಾರ ವಿನೋದ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ.