ವರ್ಷಧಾರೆಗೆ ಕಾಜಿರಂಗ ನ್ಯಾಷನಲ್​ ಪಾರ್ಕ್ ಜಲಾವೃತ​: ವಿಡಿಯೋ

ಗುವಾಹಟಿ (ಅಸ್ಸೋಂ): ವಿಶ್ವಸಂಸ್ಥೆಯ ವಿಶ್ವಪಾರಂಪರಿಕ ತಾಣಗಳಲ್ಲಿ ಒಂದಾದ ಭಾರತದ ಕಾಜಿರಂಗ ನ್ಯಾಷನಲ್​ ಪಾರ್ಕ್​​ ತತ್ತರಿಸಿದೆ. ಭಾರೀ ವರ್ಷಧಾರೆಯಿಂದ ಬ್ರಹ್ಮಪುತ್ರ ನದಿ ತುಂಬಿ ಹರಿಯುತ್ತಿದ್ದು, ಕಾಜಿರಂಗ ಪಾರ್ಕ್​ಗೆ ಪ್ರವಾಹೋಪಾದಿಯಲ್ಲಿ ನೀರು ನುಗ್ಗಿದೆ. ಪಾರ್ಕ್​ನ ಶೇಕಡಾ 80ರಷ್ಟು ಅಸ್ತವ್ಯಸ್ತಗೊಂಡಿದೆ. ಇದರಿಂದಾಗಿ ಪ್ರಾಣಿಗಳು ಪರದಾಡುವಂತಾಗಿದ್ದು, ಎಲ್ಲೆಂದರಲ್ಲಿ ಮೃತಪಟ್ಟಿವೆ.