ವಿಡಿಯೋ: ಅಮೃತ್​ಸರದ ಸಚ್‌ಖಂದ್​​ ಶ್ರೀ ಹರ್ಮಂದಿರ್ ಸಾಹಿಬ್‌ಗೆ ರಾಘವ್​ ಪರಿಣಿತಿ ಭೇಟಿ

ಅಮೃತ್​​ಸರ (ಪಂಜಾಬ್​​): ಆಮ್ ಆದ್ಮಿ ಪಕ್ಷದ ರಾಜ್ಯಸಭಾ ಸದಸ್ಯ ರಾಘವ್ ಚಡ್ಡಾ ಮತ್ತು ಅವರ ಭಾವಿ ಪತ್ನಿ, ಬಾಲಿವುಡ್​ ಚಿತ್ರನಟಿ ಪರಿಣಿತಿ ಚೋಪ್ರಾ ಇಂದು ಮುಂಜಾನೆ ಅಮೃತಸರ್​​ನ ಗುರುನಗರದ ಸಚ್‌ಖಂದ್​​ ಶ್ರೀ ಹರ್ಮಂದಿರ್ ಸಾಹಿಬ್‌ಗೆ ಭೇಟಿ ನೀಡಿದ್ದರು. ಗುರುಗಳ ಮನೆಯಲ್ಲಿ ದೇವರಿಗೆ ನಮಸ್ಕರಿಸಿ, ಹೊಸ ಜೀವನಕ್ಕೆ ಆಶೀರ್ವಾದ ಪಡೆದರು. ಈ ಸಂದರ್ಭದಲ್ಲಿ ಎಲ್ಲರಿಗೂ ಒಳ್ಳೆಯದಾಗಲಿ ಎಂದು ನವಜೋಡಿ ಪ್ರಾರ್ಥಿಸಿದರು.  

ಇದಾದ ಬಳಿಕ ಗುರುಘರ್‌ನಲ್ಲಿರುವ ಲಂಗರ್ ಹಾಲ್‌ನೊಳಗಿನ ಪಾತ್ರೆಗಳನ್ನು ಸ್ವಚ್ಛಗೊಳಿಸುವ ಸೇವೆಯನ್ನೂ ಮಾಡಿದರು. ಈ ಸಂದರ್ಭದಲ್ಲಿ ಜೋಡಿಯ ಸುತ್ತ ಬಿಗಿ ಭದ್ರತೆಯನ್ನು ನಿಯೋಜಿಸಲಾಗಿತ್ತು. ಅವರ ಬಳಿ ಹೋಗಲು ಯಾರಿಗೂ ಅವಕಾಶವಿರಲಿಲ್ಲ. ಅವರ ಸುತ್ತಲೂ ಭದ್ರತಾ ಪಡೆಗಳು ಕಟ್ಟೆಚ್ಚರ ವಹಿಸಿದ್ದವು. ಹೀಗಾಗಿ ಮಾಧ್ಯಮದವರ ಯಾವ ಪ್ರಶ್ನೆಗೂ ಅವರಿಂದ ಉತ್ತರ ಸಿಗಲಿಲ್ಲ.  

ಇದನ್ನೂ ಓದಿ: ಬಣ್ಣದ ಲೋಕದಲ್ಲಿ 23 ವರ್ಷ ಪೂರೈಸಿದ ಬೇಬೋ; ಕರೀನಾ ಕಪೂರ್ ಖಾನ್​ ಬಗ್ಗೆ ನಿಮಗೆಷ್ಟು ಗೊತ್ತು?

ಮೇ ತಿಂಗಳಲ್ಲಿ ರಾಘವ್ ಮತ್ತು ಪರಿಣಿತಿ ದೆಹಲಿಯಲ್ಲಿ ಕುಟುಂಬಸ್ಥರು, ಆಪ್ತರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಶೀಘ್ರದಲ್ಲೇ ರಾಜಸ್ಥಾನದ ಉದಯಪುರದಲ್ಲಿ ಹಸೆಮಣೆ ಏರಲಿದ್ದಾರೆ. ಇದೀಗ ಈ ಜೋಡಿಯ ಮದುವೆಯ ಕುರಿತು ಚರ್ಚೆ ಜೋರಾಗಿದೆ. ಇದೇ ವರ್ಷದೊಳಗೆ ಮದುವೆ ಸಮಾರಂಭ ನಡೆಯಲಿದೆ ಎಂದು ವರದಿಯಾಗಿದೆ.