ಮಹಿಳಾ ಕೇಂದ್ರಿತ ಹೃದಯ ಪುನರ್ವಸತಿ ಮಾರ್ಗಸೂಚಿ: ಜೀವನ ಮಟ್ಟ ಸುಧಾರಿಸಲು ಸಹಕಾರಿ

ನವದೆಹಲಿ: ಹೃದಯರಕ್ತನಾಳದ ಕಾಯಿಲೆ (CVD) ಹೊಂದಿರುವ ಮಹಿಳೆಯರು ಕಳಪೆ ಫಲಿತಾಂಶ ಹೊಂದಿದ್ದಾರೆ. ಅಲ್ಲದೇ ಈ ಕಾಯಿಲೆಯನ್ನು ತಡೆಗಟ್ಟಲು, ಪುನರ್ವಸತಿ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಮಹಿಳೆಯರ ಸಂಖ್ಯೆ ಪುರುಷರಿಗಿಂತ ಕಡಿಮೆ ಇದೆ ಎಂದು ತಿಳಿದು ಬಂದಿದೆ. ಹೃದಯರಕ್ತನಾಳದ ತಡೆಗಟ್ಟುವಿಕೆ ಮತ್ತು ಪುನರ್ವಸತಿ ಇಂಟರ್ನ್ಯಾಷನಲ್ ಕೌನ್ಸಿಲ್ (ICCPR) ಹೆಚ್ಚು ಪರಿಣಾಮಕಾರಿಯಾಗಿ ಮಹಿಳಾ - ಕೇಂದ್ರಿತ ಪ್ರೋಗ್ರಾಮ್​ಗಳನ್ನು ಹೇಗೆ ನೀಡುವುದು ಎಂಬುದರ ಬಗ್ಗೆ ಮಾಹಿತಿ ಪಡೆಯಲು ತಜ್ಞರ ಸಮಿತಿಯನ್ನು ಕರೆದಿದೆ.

ಅಧ್ಯಯನದ ಆವಿಷ್ಕಾರಗಳನ್ನು ಕೆನಡಿಯನ್ ಜರ್ನಲ್ ಆಫ್ ಕಾರ್ಡಿಯಾಲಜಿಯಲ್ಲಿ ಪ್ರಕಟಿಸಲಾಗಿದೆ. ಅದಕ್ಕೆ ಅನುಗುಣವಾಗಿ, ಮಹಿಳೆಯರನ್ನು ಉತ್ತಮವಾಗಿ ತೊಡಗಿಸಿಕೊಳ್ಳಲು ಮತ್ತು ಅವರ ಫಲಿತಾಂಶಗಳನ್ನು ಉತ್ತಮಗೊಳಿಸಲು CR ನ 'ಮಹಿಳಾ-ಕೇಂದ್ರಿತ' ಮಾದರಿಗಯನ್ನು ಅಭಿವೃದ್ಧಿಪಡಿಸಲಾಗಿದೆ.

CR ಸಮುದಾಯಕ್ಕೆ ಶಿಫಾರಸುಗಳನ್ನು ಮಾಡಲು ಮಹಿಳಾ - ಕೇಂದ್ರಿತ CR ನಲ್ಲಿ ಈಗ ಸಾಕಷ್ಟು ಪುರಾವೆಗಳಿವೆ. ಈ ICCPR ಕ್ಲಿನಿಕಲ್ ಅಭ್ಯಾಸ ಮಾರ್ಗಸೂಚಿಯು CR ಸಮುದಾಯಕ್ಕೆ ಸ್ಟ್ರೋಕ್ ಮತ್ತು ಪೆರಿಫೆರಲ್ ಆರ್ಟೆರಿಯಲ್ ಡಿಸೀಸ್ (PAD) ಸೇರಿದಂತೆ CVD ಇರುವ ಮಹಿಳೆಯರಿಗೆ ಕಾರ್ಯಕ್ರಮಗಳನ್ನು ಹೇಗೆ ಉತ್ತಮವಾಗಿ ವಿನ್ಯಾಸಗೊಳಿಸುವುದು ಮತ್ತು ಮಹಿಳೆಯರ ಫಲಿತಾಂಶಗಳನ್ನು ಉತ್ತಮಗೊಳಿಸುವ ಬಗ್ಗೆ ಮಾರ್ಗದರ್ಶನ ನೀಡಲಿದೆ.

ಐಸಿಸಿಪಿಆರ್​ನ ಗ್ಲೋಬಲ್ ಆಡಿಟ್ ಮೂಲಕ ಗುರುತಿಸಿದಂತೆ ಪ್ರಪಂಚದಾದ್ಯಂತ ಮಹಿಳಾ - ಕೇಂದ್ರಿತ CR ಅನ್ನು ನೀಡುವ ವೈಜ್ಞಾನಿಕ ಸಾಹಿತ್ಯ ಮತ್ತು ಕಾರ್ಯಕ್ರಮಗಳ ವಿಮರ್ಶೆಯ ಮೂಲಕ ICCPR ಮಹಿಳಾ-ಕೇಂದ್ರಿತ CR ಸಂಶೋಧಕರನ್ನು ಗುರುತಿಸಿದೆ. ಭಾಗವಹಿಸಲು ಸಮ್ಮತಿಸಿದ ವ್ಯಕ್ತಿಗಳು ಮತ್ತು ಕಾರ್ಯಕ್ರಮಗಳು ಬಹುಶಿಸ್ತೀಯ ಆರೋಗ್ಯ ಪೂರೈಕೆದಾರರು, ನೀತಿ ನಿರೂಪಕರು ಮತ್ತು ರೋಗಿಯ ಪಾಲುದಾರರಾಗಿರುವ ವೈವಿಧ್ಯಮಯ ಭೌಗೋಳಿಕ ಪ್ರಾತಿನಿಧ್ಯ ಹೊಂದಿರುವ ತಜ್ಞರನ್ನು ಒಳಗೊಂಡಂತೆ ಬರವಣಿಗೆ ಮತ್ತು ಒಮ್ಮತದ ಫಲಕ ರಚಿಸಲಾಗಿದೆ. ಈ ಗುಂಪು ಶಿಫಾರಸುಗಳನ್ನು ಸಿದ್ಧಪಡಿಸಿದೆಯಲ್ಲದೇ ಅದನ್ನು ಪರಿಶೀಲನೆ ನಡೆಸಿದೆ.

ಪ್ರಮುಖ ಶಿಫಾರಸುಗಳೆಂದರೆ: ಪಕ್ಷಪಾತವನ್ನು ಕಡಿಮೆ ಮಾಡಲು ಮಹಿಳೆಯರನ್ನು ವ್ಯವಸ್ಥಿತವಾಗಿ CR ಗೆ ಉಲ್ಲೇಖಿಸಬೇಕು ಮತ್ತು ಲಿಂಗ-ಸಂಬಂಧಿತ ಅಡೆತಡೆಗಳನ್ನು ಜಯಿಸಲು ಎರಡು - ಮಾರ್ಗದ ಪೂರ್ಣ ಚರ್ಚೆಯ ಮೂಲಕ ಆಸ್ಪತ್ರೆಯ ಡಿಸ್ಚಾರ್ಜ್‌ಗೆ ಮುಂಚಿತವಾಗಿ ಹಾಜರಾಗಲು ಪ್ರೋತ್ಸಾಹಿಸಬೇಕು.

ಮಹಿಳೆಗೆ ಸೂಕ್ತವಾದ ಪುನರ್ವಸತಿ ಯೋಜನೆ ಅಭಿವೃದ್ಧಿಪಡಿಸುವಾಗ ಅವರ ಸಂದರ್ಭೋಚಿತ ಮತ್ತು ಸಂಪೂರ್ಣ ವೈದ್ಯಕೀಯ ಇತಿಹಾಸವನ್ನು ಪರಿಗಣಿಸಬೇಕು. ಎಲ್ಲ ಕಾರ್ಯಕ್ರಮಗಳು ಮಹಿಳಾ - ಕೇಂದ್ರಿತ ಪ್ರೋಗ್ರಾಮಿಂಗ್ ಅನ್ನು ಒದಗಿಸಬೇಕು. ಸಾಧ್ಯವಾದಷ್ಟು ಮಹಿಳಾ - ಕೇಂದ್ರಿತ CR ನ ವ್ಯಾಖ್ಯಾನದ ಅಂಶಗಳನ್ನು ಒಳಗೊಂಡಿರಬೇಕು. ಸಂಪನ್ಮೂಲಗಳು ಸೀಮಿತವಾಗಿರುವಲ್ಲಿ, ಇದು ಕೆಲವು ಮಹಿಳೆಯರಿಗೆ ಮಾತ್ರ ವರ್ಚುಯಲ್ ಶಿಕ್ಷಣ ಅಥವಾ ವ್ಯಾಯಾಮ ಅವಧಿಗಳು ಅಥವಾ ಪೀರ್ ಬೆಂಬಲ ಕಾರ್ಯಕ್ರಮಗಳನ್ನು ನೀಡುವುದನ್ನು ಒಳಗೊಂಡಿರುತ್ತದೆ.

ಇದನ್ನೂ ಓದಿ: ಎಲ್ಲರ ಹೃದಯವೂ ಒಂದೇ ಸಮನೆ ಮಿಡಿಯುವುದಿಲ್ಲ..! ಯಾಕೆ ಗೊತ್ತಾ..?

ಮಹಿಳಾ ಸ್ನೇಹಿ ವಾತಾವರಣದಲ್ಲಿ ವಿತರಿಸಲಾದ ಕೇಂದ್ರ - ಆಧಾರಿತ (ಕ್ಲಿನಿಕಲ್ ಅಥವಾ ಸಮುದಾಯ) ಅಥವಾ ಗೃಹಾಧಾರಿತ ಸೆಟ್ಟಿಂಗ್‌ನಲ್ಲಿ ಭಾಗವಹಿಸಲು ಮಹಿಳೆಯರಿಗೆ ಆಯ್ಕೆಯನ್ನು ನೀಡಬೇಕು. ಅವರ ಕಾರ್ಯಕ್ರಮಗಳನ್ನು ರೂಪಿಸುವಾಗ ಅವರ ಅಗತ್ಯಗಳು / ಆದ್ಯತೆಗಳನ್ನು ಪರಿಗಣಿಸಬೇಕು.

ಕಾರ್ಯಕ್ರಮಗಳು ಬಲವಾದ ಮನೋಸಾಮಾಜಿಕ ಘಟಕ, ವ್ಯಾಯಾಮ ವಿಧಾನಗಳ ಆಯ್ಕೆ, ಹಾಗೆಯೇ ಮಹಿಳೆಯರು ಮತ್ತು CVD ಕುರಿತು ನಿರ್ದಿಷ್ಟ ಶಿಕ್ಷಣವನ್ನು ಒಳಗೊಂಡಿರಬೇಕು. ಮಹಿಳೆಯರ ಮಾನಸಿಕ ಸಾಮಾಜಿಕ ಅಗತ್ಯಗಳನ್ನು ಪುರಾವೆ ಆಧಾರಿತ ರೀತಿಯಲ್ಲಿ ನಿರ್ಣಯಿಸಬೇಕು ಮತ್ತು ಪರಿಹರಿಸಬೇಕು. ಉದಾಹರಣೆಗೆ ಸಾಮಾಜಿಕ ಬೆಂಬಲ, ಸಂಬಂಧದ ಆರೋಗ್ಯ, ಖಿನ್ನತೆ, ಆತಂಕ, ಒತ್ತಡ, ಸಾಮಾಜಿಕ ಆರ್ಥಿಕ ಸಮಸ್ಯೆಗಳು, ಅನೌಪಚಾರಿಕ ಆರೈಕೆ ಚಟುವಟಿಕೆಗಳು.

ವಿಶ್ವದಾದ್ಯಂತ ಮಹಿಳೆಯರು CVD ಯಿಂದ ಕೆಟ್ಟ ಫಲಿತಾಂಶಗಳನ್ನು ಅನುಭವಿಸಿದ್ದಾರೆ ಮತ್ತು ತಡೆಗಟ್ಟುವಿಕೆ ಹಾಗೂ ಪುನರ್ವಸತಿ ಕಾರ್ಯಕ್ರಮಗಳಿಂದ ಕೆಟ್ಟ ಪರಿಣಾಮಗಳನ್ನು ಅನುಭವಿಸಿದ್ದಾರೆ ಎಂದು ICCPR ಒಪ್ಪಿಕೊಂಡಿದೆ.

CVD ಜಾಗತಿಕವಾಗಿ ಮಹಿಳೆಯರಲ್ಲಿ ಸಾವಿಗೆ ಪ್ರಮುಖ ಕಾರಣವಾಗಿದೆ. ಪ್ರತಿ 100,000 ಕ್ಕೂ ಹೆಚ್ಚು ಮಹಿಳೆಯರಲ್ಲಿ 6,400 ಜನ ಸಾಯುತ್ತಿದ್ದಾರೆ. 1990 ರಿಂದ ಜಾಗತಿಕ CVD ಹೊರೆ ಕಡಿಮೆಯಾಗಿದೆ. ಇದು ಅನೇಕ ಆಫ್ರಿಕನ್, ಏಷ್ಯನ್ ಮತ್ತು ಪಾಶ್ಚಿಮಾತ್ಯ-ಪೆಸಿಫಿಕ್ ದೇಶಗಳಲ್ಲಿ ಹೆಚ್ಚಾಗಿದೆ. 2010 ರಿಂದ ಸಿವಿಡಿ ಸ್ವಲ್ಪ ಮಟ್ಟಿಗೆ ಕುಂಠಿತವಾಗಿದೆ.